Philippians 4:3 - Ömie: God-are Jögoru Iꞌoho

³ Röhu ja na'o mue gemuoho mae vaejanue ae javë'ego naro ave jöho jasi örire uave. Ëmagonaho niö'ioho ajëmijego gemuoro avoho ari'iro. Ëhesi bëhoho ë magonahoho jaburo na'o gemu mae bimuvoromo God-are jö ma hesi muoho biririvoromo vaejareje. Jaburo Clement'o na'o mu vaejarue aribövi ioro'iorohu'o ëhi ë'areje. Jabesi ihoho mae raromemu raromo'iröhe ö'idöre jiaje surire ë jajivo'amë'eje. Ëhuni ë magonaho niö'ioho ajëmine.

Philippians 4:3 ပူးပေါင်းရင်းမြစ်များ

Luke 10:20

Iae ëhi höjo. Röhu Satan-are ariböviehu jemesi jö ejëharuoho ma-jianovë'e jiaje nadi uehorovo'i a'i jemesi ihe ö'idöre jajivë'e jiajoho ëho uehorovoromo nimorohorëjo.

Romans 12:1

Aganomë God-ro ëhi noni vavaenimë'ëro ëhuni na nege jemëro jemesi sino haho'e dë vövöbajo'e aho'o baeromo God-are örire gemu bojamirovo'irarijego. Ëhi bojamirovë'oho ëhuro Jew rajehu vuovë'e mi suvuoro God-ni bahijaruoho bogo ëhioho jio'i nune jië'e suvuore jio'ë'e. Ëhi jië'e suvuoroho God-aremu jio'iramu ëhuro hu nimo avoho'ë'e. Jemesi arijo'arije God-are örire ëhi bojamirovë'oho ëhuro jemë simano mae jioromo God avoho rajahi'aruje.

Romans 16:12

O Tryphaena'o Tryphosa'o jabesi örire jejëmijode höre ë magonaho niö'iohuro Badare muoho biririvoromo vaejaruego. O magonaho göho Persis jejamijode höre. Naro hesi örire dë vövöbajo'e aho'o uehorovo'i huro Badare muoho biririvoromo bövi mae vaejajego.

Romans 16:9

O Urbanus no'o gemuore havoromo Keriso-are muoho vaejajego jejamijode höre. O Stachys naro hu dë vövöbajo'e aho'o uehorovajëro jevë'ëro jejamijode höre.

Philippians 1:12

Röhu nasi ö mueno'e na nege jemëro ave jöho ga'irarijego. Na ave savoji gagore hijamu mu rabehu rabehu nasi örire rovadohuro ëhuro Keriso-are jö ma hesi muoho bogo sisërë'i marëjë'eje.

Philippians 1:16

Jabumë uvarueje: God-ro nörö aviae bamade höjo ëhuro aëro God-are jö maho sareri'e atego nöröro aho'iröhego. Ëhuni jabumëro na mae uehorovevoromo Keriso-are jö maho majëhijarueje.

Philippians 1:27

Röhu na diehi jevë'oho jemëro Keriso-are jö maho eromo raromo jijihore. Ëhuremu börömohoje. Ëhi ë'ë'oho ëhuro naehu ö'oromo gëvë'oho o öre ëgo'o hiromo ma-jemesi jöhemu hejë'oho na garomo uvo'ejo: Jemëro gemuoro riravoromo uehore gemu baeromo mue gemu nimoromo jö ma hesi muohuremu biririvoromo nigemarujëjo.

Philippians 1:5

Rabëni hesi bëhoho mami'e jemëhu aevo'i na'o bimuvoromo Keriso-are jö ma hesi mu ajemijarijoho ëhi ajemibe ruejuvo jaruvohu'o ëhi gemuoho ajemijarujeje.

Philippians 1:7

God-hu jemë ëhi avohëvobe va'a'ajë uvajoho ëho iae maeje ë hesi bëhoho jemë nasi dë vövöbajo'ere jëvë'ego. Jemë na'o gemuore mu mabëhe baejë'e jëve. God-ro mu mae bojemamu urimoho na savoji gagoroho bogo hijë'iro hesi jö ma hesi jöhuni biririvoromo majëhibe rovodoho jaruvoho na savoji gagore hijë'i ëhi gemuoho majëhijajeje. Jemëro ëhi jië'e mu mabëhe na'o bimuvoromo ajemibe rovë'e jëve.

Philippians 4:2

Naro Euodia jasi örire uave. Syntyche jasi örire uave. Badare magonahe gemuoho jëvaje ëhuni uehore gemu baere.

Colossians 1:7

Epaphras-ro ë jö maho aevo'i jemë majëhijadeje. Epaphras noro uehorovarue aëro jië'ëro no'o bimuvoromo Badare muoho vaejahajeje. Huro no'o röromo jemesirire muoho biririvoromo ajëmijajeje.

Revelation 13:8

Ae aho'o sa'ae dinö'e dinö'e raromaruoho jaburo ë vörö'e mi sisëho iae uvene aho röjahiruomo'ë'e. Uvene aho röjahi'iröhe hesi bëhoho urimo God-hu ö'idö sa'a bogo bamadevare evare God-ro a ioro'ioro jabesi ihoho hesi Sheep Harihu anego guomoröhe hesi surire jajivo'amadeje hu'o maro raromemu raromo'iröhego. A ioro'ioro jabesi ihoho suriroho bogo jajivo'amadeje bogo ëhioho maroho raromo'iröhego. Röhu iho bogo jajivo'amë'e sa'are raromarue ariböviohuro vörö'e mi sisëho rajahiruomo'ë'e.

Revelation 17:8

Jaehu gavane mioho urimo namijade höjo. Röhu avevejö'oho bogohöjo. Röhu u'emu gua ëgobövi sa'a gagore jio rojomo'ië'ajëjo ijonö sisëro va'iröhëro. Rojomo'iramu sa'are raromarue ariböviohuro tiöromo jöe barëjëvo'ajëjo. Urimë'i ö'idö sa'a bogo bamadevare evare God-ro maro raromemu raromo'iröhe surire a ioro'ioro jabesi ihoho jajivo'i a ioro'ioro jabesi ihoho bogo jajivo'amade höjo. Jabesi iho bogo jajivo'amade ariböviohuro ë mi sisëho garomo tiöruomo'ajëjo. Ëhesi bëhoho ë mioho urimo namijadoho avevejö'oho bogojiajoho röhu ijonö röhu maho jio'a'ajëjo. Iae ëhuni tiöruomo'ajëjo.

Revelation 20:12

Ëhi'amu gavodeje vuovëvë'e aribövioho ininore va'o masijore ë röho ma hesi nunire riravamu. Riravo'ego suri surioho jiovo'amohijo. Röhu suri suri göho ëho maro raromemu raromo'iröhe aribövi jabesi iho jajivo'amë'e suroho jiovohijo. O suri suri ioro'ioroho ëho ae aho'o mu vaebe rovare jöho jajivo'amë'e jiohijo. Ëröho mare hijaje ahuro suri surioho adahohijo ga'i di ahuro mu maho vaejë'e jiego di ahuro mu sisëho vaejë'e jiego. Ëho garomo uëhijo: Mu mae vaejë'e javaje manö va'ëjo. Mu sisë vaejë'e javaje sisënö va'ëjo.

Revelation 20:15

Ae rahu mae raromemu raromo'iröhe surire hesi iho bogojië'oho ëhi jië'e aribövioho ujuoho ruruhö'ö'ego e'u va'ëne vënehu ravajire ë rireromohijo.

Revelation 21:27

Va'inumi'e muoho bogo mae bogo barueruomo'ë'e. Mu sisë gö gö vaejarue aribövioho o sareri'e jö atarue aribövioho bogo ë amoroho rueruomo'i a'i mae raromemu raromo'iröhe aribövi jabesi iho Sheep Harihu hesi surire jajivo'amade ë ariböviohuremu ë amoroho rueruomo'ë'e.

Revelation 3:5

Ae rahu biririvoromo mu sisë ruahö'öjë'oho ajivë'e niögoho ëhi ba'amo'anuëjo. O jasi ihoho mae raromemu raromo'iröhe aribövi jabesi surire jajivodoho na bogo mu'uvaho'ejöjo. Bogo mu'uvaho'i a'i naro nasi Vavu hesi nunire o anera jabesi nunire namiromo jasi ihoho ma-samae majëhiromo uë'ejöjo: Ave aho nasi a maho höjo.