Philippians 4:14 - Ömie: God-are Jögoru Iꞌoho

¹⁴ Röhu nasi huë vavaeni ajemijarijoho ëho iae mae ë'arijeje.

Philippians 4:14 ပူးပေါင်းရင်းမြစ်များ

Matthew 25:21

Baejahë'e jevajëjamu hesi a börömohuro uavade höjo: Mabëhëjo. Ja mue vaejehanue a ma-mae javajëjo. Naehu ijo baje ma-bisemu bojamamu avoho muebejehanohuni ëhuni naro bövi mae bojami'ejöjo muebejeho'iranego. Rovego gemuoro nimoroho'irarëjo.

Romans 15:27

Jabesi nimoromo ëhi uvareje. Röhu Jerusalem ekaresia ajëmi'iröhoho ëho jabesi mueje. Rabëni. Jew rajo ekaresiahuro sa'a ioro'ioro rajoho aru'aho muoho ajëmiromo Keriso-are jöho majëhijë'ëro ëhuni Jew rajo jabesi örire sino hesi muoho mana ajëmiromo ijo bajo nugö'öjëhë'oho iae maeje.

Galatians 6:6

Aehu Keriso-are jö bëhi röjëhijamu jemëhu hebe va'ë'oho bövie bise'e mana ajëmire. Ëhi jië'oho iae maeje.

Philippians 1:7

God-hu jemë ëhi avohëvobe va'a'ajë uvajoho ëho iae maeje ë hesi bëhoho jemë nasi dë vövöbajo'ere jëvë'ego. Jemë na'o gemuore mu mabëhe baejë'e jëve. God-ro mu mae bojemamu urimoho na savoji gagoroho bogo hijë'iro hesi jö ma hesi jöhuni biririvoromo majëhibe rovodoho jaruvoho na savoji gagore hijë'i ëhi gemuoho majëhijajeje. Jemëro ëhi jië'e mu mabëhe na'o bimuvoromo ajemibe rovë'e jëve.

Philippians 4:18

Epaphroditus-ro jemesi suvuoroho nasi örire barovadeje. Ëhuni uëve: Jemesi suvuoroho iae na baejë'e jevajëjo. Iae eni höjo. Marohë'e mae höjo. Jew rajehu mi God-are örire suvuoro bojami'i anoromo vënire buejaho'ego God-hu ridi heromo vuëvonövadëhi jemesi suvuoroho ëhi jie. God-ro garomo suvuoroho nimoromo huë mae jiajeje.

1 Timothy 6:18

O uënego jaburo mu mae vaeruomo'i. Huë baerovarue mu hesi öroho marohë'e mae jëvo'iro. Öve sasohoromo suvuore ë'iro.

Hebrews 10:33

Majae göro jemë Keriso nimë'ëro aëro a nuniro jö sisë bu'ö'ego henövarijeje. Mu sisë vaejëvo'ego ganövarijeje. Majae göro Christian a ioro'iorohuro ëhi jië'e huë vavaenoho bae'ego garomo jemëro jabu'o havoromo rabe rabe ajëminövarijeje.

Hebrews 10:34

Christian ariböviehu savoji gagore raromarue jabesi örire huë vavaene baenövarijeje. O aehu jemesi mae sisë vajiohehu ujuohëho va'aroho jemë nimorohë'i uvonövarijeje: Ëho iae mae höjo. Nosi inömo maho ö'idöre höjo ma-ioro'ioremu bae'iröhoho. Ëvajiohehu baejare inömoho iosiramiromo börömo mae höjo.

Hebrews 13:16

O huë baerovoromo ajamirovarujoho nadi rumonimore. Ëhi jië'e mu vaejë'oho God-ro uvajeje: Jabumë ëhi ë'aruoho ëho mi suvuoro mabëhe bojemaruëjo.

Revelation 1:9

Röhu John na jemesi agane gemuoho jeve. Jemë'o na'o Iesuare ae gemuohuro javuë'ëro na jemë'o havoromo huë vavaene baeromo God-are aharire jiajëro hesi ajoho baeromo baberumi namijajeje. Na motumotu hesi ihe Patmos ë remë'ejö rabëni God-hu jövade jö Iesuhu ma röjahuijadoho naehu majëhijajohuni.