Matthew 9:15 - Ömie: God-are Jögoru Iꞌoho

¹⁵ Rabëni bogo ëhioho ioho vuonugarue höjamu hegorovo Iesuro uëvadeje: Nasi ijore ijore jijiharue ariböviehu i bogo vuonugarue hesi bëhoho naro uhu'e uë'ië'ajëjo. Na jemëro uvarujëjo: I'o masuröhe a hesi söröre rueromo aemo'aemëro huë vavaene baeruomo'ajëjo. Bogo ëhioho ë'i iae ie ue'ahoruomo'ajëjo. Röhu majae ijonö i'o masuröhe aho aëro guduamo bava'iramu evare ioho vuonugo'aruëjo. Avevejö'oho naro jabu'o hijë'ego jabu ioho bogo vuonugo'aruëjo.

Matthew 9:15 ပူးပေါင်းရင်းမြစ်များ

Matthew 9:14

Ëhi'amu John-are ijore ijore jijiharue ariböviohuro rueromo Iesu uavareje: No'o Pharisee ariböviohu'o God uehorovo'i ie vuonugarue höjo. Noro ëhi ë'arue höjo röhu jasi aribövioho rabëni bogo ëhioho ioho vuonugarue höjo.

Matthew 9:16

Ëhi uënugoromo Iesuro uhu jöe gö'o majëhiromo uëvadeje: Niögu i'ohu'o mamiohu'o bogo havo'anuëjo. Bogo havoromo niögu mami dadovadiroho niögu i'o hesi vituoho baeromo niögu mami hesi gagoroho bamoromo sigohi'anuëjo i'ohuro duduhirovoromo ruho barovego böröme dadorovojöëni.

Mark 2:19

Rabëni bogo ëhioho ioho vuonugarue höjamu hegorovo Iesuro uëvadeje: Nasi ijore ijore jijiharue ariböviehu i bogo vuonugarue hesi bëhoho naro uhu'e uë'ië'ajëjo. Na jemëro uvarujëjo: I'o masu'iröhe a hesi söröre rueromo aemo'aemëro ioho vuonugo'aruëjo. Bogo ëhioho jio'i a'i i'o masuröhe aehu jabu'o hijajevare evare ioho ue'aho'aruëjo.

Mark 2:20

Röhu majae ijonö i'o masuröhe aho aëro guduamo bava'iramu evare ioho vuonugo'aruëjo. Avevejö'oho naro jabu'o hijë'ego jabu ioho bogo vuonugo'aruëjo.

Luke 17:22

Ëhi uënugoromo hesi ijorajo ömo'ömoho uëvadeje: Majae ijonö jemëro God-are A Maho ge'i nimo avohoromo uvo'a'arujëjo: Majae ëgobövie bogo gavë'ëro nörö majae ma-bisemu ga'ibejarëjo mae javuo'ibejajo. Röhu bogo ge'a'arujëjo.

Luke 5:34

Rabëni ëhioho ë'arue höjamu hegorovo Iesuro uhu'e uëvadeje: I'o masuröhe a hesi söröre aemo'aemehu rueromo i i'ië'iroho jemë tugohëvo'irarijoho na eni jëvajëjo o bogajo. Bogajo.

Luke 5:35

Röhu majae ijonö i'o masuröhe aho aëro guduamo bava'iramu evare majare ioho vuonugo'aruëjo. Avevejö'oho naro jabu'o hijë'ego jabu ioho bogo vuonugo'aruëjo.

John 16:6

Röhu na va'i uëvodohuni ëhuni jemë sisë maro vavaenimarujëjo.

John 3:29

Ëa hesi jöho uhunö'e majëhi'ië'ajëjo. I'o masuröhe aho huro gemuëro vaboroho bae'a'ajëjo. O ë a hesi aemo'aemohuro namiromo mu'öjamiromo heröhe masuröhe aho jöe jövavamu hejë'oho nimoroho'ajëjo. Nimoroho'iröhëhi jemëhu uevaruje a hesi mu jöho heromo na nimorohevo avohajëjo.

Acts 14:23

Ëhi uëbe a duvahe ekaresia jabesi simano vaeröhoho nugo'amobe ie bogo ijë'e ma-pariemu vaeromo uëbe va'areje: Jemë Bada mae uehorovaruje a hesi övo döre rëmaruëjo. Ekaresiaho ëhi ajëmibe va'areje.

1 Corinthians 7:5

Ëhuni vaboroharo nadi baruoho juahami'i baruoharo nadi vaboroho juahami'i ma-ejahorovore. Röhu nani jemë gemu mae jöe jörovoromo uarovo'aruje: Ë'ego no gemuore niavarue muoho majae ma-bisemu vuonugo'i God-are örire jöe jövojuvo va'o majae eni jiego vuonugo'irarëjo. Ëhi jië'oho iae maeje. Röhu ëhi ë'ë'oho God-are örire jö jövo'irarije majaho barëjego ijonö röhu maho sionëro gemuoro niavore. Bogo ëhi ë'ë'oho nani jemëro bogo avo'avoho biririvo'iramu Satan-ro bijëho gë'ë'e.

2 Corinthians 11:27

Mue vaeromo u'ue baenövodeje. Röho deroho bogo avoho niavonövodeje. I rumo'e jovo rumo'e ma-hinövodeje. Ioho bogo uehorovë'i hinövodeje. Javu rumo'e niögu rumo'e ma-hinövodeje.

Revelation 19:9

Ëhi'ego ë anerahuro uehijo: Ave jöho jajivoromo uvonëjo: Ae rahu hejë'oho uëvamu: God-are Sheep Harihehu masu'iröhe söröho ro ihë uëvamu hejë'oho huë mabëhe jioruomo'ajëjo. Ëhi uenugoromo uehijo: Ave jö hejanuoho God-are jö maho höjo.

Revelation 21:2

Ëhi garomo gavodeje God-are amo böröme hesi ihoho Jerusalem amo i'e ö'idöre God-hu hijajire jioromo ruvebijamu. Magonahehu masu'irögoro baruohuro gajöro sino avohorovaruëhi ë amo i'oho ëhi avohë'e jiohijo.