Matthew 8:23 - Ömie: God-are Jögoru Iꞌoho

²³ Ëhi'oromo Iesuro boat gagore ajio hijamu hesi ijorajo ömo'ömohuro hu'o ajio gemuore raromoromo va'areje.

Matthew 8:23 ပူးပေါင်းရင်းမြစ်များ

Matthew 8:24

Va'ihö gavareje e'u döre buru börömoho rueromo jovoho hasa'ego boat gagoho abo rarovamu. Abo rarovo'i röhu Iesu niavë'e jiadeje.

Matthew 9:1

Ëhi'amu Iesuro boat gagore ajiomoromo jovo döre va'adoho va'o hesi amore ravo'amadeje.

Mark 4:35

Iesuro boat-re hiromo ëhi jië'e uhu jöho majëhinugoromo vö'öromamu gagorovo hesi aribövioho uëvadeje: Ruehego no aruhe e'u ioni gönö va'arëjo.

Luke 7:22

Ëhi'oromo John-are ae niö'ioho uëvadeje: Va'oromo diehi gavarijoho hejarijoho John majahirego he'irajo. Uarëjo: Nöröro ae nuni sisë'oho ajëmijego mae uheriharue höjo. Höru sisë'oho ajëmijego mae jijiharue höjo. Jomo'e aho ajëmijego marëjëvoromo jabesirire sisë sisëho barëjëhaje höjo. Hia'i sisë'oho ajëmijego hia'e dadovoromo jöe hejarue höjo. Vuovë'e aho ajëmijego i'ovarue höjo. Bogo eni jië'e aribövioho ajëmiromo majëhijego God-are jö maho hejarue höjo. Va'oromo John ëhi majahirëjo.