Matthew 5:6 - Ömie: God-are Jögoru Iꞌoho

⁶ God-are mu maemu ga'i nimo avoharue aribövioho huë mae jioruomaje höjo God-ro mu maho nugö'öjëhego jabesi dë vövöbajo'oho mae jëvo'ië'ego.

Matthew 5:6 ပူးပေါင်းရင်းမြစ်များ

Luke 1:53

Vadunehu vuovë'e aribövioho iruno'o mahuro da'uojëhi'i bövi bise'o marohë'e aribövioho rëmö'öjamu ma-övemu va'oruomë'e höjo.

Luke 6:21

Avevejö'e hömëvaje aribövioho jemë huë mae jëvajëjo maja ijonöho eni da'uëgo'ië'ëro. Avevejö'e nierusuburu'e bamaruje aribövioho jemë huë mae jëvajëjo maja ijonöho nimoroho'ië'ëro.

Luke 6:25

Avevejö'e da'uëgë'e aribövioho vaevë'e jëvajëjo. Maja viture vadunëro vuovëvo hesi höjo. Avevejö'e nimoroharuje aribövioho vaevë'e jëvajëjo. Maja viture huë vavaene baejë'i nierusuburu'e bae hesi jëvajëjo.

John 4:14

O naehu jovo mëmamu ue'ahë'oho huëho bogo girihëvo'i ioro'iore gemu ma-maemu jioruomo'ajëjo. Ëhesi bëhoho naro jovoho bojëmi'iramu nasi jovo mahuro jabesi dë vövöbajo'ere jovëro bubujivanovo rojomëvo'iramu ma-ioro'iore gemu maro raromo'aruëjo.

John 6:27

Röhu muduroho'iröhe iënioho nadi muoho vae'i a'i jiemu jioröhe iohuremu uehorovoromo muoho vaerego ëhuro ma-ioro'ioremu maro raromo'irarije höjo. Ëioho God-are A Maho naro suvuorëmi'ejöjo rabëni God Vavuohuro a nuniro uevë'ego: Jasi muoho mae höjo.

John 7:37

Ëhi'amu sörö maja böröme jiobe ruejuvo ijo tugoho'i maja börömo maho rovadeje. Rovamu evare Iesuro döre ri'ö namiromo ma-darugo'o uvadeje: Jovo ue'aho'i nëgë'iroho nasi öroro rueromo irëjo.

Revelation 7:16

Munë bururo raromanovoruomo'iramu ijonöho vadunoho bogo hömëvonövo'ajëjo. Huëho bogo girihëvonövo'ajëjo. Majaho bövioho bise'oho bogo ravëvo'iramu sinoroho vörö'iraeromo birebirëgonövo'ajëjo.