Matthew 5:4 - Ömie: God-are Jögoru Iꞌoho

⁴ Huë vavaeni baejarue aribövioho huë mae jioruomaje höjo God-ro huë sanue bojëmi'ië'ego.

Matthew 5:4 ပူးပေါင်းရင်းမြစ်များ

Luke 16:25

Vi'ehegajëjamu Abraham-ro ri'öromo uavade höjo: Sasajo. Aveho uehorovëjo. Sa'are hijë'i ja huë ma-mabëhe birohane höjo. Lazarus hu hijë'i ma-huë sisëmu birohade höjo. Röhu jaruvoho Lazarus-ro sanue baeromo hijajëjo. Jero vi'ehi böröme baeromo hijanuëjo.

Luke 6:21

Avevejö'e hömëvaje aribövioho jemë huë mae jëvajëjo maja ijonöho eni da'uëgo'ië'ëro. Avevejö'e nierusuburu'e bamaruje aribövioho jemë huë mae jëvajëjo maja ijonöho nimoroho'ië'ëro.

Luke 6:25

Avevejö'e da'uëgë'e aribövioho vaevë'e jëvajëjo. Maja viture vadunëro vuovëvo hesi höjo. Avevejö'e nimoroharuje aribövioho vaevë'e jëvajëjo. Maja viture huë vavaene baejë'i nierusuburu'e bae hesi jëvajëjo.

Luke 7:38

Barueromo Iesuare dejonö höru bëhire hiromo nivoromo hesi nuni jovohuro Iesuare hörure aho'amodivamu buejahoromo simano uohuro uhijahoromo höroho dudöhahoromo ridi'e jovohuro otehahadeje.

Luke 7:50

Ëhi uvamu Iesuro magonahoho uavadeje: Jero nasi örire mae uehorovevamu God-ro ja baejavoromo maro ramë'e höjo. Vaevë'e va'onëjo.

James 1:12

Röhu huë vavaeni bövi bise'o rueromo dëre bijaho gavamu jaehu biririvoromo hijë'iroho huë mae javajeje. Biririvoromo ruahö'öjë'iroho maro hi'irane röhoho iae bae'a'anue. Ëröhoho God-ro uövuadeje: Na uehorovevaruje aribövioho bojëmi'ejöjo.

Revelation 21:4

Muebejëvoromo nuni jovoho miorëho'ajëjo. Ijonöho aho bogo vuovëvo'i bogo nivo'i huë vavaenoho vi'ehoho bogo baeruomo'ajëjo mu mamioho mami'e barëjë'ëro jië'ëro.