Matthew 26:41 - Ömie: God-are Jögoru Iꞌoho

⁴¹ Nune jioromo mueberomo ëninamihego God-ro ajëmego Satan-ro bogo dinëmego ëhuro bogo bejëvo'irajo. Jemesi aru'ahoho mu mae vae'i nimo'i jemesi sino haho'oho u'uhë'e höjo.

Matthew 26:41 ပူးပေါင်းရင်းမြစ်များ

Matthew 24:42

Ëhi ë'iröhohuni ëhuni gavë'iajo. Jemesi Bada naehu rue'irode majaho jemë'o bogo gavarujëjo.

Matthew 25:13

Ëhuni gavë'iajo na divare majare rue'irodoho jemë bogo gavë'e jëvaje.

Matthew 26:38

Nurunurumoromo uëvadeje: Na sisë maro huë vavaene baejevajëjo. Ëhuro guomevo hesi höjo. Ëhuni nadi momorö'ö'i ma-nune jioromo avoho mueberovë'e raromohëjo.

Matthew 6:13

Nadi vörö'eroho ramuego rireromavuo'i a'i ajamuinego A Sisëho bogo ruahö'öjavuo'irajo.

Mark 14:38

Jemëro nune jioromo mueberomo ëninamihego God-ro ajëmego Satan-ro bogo dinëmego ëhuro bogo bejëvo'irajo. Jemesi aru'ahoho mu mae vae'i nimo'i jemesi sino haho'oho u'uhë'e höjo.

Luke 11:4

Nosi sisëho uehorovoromo vuonugahuëjo no a jabesi sisëho uehorovoromo vuonugëharue jiaje. Nadi vörö'eroho ramuö'öjego rireromavuo'irajo.

Luke 21:36

A'i jemëro nune jioromo muebenövorëjo. Mueberomo God uanövorëjo: Ëhuë vavaeni maja rovë'iroho jero ajamuego no mae biririvo'irarëjo ëhuro mae javuobe va'oromo jasi A Ma hesi nunire mae riravo'iröhe höjo.

Luke 22:40

Rihiromoromo va'o suorovoromo Iesuro uëvadeje: Ëninamihego God-ro ajëmego Satan-ro bogo dinëmego ëhuro bogo bejëvo'irajo.

Luke 22:46

Momorö'öjamu gëgorovo uëvadeje: Jemë rabëni momorö'öjarujëjo. Ri'öromo ëninamihëjo. Satan-ro dinëmi'iramu bejëvo'ajëjo.

Luke 8:13

O i ujehu munë uhunö jië'e sa'are rireromoromo riromo sahori'amade jö hesi bëhoho aëro God-are jöho heromo nimorohoromo jöho ejaharue höjo. Ejahoromo jöho ma-döëremu baejë'ëro majae ma-bunemu mae uehorovoromo Satan-ro dinëmego evare vuonugarue höjo.

Romans 8:3

God hu eni jië'ëro hesi Harihu Maho nugö'öjadeje araeromo sino haho'e baeromo no a sisë javuajëhi hu ëhi jioromo rueromo sisëni guomoröhego. Ëhi'amu ëhuro nosirire jiaje sisë hesi darugoho barëjahuadeje. Noehu mu vaeröhe jögorohuro bogo ëhuro sisë hesi darugoho barëjahuadeje. Sisë nosirire jië'ëro jögoru hesi biriroho bogojiadeje.

1 Corinthians 10:13

Röhu uehoro sisë gö gö jemesi örire rovajeje. Iae ëhi jie röhu diehi jië'e uehoro sisëhu rueromo jemesi dëre bijëhë'oho ëhi jië'e uehoro sisëho bogo jemesiriroho gemu rue'i ae aho'obëhe nosi dëre ro bijahuajeje. Röhu God-hu no ajamui'i uövuadëhi iae hu ëhi ajamuijajëro jië'ëro ëhu'ëro huro garöhe biriri ma'e uehoro sisëhu jemesi örire rue'ia'amu jemë nijio'iraerovo'irarijoho bogo eni jëvamu gavë'iroho hu bogo ma-nunëremuoho gë'ë'e. A'i uehoro sisë jemesi örire bijëho'i rovë'iroho huro öroho röjëhi'ë'e jemëro ë jijihoromo uehoro sisëho vuonugo'i biririvoromo maro va'irarijego.

1 Corinthians 16:13

Röhu nadi momorö'ö'i öre uherihë'i raromoromo biririvoromo Keriso mae uehorovore. Nadi juhuonivo'i a duvahonö'e daruge baeromo riravore.

1 Corinthians 9:27

Keriso-are muoho vaeromo nasi dajehu nimajoho ma-taemorovajeje ëhuro biririvevoröhego. Ëhi'oromo nasi dajoho nasi mueberovoromo ahorirëro va'ajeje naro ae gö jabesi örire jögore majëhijajëro röhu Kerisoro uejöëni: Paul jasi muoho bogo eni jio'ego jasi suvuoroho bogo bae'a'anuë uejöëni.

Galatians 5:24

Ae rahu Iesu Keriso-are aribövi javuë'oho Kerisohu korosire ijumorovadëhi ëhi nosi uehoro sisëho o nosi sinehu bövi bise'o nimajoho ëho no ioro'ioremu ijumë'e javue.

Ephesians 6:18

Ëhi jië'e muoho vaejë'i majae ëhi God-are Aru'aho hesi uehoroho baeromo parie gö gö vaeromo jöe gö gö ëninaminövore. Ëhi ë'irarije nune jioromo majae ëhi biririvore. Biririvoromo God-are aribövie aho'o jabesi jöëni uehorovore.

1 Peter 4:7

Bövi bise'o barë'iröhe majaho dunove. Ëhuni taemorovoromo avoho mueberovë'i parie vaenövore.

1 Peter 5:8

Röhu nune jioromo gavë'i raromore. Satan hu jemë'o muorovaje aeje. Vörö'e miehu darugo'o uvobe mi ja'iho'i nahobe juvajëhi Satan-ro jemesi örire ëhi ë'ajeje.

2 Peter 2:9

God-ro sisë aribövioho ëhi ijumëvo'i a maho ëhi ajamijë'ëro ëhu'ëro hu uehorovarue aribövioho vavaeni'ere rireromavuo'ië'ego ajamui'iröhoho hu eni jie. A'i sisë'e aribövi taemëvo'iröhoho eni jie i'uoho baemu baejuvo hujeji mevëvoromo i'u ioro'ioremu bojëmi'iröhe majaho rueröhego.

Revelation 16:15

Röhu Iesuro uve: Jöe hehëjo. Naro vajiohu'e aëro ö'anovo'ië'ajëjo. Ëhuni ae rahu nune jioromo niögu avo'avoho mueberovë'oho iae mae jioruomo'ajëjo. Ëhi jië'oho bogo ma-sinëremuoho a nuniroho jijihoromo javojoho baeruomo'ajëjo. Iesuro ëhi uve.

Revelation 3:10

Nasi örohuni jemë u'urume vaejë'i biririvonövo'irarijego uëvode höjo. Ëjöho jemëro ma'enë'e jëvo'ego ëhuni naro jemë ma'enëgo'ejöjo. Ma'enëgo'iramu huë vavaene sa'ae dinö'e dinö'e rueromo ae aho'o jemesi dëre bijiohë'iroho jemë mae riravo'arujëjo.