Matthew 25:13 - Ömie: God-are Jögoru Iꞌoho

¹³ Ëhuni gavë'iajo na divare majare rue'irodoho jemë bogo gavë'e jëvaje.

Matthew 25:13 ပူးပေါင်းရင်းမြစ်များ

Matthew 24:50

Ëhi'oromo bogo gavë'e uehorovë'e hi'iramu evare hesi börömoho ma-majioho rue'a'ajëjo.

Matthew 25:12

Ö'arëjamu ruehuro uëvade höjo: Na jemë bogo gëvaje höjo. Iae na mae uëvajëjo. Ëhi'are höjo.

Luke 21:36

A'i jemëro nune jioromo muebenövorëjo. Mueberomo God uanövorëjo: Ëhuë vavaeni maja rovë'iroho jero ajamuego no mae biririvo'irarëjo ëhuro mae javuobe va'oromo jasi A Ma hesi nunire mae riravo'iröhe höjo.

Acts 20:31

Ëhuni gavë'i raromorëjo. Uvorëjo: Nöröro muoho bogo vuonugo'i majae jene vahie vö'öe sisone huë vavaene baeromo nivë'i no ae gemu gemu röjahuibe ruejuvo vadune aho'obëhe 3 barëjade höjo.

1 Corinthians 16:13

Röhu nadi momorö'ö'i öre uherihë'i raromoromo biririvoromo Keriso mae uehorovore. Nadi juhuonivo'i a duvahonö'e daruge baeromo riravore.

1 Thessalonians 5:6

Ëhuni a ioro'iorehu ma-momorö'öjaruëhioho no bogo ëhioho ma-momorö'ö'i a'i nune jioromo simanoho avoho uehorovo'ejo.

2 Timothy 4:5

A'i jero rabe rabe rovë'iroho avo'avoho uehorovonövone. Huë vavaene rovë'oho nadi u'uho'i biririvone. Keriso-are jö maho majëhinövone. Ëmuoho ma'enone. Jasi muoho aho'obëhe avoho ma'eno titimone.

1 Peter 4:7

Bövi bise'o barë'iröhe majaho dunove. Ëhuni taemorovoromo avoho mueberovë'i parie vaenövore.

1 Peter 5:8

Röhu nune jioromo gavë'i raromore. Satan hu jemë'o muorovaje aeje. Vörö'e miehu darugo'o uvobe mi ja'iho'i nahobe juvajëhi Satan-ro jemesi örire ëhi ë'ajeje.

Revelation 16:15

Röhu Iesuro uve: Jöe hehëjo. Naro vajiohu'e aëro ö'anovo'ië'ajëjo. Ëhuni ae rahu nune jioromo niögu avo'avoho mueberovë'oho iae mae jioruomo'ajëjo. Ëhi jië'oho bogo ma-sinëremuoho a nuniroho jijihoromo javojoho baeruomo'ajëjo. Iesuro ëhi uve.