Matthew 21:42 - Ömie: God-are Jögoru Iꞌoho

⁴² Ëhi uëvamu hegorovo Iesuro uëvadeje: Ave uhu jöho God-are surire jajivoromo uvë'e höjo: Munë javue vae'irögoro munë gemu bijönimoromo vuonugare höjo. Vuonugaroho jaruvoho ë munëhuro javuoho nigemo'ego bibivoromo mae namijajëjo. Hesi Bada God-ro ëhi ë'ade höjo. Ëho noro garomo uvarue höjo: God-ro mu mabëhe ë'ë'e höjo. Ëjö God-are surire jajivamu adaharijoho jemë diehi'oromo ë hesi bëhoho bogo avoho baejarije höjo.

Matthew 21:42 ပူးပေါင်းရင်းမြစ်များ

Matthew 21:43

Ëhu'ëro jië'ëro naro jemë uëvajëjo: Jemëhu God-are aharire raromoromo hesi mu muebebe rovarije muoho God-ro baeniëhiromo ae gö bojëmi'iramu jaburo hesi aharire raromoromo ë muoho mueberomo rae avoho'aruëjo.

Acts 4:11

Ëaho Iesuare jöho God-are surire uhunö'e jajivoromo uövuë'e höjo: Jemë munë javue vae'irögoro munë gemu bijönimoromo vuonugarije höjo. Vuonugarijoho jaruvoho ë munëhuro javuoho nigemo'ego bibivoromo mae namijajëjo. Ëhi jajivë'e höjo.

Romans 9:33

Keriso munë va'ëne jiaje jöho uhu'e jajivoromo ëhi uvë'eje: Ëhuro gahëjo. God naro munë va'ëne aho Zion bamajëjo. Aëro hesirire ro biberovo'aruëjo. Hesirire ro rireromo'aruëjo. A'i ae rahu ë aho mae uehorovë'oho bogo javojimo ga'a'ajëjo.

Ephesians 2:20

God-are aboji harihu'oho javu va'ëne javue röhu jemë'o gemuoho jëve. Ëjavu hesi uhunö apostle o jö God-aro baeromo majëhijarue ariböviohuro javuoho banigojiomego Iesu Kerisoro huro munënö'e bönoho namijego ëhuro bibivajeje.