Matthew 19:16 - Ömie: God-are Jögoru Iꞌoho

¹⁶ Ëhi'amu iae a i'e gemuëro rueromo Iesu uavadeje: Tisa na diehi jië'e mu maho vaeromo ëhuro ioro'ioremuoho maroho hi'ejöjo.

Matthew 19:16 ပူးပေါင်းရင်းမြစ်များ

Matthew 19:15

Ëhi uëvë'ëro övoho jabesi simanore bamëhonugoromo va'adeje.

Matthew 19:26

Bogo eni javuajëjamu Iesuro ërimëhoromo uëvadeje: Io'ajo. Jemë aëro jëvë'ëro bogo eni jëvajëjo. A'i God-hu mue aho'obëhe vaejë'oho hu eni höjo.

Matthew 19:29

O ae rahu javue öe ma'ine vavue vëme aboji harihu'e o sa'ae nasi iho hesi jöëni vuonugo'amo'i va'ë'oho ëhi jië'e ariböviohuro bövi mae baeromo ijonö ma-ioro'ioremu maro raromo'arujëjo.

Matthew 25:46

Ëhi uë'iramu ë aribövioho sisëro va'oromo ma-ioro'ioremu i'ue baeruomo'ajëjo. A'i aribövi mahuro maro va'oromo ma-ioro'ioremu raromoruomo'ajëjo.

John 10:28

Nasi ijore ijore jijihoruomego naro jabu ajëmego ma-ioro'ioremu maro raromarue höjo. Ëhu'ëro jië'ëro jabumë bogo mae bogo sisëroho va'oruomo'ajëjo. O nasi övo döre raromaruoho aho bogo baeniehi'aruëjo.

John 12:25

Ae rahu jabesi sinohemu uehorovë'oho ijumorovarue höjo. O ave sa'are raromoromo sinehu nimaje mu bogo uehorovë'oho ëhuro ioro'iore gemu raromo'aruëjo.

John 3:15

ëhuro ae rahu na mae uehorovevë'oho i'e rahanovoromo ma-ioro'ioremu maro raromo'iröhego.

John 4:14

O naehu jovo mëmamu ue'ahë'oho huëho bogo girihëvo'i ioro'iore gemu ma-maemu jioruomo'ajëjo. Ëhesi bëhoho naro jovoho bojëmi'iramu nasi jovo mahuro jabesi dë vövöbajo'ere jovëro bubujivanovo rojomëvo'iramu ma-ioro'iore gemu maro raromo'aruëjo.

John 5:39

Röhu jemëro uehorovoromo uvaruje höjo: God-are surire jö adahë'oho noehu ma-ioro'ioremu mae raromo'iröhe öroho biroho'ejarëromo ë hesi öroho naho'irögoro suroho adaho avoharuje höjo. Röhu nasi jöho jemëhu adaharuje surire iae ë jajivë'e höjo.

John 6:47

Ave jöho na jö mae uë'ië'ajëjo. Ae rahu mae uehorovevë'oho mami'e aevë'ëro ma-ioro'ioremu maro raromaruje höjo.

John 6:68

Remo va'orëjamu Simon Peter-ro uavadeje: Bada no rahuare örire va'ojörajo. Jero jöho jövego ëhuro no darugoho baeromo ma-ioro'ioremu maro raromarue höjo.

Acts 16:30

Behumorovë'ëro hu'irae ömëvoromo amonö va'oromo uëvadeje: Na diehi ë'ejöjo ëhuro maja ijoho na sisëroho bogo va'i maro va'irode.

Romans 2:7

Ae göëro biririvoromo mu mae vaeromo nimarueje hujeji God-ro hesi aji maho bojëmiromo jabesi ihoho mae uëvego ma-ioro'ioremu God'o raromo'iröhëro. Ëhi jië'e aribövioho God-ro ajëmi'iramu ma-ioro'ioremu maro raromo'ë'ö.

Romans 5:21

Ëhu'ëro urimoho mu sisëho börömoho jiadeje. Mu sisë hesi uhure javuë'ëro vuovavuonövadeje. Jaruvoho God-hu huë baejavuade muoho börömohoje. God-are huë ma hesi uhure javuë'ëro hesi nunire mae riravarueje. Mae riravoromo ma-ioro'iore gemu maro raromo'ejo nosi Bada Iesu Kerisoro ajamuijë'ëro.

1 Timothy 1:16

Sisë mae jevamu röhu Iesu Kerisoro nani vavaenimadeje. Nani vavaenimade hesi bëhoho ijonö hu mae uehorovoromo ioro'ioremu mae raromo'iröhe aribövioho aho'obëhe jaburo uvoruomoröhego: Urimë'i Paul-ro mu sisë bëhe vae'i hijade höjo röhu Iesu Kerisoro hesi sisëho garomo huni vavaenimoromo hesi vöröho ma-taemorovobe rovade höjo. Ëhu'ëro no garomo uvarue höjo: Kerisoro nosi sisëhu'o garomo noni ëhi vavaenimoromo hesi vöröho ma-taemorovaje höjo. Ëhi uvoruomoröhego ëhuni huro nani vavaenimadeje.

1 Timothy 6:12

Aehu ajajovoromo göehu gö iosirëmi'i biririvaje ëhi jië'e mu maho baejë'e jave. Ëhuni God mae uehorovoromo jasi daruge aho'o bojamiromo biririvoromo mu maho vaenövone. Muoho vaejë'i ijonö ioro'ioremu maro hi'irane öroho ëhuremu uehorovone. Urimë'i jaehu mae uehorovanue jö ae aho'o jabesi nunire huruoho majëhijanevare evare God-ro ja uavadeje ëhi maro hi'iranego. Ëjöhuremu uehorovone.

1 Timothy 6:19

Ëhi ë'ë'oho suvuoro maho ö'idöre rune vae'ë'ö ëhuro maja viture ma-maro raromo'iröhohuni. Ëhuro ruaho'amoromo bogo ma-döemuoho mae raromo'i dë vövöbajo'o uhohu'o maro raromonövo'ë'ö.

Titus 1:2

Ejahobe va'oromo muebejë'i uvoruomoröhego: Ioro'ioremu maro raromo'ejarëjo. Ëhi maro raromo'iröhego mami'e sa'a bövi bise'o bogo bamade majare God-ro mae uvadeje: Iae ëhi jio'a'ajëjo God hu sareri'e jöho bogo jövajëro jië'ëro.

Titus 3:7

Hu ëhi ë'ade hesi bëhoho huro huë baeromo ajamuiromo nosi sisëho mu'uvahuë'ëro noro muebejë'i uvoröhego: No hesi aboji harihu'ëro javuë'ëro Vavu hesi bövioho bise'oho baeromo ëhuro ma-ioro'ioremu maro raromo'ejarëjo.

1 John 1:2

Ëi'ovavuaje darugoho va'orahoro huruohamu noro gavë'ëro ëhu'ëro jemë mae majëhiromo uëvarueje: Ëahuro darugoho ioro'ioremu bojamuijaje höjo. Huro Vavuohu'o gemu mae hijë'ëro nosirire rueromo ë darugoho iae röjahuijade höjo.

1 John 2:25

Röhu Kerisoro ave suvuoroho bojamui'i mae uövuadeje. Huro uövuadeje: Naro ajëmi'iramu jemë ioro'iore gemu maro raromo'arujëjo.

1 John 5:20

O no garomo uvarueje: God-are Harihohuro rueromo uehoro maho bojamuijë'e höjo ëhuro noro God garöhego God gemu hu mae jiajoho. No hu'o gemuoro javuoromo hesi Harihe Iesu Keriso'o gemuoro javue. Ëaho gemu God mahoje. Huro ajamuego no ioro'iore gemu mae raromarueje.

Jude 1:21

Hu jemesi örire huë baejëvaje jiaje ëhuni nadi vuonugo'i hu'o gemu mae raromore. Raromoromo muebere nosi Bada Iesu Kerisoro jemesi jöëni vavaenimoromo ajëmego ëhuro ioro'ioremu maro raromo'irarije.