Matthew 19:12 - Ömie: God-are Jögoru Iꞌoho

¹² Ëhesi bëhoho ae göëro göëro bëhe gö gö uehorovoromo magonahoho bogo masu'i ëma raromarue höjo. A ioro'ioroho rahare majare sinoho ëhi jëvë'ëro magonahoho bogo masu'i ëma raromarue höjo. A ioro'ioroho sinoho tarivëhë'ëro magonahoho bogo masu'i ëma raromarue höjo. A ioro'iorohuro God-hu böröme namiromo muebejëvaje hesi muoho uehorovoromo magonahoho bogo masu'i ëma raromarue höjo. Ae rahu ëhi jië'e mu vae'irarije darugo baejë'oho ëhi vaerëjo.

Matthew 19:12 ပူးပေါင်းရင်းမြစ်များ

Matthew 19:11

Ëhi uavamu Iesuro uëvadeje: Magonaho bogo masu'i ma-raromë'oho ae aho'obëhe ëhi ë'ë'oho bogo eni jioruomo'ajëjo. God-hu darugo bojëmamu baeruomë'oho ë ariböviohuremu ëhi ë'ë'oho eni jioruomo'i a ioro'ioroho bogo eni jioruomo'ajëjo.

Matthew 19:13

Ëhi'amu gagorovo aëro asisö'oho sö ujuoho rueruomadeje Iesuro öve jabesi sinore bamëhoromo God uavego ajëmi'iröhego. Ujuoho rovamu gëgorovo Iesuare ijorajo ömo'ömohuro birëgareje.

1 Corinthians 9:15

Ëhi uövuë'eje röhu na manaho bogo baejë'e jeve. O naehu avevejö'e jajivaje jö hesi bëhoho bogo ëhuro jemëro bojemi'irarijego. Naehu guomë'oho iae hesije. A'i naehu Keriso-are jö ma majëhiromo ëhuni mana baejë'oho ëho bogo maehuje. Na bijönege ae göëro mana bojemiromo ëhuro naehu nimorohë'i jövaje jö hesi bëhoho tugoho'iröhoho.

1 Corinthians 9:5

O Peter'o apostle ioro'iorohu'o Bada Iesuare ö ömo'ömohu'o ë'aruëhi no'o vabore masuromo sö ujuoho jireho'ibejo na mae o sisë jio'ibejo. Iae mae jio'ibejo.

Revelation 14:4

Ëaribövioho magonaho'oho mu sisëho bogo vae'i ma-mae raromarueje. God-are Sheep Harihehu dinö'e dinö'e va'ë'iroho jabu'o hesi ijore ijore jijiharueje. A ioro'iore aho'obëhe jio'amajoho röhu God-ro i'u'e muoho baeromo ëhuro ë ariböviohuremu hesi baejëvadeje. Ëaribövioho God'o hesi Sheep Harihohu'o jabuhu aevo'i ma-mabëhe baejëvaroho jëve.