Mark 3:33 - Ömie: God-are Jögoru Iꞌoho

³³ Riravaruëjamu uëvadeje: Jemë uehorovarujoho nasi vëmoho ö ömo'ömoho di aribövioho jioruomajëjo.

Mark 3:33 ပူးပေါင်းရင်းမြစ်များ

Mark 3:21

Bogo eni jëvamu hesi aganohuro ëho heromo uvareje: Nani Iesuare simanoho sisërëjahë'e höromo hu guduamoromo hu'irae bava'i rovareje.

Mark 3:32

Jöe nugö'öjamu Iesu ririre hi'i ae aho'obëhe ruë numë raromo rova'o rojomë'ëro uavareje: Hë-ajo. Jasi vëmohu'o ö ömo'ömohu'o ja ga'i nimoromo amonö ro riravaruëjo.

Mark 3:34

Ëhi uënugoromo uherihoromo ruë numë raromo rova'o rojomarue aribövioho gëromo uëvadeje: Aveho gahëjo. Aruëroho nasi vëmohu'o ö ömo'ömohu'o jëvajëjo.

Mark 6:3

Hu sarerivajëjo. Ma-ijo muemu vaejaje ae höjo. Hu Mary-are harihe höjo. Hu James-are Joses-are Judas-are Simon-are öe höjo. Hesi ma'ino ömo'ömoho aviae no'o gemu mae raromarue höjo. Ëhi uvoruomoromo nue huodivareje.

Luke 2:49

Rovare höjamu Iesuro uëvadeje: Jemë rabëni na nahevobe rovarije höjo. Jemë rabëni bogo uvarije höjo: Nörö hesi Vavuohuro nimo'ego hesi osare hijajëjo.

John 2:4

Barëjë'e höjamu uavadeje: Mamajo. Rabëni ajëmijöro uevanuëjo. Nasi maja börömoho bogo rovë'e höjo.

2 Corinthians 5:16

Ëhi jië'ëro aehu uehorovaruëhioho no ijonöho bogo ëhioho uehorovoromo uvo'ejo: Ëaho mae o sisë höjo. Urimoho aehu jabesi ma-uehorovaruëhi no'o ëhi uehorovoromo uvonövareje: Iae Keriso ëhi ëhi jië'e ae höjo. Röhu jaruvoho no bogo ëhioho uehorovarueje.