Mark 14:30 - Ömie: God-are Jögoru Iꞌoho

³⁰ Bogo ëhioho ë'ejöjamu Iesuro Peter uavadeje: Ëhi uevanuëjo röhu ave jöho na jö mae ua'ië'ajëjo. Jaruvo vahire kökörökoho bogo urimoho vae niö'i uvë'e jero urimo vae niö'i gemu ae uë'a'anuëjo: Na Iesu bogo gavaje höjo.

Mark 14:30 ပူးပေါင်းရင်းမြစ်များ

Matthew 26:34

Bogo ëhioho ë'ejöjamu Iesuro Peter uavadeje: Ëhi uevanuëjo röhu ave jöho na jö mae ua'ië'ajëjo. Jaruvo vahire kökörökoho bogo urimoho uvë'e jero urimo vae niö'i gemu ae uë'a'anuëjo: Na Iesu bogo gavaje höjo.

Mark 13:35

Ëhesi bëhoho na ë osa arijo'oho va'ëne jevajëjo. Na divare vuonorö'ö rue'irodoho jemë bogo gavarujëjo. Nani vö'ö'e o vahi riri'e o sisonuvo'i titimo'iramu o sisonuvo'iramu rue'ejöjo. Jemë bogo gavarujëjo. Ëhuni muoho avo'avoho mueberëjo.

Mark 14:29

Ëhi uëvamu Peter-ro ri'öromo uavadeje: Nani a ioro'ioroho jasi örire uehorovaruoho vuonugo'i ramo va'a'aruëjo röhu na bogo ëhioho ë'ejöjo.

Mark 14:31

Ëhi uë'a'anuëjamu hegorovo Peter-ro ma-darugo'o uavadeje: O na bogo ëhioho ë'ejöjo. Aehu anegamu ja'o gemuore guomo'ië'iroho na bogo ëhioho majëhi'ejöjo. Bogo majëhi'ejöjamu Iesuare aribövi ioro'ioroho aho'o jabu'o ëhi gemuoho Iesu uaruomadeje.

Luke 22:34

Eni jevajëjamu Iesuro uavadeje: Peter röhu nasi jöho hejëjo. Jaruvo vahi'oho kökörökoho bogo uvë'e jero majae niö'i gemu ae uë'a'anuëjo: Na Iesu bogo gavaje höjo.

John 13:38

Iae mae höjamu Iesuro uavadeje: Peter jero uvanuëjo: Naro nörö ajamiromo guomorovo'ejöjo. Röhu ave jöho na jö mae ua'ië'ajëjo. Kökörökoho bogo uvë'e jero majae niö'i gemu ae uë'a'anuëjo: Na Iesu bogo gavaje höjo.

John 18:17

Bava'amu ë ojo muebejaje magonahohuro Peter uavadeje: Na mae ja'o ë ia hesi ijoraje javajëjo. Ijoraje javajëjamu uavadeje: O na bogajo.

1 Corinthians 10:12

Ëhu'e jiaje ja ae rahuaro uvë'oho: Na bibivoromo namijajë uvë'oho gavë'i va'one. Bejavo'ë'e.