Mark 11:20 - Ömie: God-are Jögoru Iꞌoho

²⁰ Va'ë'ëro sisonuvamu Iesu'o hesi ariböviohu'o örire vuonorö'ö rue'i gavareje mesoho mami'e sahori barëjë'e jiamu.

Mark 11:20 ပူးပေါင်းရင်းမြစ်များ

Matthew 13:6

Riromo dirumoho bogo ma io'amë'ëro majaëro rojomoromo anamu sahori'amade höjo.

Matthew 15:13

Na ja uehorovanuëjamu Iesuro uëvadeje: Nasi Vavue ö'idöre hijaje a hesi aribövioho mure i maehu rijajoho va'ëne jioruomajëjo. Ëmure hesi ëma ri'amaje resu resuoho nasi Vavuohuro jaho'amoromo ruruhö'ö'ajëjo.

Matthew 21:18

Hijë'ëro sisonuvamu gagorovo Iesuro Jerusalem amo börömore vuonorö'ö va'i va'adeje. Örire va'amu hömadeje.

Mark 11:12

Bethany amore va'ë'ëro nërö ri'öromo ë jioromo vuonorö'ö rovareje. Örire rueromo Iesuro hejade hömamu hejë'i

Mark 11:14

Hano rudu'emu jiamu gagorovo mesoho uavadeje: Ijonöho nadi bajoho raenego aho ue'aho'irarëjo. Ëhi uavamu hesi ijorajoho jaburo hejareje.

John 15:6

Ae rahu na'o bogo gemuore bimuvoromo raromë'oho ado suaromo ruruhö'öjego sisërëjajëhi ëhi jëvo'ajëjo. Ëhi jië'e adoho gagovoromo vënire huego ravo'amaje höjo.

Hebrews 6:8

O ënehu mure rue'i hijamu röhu mure ma-bibë'e resu resu sisëhuremu ri'amë'oho uvarueje: Ëi'o mu'oho sisë höjo. Ëhi'ego God-ro i'o mu'oho ma-sisë'i avoho hesije vëniro bue'öromo ijumo barë nahonahovo'iröhëro.

Jude 1:12

Jemëhu huë baerovo'i gemuore gagovoromo i ue'ahë'iroho ë aribövioho jabu'o rovarueje. Rueromo bogo juhuonivo'i ma-biriri'övoromo nimorohë'i ioho jovoho mahunö'e ue'aharueje. Ëhi jië'e sisëho ë'ego ëhuro niögu suhi'ere va'inumi jiajëhi jabesi aru'ahoho ëhi va'inumi'e jëvego huë sisë baejarujeje. Jabumë ae gö bogo ajëmi'i jabesi sivue ajamirovarueje. Jabumë ëni rumo'e sue burehu bava'ego sa'a bogo rihu bojamajoho va'ëne jëve. Jabumë ijo saho va'ëne jëve. Ijo sahoho jabesi bajo rae maja rovë'iroho bogo raejarueje. Bogo raejego aëro umoromo dirumohu'o jahego ioro'ioremu sisërëjajeje. Jemë'o gagovarue aribövioho ëhi jëve.