Mark 10:46 - Ömie: God-are Jögoru Iꞌoho

⁴⁶ Ëhi'oromo Iesumëro va'aroho va'o Jericho amore suorovareje. Suorovë'ëro Iesu'o hesi ijorajo ömo'ömohu'o a ioro'iorohu'o aho'obëhe ëho jaburo Jericho amoho nugoromo va'i ë'areje. Röhu Timaeus-are harihe Bartimaeus öri ionire hijë'e jiadeje. Hu nuni sisë'e aëro jië'ëro hiromo maëni sisëni ëninëminövadeje.

Mark 10:46 ပူးပေါင်းရင်းမြစ်များ

Matthew 13:4

Riremobe va'amu ujo ioro'ioroho örire rireromade höjo. Rireromamu gavë'i ugëro ro i barëjare höjo.

Luke 16:20

Ëhi'ego inömo'e a hesi ojanore bövi bise'o bogojië'e ahuro ë raromonövade höjo. A ihoho Lazarus jiade höjo. Lazarus-are sino haho'oho ma-sagohemu jië'e jiade höjo.

Luke 16:22

Ëhi'ojuvo iae ë bövi bise'o bogojië'e aho guomade höjo. Guomamu aneraëro hesi aru'ahoho bava'amu nosi bëhe Abraham-are guruto mare avoho hijade höjo. Hijamu ë eni jië'e ahu'o guomade höjo. Guomamu guavare höjo.

Luke 18:35

Ëhi'amu iae Iesuro va'adoho va'o Jericho amore hörö'iro ë'adeje. Röhu nuni sisë'e ae gemuëro ë öri ionire hiromo maëni sisëni ae ëninëmijadeje.

Luke 19:1

Ëhi'amu Iesuro Jericho amore rovë'ëro amo ririre rova'adeje.

John 9:8

Rovamu hesi amo rajohu'o a ioro'iorohu'o böviëni bise'ëni ëninëmi'ego ganövë'ëro jaburo uarovareje: Ave iaho urimë'i hiromo noehu ajamijöro ëninamuinövade aho höjo. Na mae-ëjo.