Mark 10:18 - Ömie: God-are Jögoru Iꞌoho

¹⁸ Maroho hi'ejöjamu uavadeje: Jero na uevanuëjo: Ja a mae javajëjo. Iae mae höjo röhu hesi God gemu a maho höjo.

Mark 10:18 ပူးပေါင်းရင်းမြစ်များ

Matthew 19:17

Maroho hi'ejöjamu uavadeje: Mu ma vae'irane jöho ja rabëni nasi öriroho ue gevanuëjo. God gemu a maho höjo. Röhu mare hi'i nagë'oho hesi jögoroho ejahonövonëjo.

Mark 10:17

Ëhi ë'ë'ëro Iesuro ri'öromo örire va'adeje. Va'amu ae gemuëro tutuvo rueromo hesi bëhire ague aho hiromo uavadeje: Tisa ja a mae javajëjo. Na diehi'oromo ioro'ioremuoho maroho hi'ejöjo.

Mark 10:19

Röhu mae hi'iranëro ue gevanuoho ja God-are jögoroho iae gavanue höjo. Nadi aho anonëjo. Nadi goho'amonëjo. Nadi vajiohoho baenëjo. Nadi sareri'e jöho aho majëhinëjo. Nadi sareri sarerioho ë'oromo vajiohu muoho vaenëjo. Jasi vëmoho vavuoho mae uehorovëvonëjo. Mae hi'irane öroho ëhi höjo.

Luke 18:19

Maroho hi'ejöjamu uavadeje: Jero na uevanuëjo: Ja a mae javajëjo. Iae mae höjo röhu hesi God gemu a maho höjo.

Romans 3:12

Ae aho'obëhe öri maho nugö'ö'i je'oro va'oruomë'e höjo. Ae aho'obëhe sisë mae sisërërovë'e höjo. Bogo mae bogo ae gemu vadu'oho mu maho vaejaje höjo.

James 1:17

A'i suvuoro mabëhe aho'o hesi örire gemu jioromo rovajeje. God hu bövie bise'e jiji mujöru'e manaere majae nosi örire ajivavuo'iröhego avohade ahuro aji mahuremu iae bojamuijajeje. God bogo gorosovo'i bogo ramoramovo'i ma-ëhi gemuohemu ajivavuobe va'ajeje.

1 John 4:16

Röhu iae no'o garomo mae uehorovoromo uvë'e javue: God-ro no mabëhe uehorovavuaje höjo. God hu dë vövöbajo'e aho'o no uehorovavuaje ahoje. Ëhuni ae rahu ae gö dë vövöbajo'ere uehorovo'i hijë'oho God'o gemuoro jio'i God-ro hesi dë vövöbajo'ere hijajeje.

1 John 4:8

O ae rahu ae gö dë vövöbajo'ere bogo uehorovë'oho God bogo ma gavarueje rabëni God-ro dë vövöbajo'e aho'o uehorovemu uehorovavuaje aëro jië'ëro.