Mark 1:37 - Ömie: God-are Jögoru Iꞌoho

³⁷ Nahobe rueromo birohoromo uavareje: Ae aho'obëhe ja nahavaruëjo.

Mark 1:37 ပူးပေါင်းရင်းမြစ်များ

Mark 1:36

Parie vaejamu Simon-mëro Iesu nahobe rovareje.

Mark 1:38

Nahavaruëjamu Iesuro uëvadeje: Ruehego no amo göre göre va'arëjo naro God-are jöho amo ioro'iorohu'o majëhi'irode höjo. Ëhesi bëhoho na ëhi ë'irodëro rovode höjo.

Mark 1:5

Ëhi'ego Jerusalem amo rajoho aho'obëhe o Judea sa'a ioro'iorore raromarue aribövioho aho'obëhe ëho jaburo rueruomonövadeje. Rueromo jabesi sisëho huruoho'ego John-ro Jordan jovore bapataeto vaejëvonövadeje.

John 11:48

Ëhi jië'e mu masijoho vaemu vaejamu noehu bogo tugohë'oho ae aho'obëhe hesi örire mae uehorovoruomo'ajëjo. Mae uehorovo'iramu gagorovo Rome ariböviohuro rueromo nosi amo börömohu'o sa'ahu'o ijumavuo barë'ajëjo.

John 12:19

Iesu biroho'i rueruomamu gëgorovo Pharisee ariböviohuro uarovareje: Jemë'o gahëjo. Ëa hesi mu tugohë'oho bogo eni javuo hesi höjo. Iae ae aho'obëhe mae hu gemu uehorovoromo hesi ijore ijore jijihoruomajëjo.

John 3:26

Jöho ëhi aho'ahamirovoromo John-are ijorajohuro va'oromo John uavareje: Tisa Jordan jovo ioro'iorore ja'o hijamu jaehu hesi jö majahuijanoho ë ahuro jasi muoho vajiohunö'e baeromo bapataeto vaejëvego jabu ae aho'obëhe hesirire va'oruomaje höjo.