Luke 20:15 - Ömie: God-are Jögoru Iꞌoho

¹⁵ Ëhi uarovoromo ë aho guduamoromo mure jiamu rori'o bijimo bu'öromo anamu guomade höjo. Ëhi'are höjo. Ëhi jië'oho mu arijo'ohuro ë mu muebejarue aribövioho diehi'ëvo'ajëjo.

Luke 20:15 ပူးပေါင်းရင်းမြစ်များ

Luke 20:14

Ëhi uvoromo hesi harihoho nugö'öjamu mure va'ade höjo. Va'o höröjamu gavë'i rue mu muebejarue ariböviohuro uarovare höjo: Arue rovaje ahuro hesi vavu hesi sionoho bae hesi höjo. Ëhuni ë'ego ano bamarëjo ëhuro ave muoho noro baeröhe höjo.

Luke 20:16

Huro rueromo i'ue bojëmiromo muo'amo'i ë muoho ae gö bojëmi'ajëjo jaburo mueberöhego. Ae gö bojëmi'ajëjamu hegorovo ae aho'obëhe bëhoho uehorovoromo uvareje: Mu muebejare ariböviehu sisë ë'oromo i'u baejarëhi nosi a masijo ëhi jëvoröhoho no bijönaguajëromo Iesu uavareje: Asë'e ëhi jië'oho mu sisë höjo.

Hebrews 13:12

Rori'o huonövadëhi aëro ëhi Iesu bogo amoroho nugo'i a'i amo börömore jiamu rori'o bava'areje. Bava'amu vi'ehe baeromo guomadeje ëhuro hesi kö maho rovego hesi aribövi nosi sisëho u'ovahuoröhego.