Luke 16:19 - Ömie: God-are Jögoru Iꞌoho

¹⁹ Iae ae gemuëro hijade höjo. Hesi inömo inöme are sa'ae bövie mae jiade höjo. Niöge sanuovë'e kavuë'e mabëhe io'amonövade höjo. Iruno'e aho'obëhe sörönö'e iromo nimoronimorohonövade höjo. Majae aho'o ëhi gemu ëhi'obe rovade höjo.

Luke 16:19 ပူးပေါင်းရင်းမြစ်များ

Mark 15:17

Gagovoromo Iesu sivo'irögoro sa'are a masijehu kavuë'e niögu ëgo io'amoromo mu vaejarue ëhi jië'e niögoho Iesu ba'amahareje. Ba'amahoromo a masijehu bosö didi'arue ëhi jië'e bosöho Iesuare simanore didi'ahareje. Röhu bogo inömo maho baeromo bosöho avohaho'i bibë'e ijo hisuoho ujuohoromo huoromo simanore ba'amahareje.

Mark 15:20

Ëhi sivoruomoromo niögu ëgoho jijövaho'i hesi niögu maho io'amahoromo osare jioromo hu'irae bava'areje korosire ano taemo'i.

Luke 15:13

Bojamamu majae ma-gemu niö'i barëjamu rue ijorajohuro huhu ujuohadoho imo'amo barëromo monioho baeromo va'ade höjo. Va'adoho va'ojuvo öri ëgoböviro sa'a göro va'oromo nimoronimorohë'i hiromo hesi maho sisëho ma-bu'önövade höjo.

Luke 16:1

Iae Iesuro hesi ijorajo ömo'ömoho uhu'e uëvadeje: Iae moni marohë'e jië'e ahu'o hesi mu muebejahaje ahu'o jaburo niö'iro arijare höjo. Ariromo eni jië'e ahuro hejade höjo uavamu: Jasi mu vaejahaje ahuro jasi inömo inömoho ma-bu'öjahaje höjo.

Luke 16:18

Röhu jö göhajo. Baruehu vaboro nugö'ö'i gö masuvë'oho ëho bogo masuvë'e muoho jio'i goho'amarue muoho höjo. O aehu nugö'öjë'e magonaho masuvë'oho bogo hesi vaboro maho masu'i ëho goho'amarue muoho höjo.

Luke 16:20

Ëhi'ego inömo'e a hesi ojanore bövi bise'o bogojië'e ahuro ë raromonövade höjo. A ihoho Lazarus jiade höjo. Lazarus-are sino haho'oho ma-sagohemu jië'e jiade höjo.

Revelation 17:4

Röhu ë magonahohuro kavuë'e niöge nu ano'e gö gö jië'oho ruahë'e gold mabëhëro aji'e munë mabëhëro nieniae gö gö mabëhëro ëhuro gurasijiomoromo avohorovë'e hihijo. Hiromo gold'e enatuoho övëro ma'enohijo. Ëenatu gagoho ë magonahehu va'inumi'e mu gö gö vaejaje ë hesi va'inumohuro irijiomë'e usihö'e sisë bëhe jiohijo.

Revelation 18:16

Nierusuburu'e bamoromo uvoruomo'ë'e: E-e vaevë'e vaevë'e amo börömohajo. Sanuovë'e niögu mabëhe kavuë'e ma-mabëhe io'amonövarije höjo. Nieniae gold-ehu inömo göehu göehu avoho'amaroho gurasijiomoromo avohorovonövarije höjo.

Revelation 18:7

Urimo amo rajehu nimoronimorohë'i jijihoromo mahunö'e raromarëhi i'uoho mana ëhi bojëmego hara'uoromo huë vavaene baeruomo'irajo. Magonahehu sarerivoromo uvajëhi: Na magonaho börömëro jevë'ëro dö maro hijaje höjo. Na bogo doruoho hijaje höjo. Bogo mae bogo huë vavaenoho bae hesi jevajë uvajëhi ë amo rajohuro ëhi gemuoho sarerivoromo uehorovoromo uvoruomaje höjo: No masije javuajëjo.