Luke 11:20 - Ömie: God-are Jögoru Iꞌoho

²⁰ A'i naro God-are darugoho baeromo rarovo'amaje höjo. Ëhuni uvorëjo: God-ro aevoromo böröme namiromo nosi örire muebejavuajëro jië'ëro ëhu'ëro ë'ajëjo.

Luke 11:20 ပူးပေါင်းရင်းမြစ်များ

Matthew 12:28

A'i naro God-are Aru'aho hesi darugoho baeromo rarovo'amaje höjo. Ëhuni uvorëjo: God-ro aevoromo böröme namiromo nosi örire muebejavuajëro jië'ëro ëhu'ëro ë'ajëjo.

Matthew 3:2

Majëhiromo uënövadeje: Uehoro sisëho vuonugo'i uehoro mae baehëjo. Jemë iae ga'ië'arujëjo God-ro böröme namiromo muebejëvego. Ëhi majëhinövadeje.

Matthew 4:24

Ëhi'obe juvamu huhu ëhi ë'ade jöho hebe va'adoho Syria sa'are raromarue aribövioho jabu'o ë jöho hebe va'oruomadeje. Hebe va'oromo aëro guomo guome gö gö vi'ehe gö gö baejë'e aribövioho Satan-are ariböviehu dëre abue'amë'e aribövioho simano sisërëjë'e aribövioho övo höru vuovëhë'e aribövioho ëhi jië'e aribövioho ujuohoromo jabesi sa'are jioromo ruenövareje. Ujuoho rue'ego Iesuro ajëmi'ego marëjëvonövadeje.

Luke 10:11

Noro jemesi bövioho bise'oho riremi'öromo jemesi amore sa'a hesi tohotohehu nosi hörure aegadoho no va'i ëhu'o riremo va'ejarëjo ëhuro jemë garomo uvo'irarijego: No sisë aribövie javuajëjo. Röhu ave jöhu'o avo'avoho uehorovohëre. God-ro böröme namiromo aevoromo jemë mabëhe muebejëvo'ië'oromo vuonugë'e höre. Ame gö gö jemesi jö bijönimë'oho ëhi majëhinövorëjo.

Luke 10:9

Guomo guomo'e aribövie ë amore raromë'oho ajëmirëjo. Amo rajoho jöe majëhiromo uërëjo: Avevejö'oho God-ro böröme namiromo jemë muebejëvo'ië'ajëjo.

Luke 11:21

Biriri'e aehu bije tone bahiromo javuoho avoho muebejë'oho hesi inömo inömoho ma-jiemu jio'a'ajëjo.

Acts 20:25

God-hu böröme namiromo muebejavuaje jöho ae aho'o jemesirire jövobe juvë'e jevajëjo. Röhu iae na gavajëjo. Ijonöho ae gemu vadu'oho na bogo ge'a'arujëjo.

2 Thessalonians 1:5

Jemë huë vavaene baeromo röhu biririvoromo Keriso mae uehorovego noro ëho garomo uvarueje: God-ro nosi muoho avoho mevo göromo diehi jië'e mu vaejarëhi manaho ëhi gemuoho bojamui'ajëjo. Iae huro jemë uë'a'ajëjo: Jemë mae jëvaje naehu börömo namiromo muebejaje öri ari'oro rojo raromohëjo. Ëhesi bëhoho avevejö'e God-are öri ari'o hesi mu ri'öröhego jemëhu nimoromo vavaeni baejarujohuni na ëhuni uëve.