Jude 1:10 - Ömie: God-are Jögoru Iꞌoho

¹⁰ Ëhi jië'e sanu'e jö jövadoho röhu jemë'o gagovarue ariböviohuro bogo ëhioho ato'i a'i bogo ma hejarue gavarue jöho ëma sisë'i atarueje. Sisë'i atoromo simano rumo'e mahu urejehu jijiharuëhi jabumëro ëhi bogo uehorovë'e jabesi nimarue muoho ëma vaebe jijihoromo ëhuro sisërërovarueje.

Jude 1:10 ပူးပေါင်းရင်းမြစ်များ

Romans 2:14

Sa'a ioro'ioro rajoho Moses-are jögoroho bogo hebe rovë'eje. Röhu hesi jögoru jiajëhi ëhi jië'e muoho vae'ë'ö. Vaejë'oho ë hesi bëhoho God-are jögoroho bogo he'i a'i jabesi uehororo jië'ëro ë muoho vaejarueje.

Philippians 3:19

Ahanovoromo röhu noehu God börömoho hö uehorovaruëhi ëhi jabumëro jabesi sinohuremu nimajoho börömoho hö uehorovoruomajeje. Javoji'e muoho vaeromo mae höromo nimoronimorohë'i jijihoruomajeje. Ave sa'a hesi muohemu uehorovoruomajeje. Ëhu'ëro jië'ëro vëni'e örire va'o hesi jioruome.

2 Peter 2:12

Bogo ëhioho ë'irögoro a'i ë jö sareri röjëhijarue aribövioho mahu urejo va'ëne jioruome. Urejoho bogo uehorovanovë'e jabesi ëma jijihego aëro rinovoromo muo'amoromo ujuoho va'arueje. Ëjö sareri röjëhijarue aribövioho ëhi jio'ame. Jabu'o bogo uehorovë'e jabesi ëma jijihoromo bogo ma hejarue gavarue jöho sisë'i atarueje ijonö mahu urejonö'e sisërë'amoröhëro.