John 7:10 - Ömie: God-are Jögoru Iꞌoho

¹⁰ Hijamu hesi ö ömo'ömohuro iojiomareje maja börömoho vaeröhëro. Iojiomamu evare Iesuro hu'o ajiomadeje. Bogo va'orahoroho ajiomo'i ma-saginiëri ajiomadeje.

John 7:10 ပူးပေါင်းရင်းမြစ်များ

Matthew 10:16

Aveho hehëjo. Naro rëmö'öjego jemë vaevë'e sheep harihunö'e vörö'e miehu jioruomajire va'ië'arujëjo. Ëhuni va'oromo sigobehu a gagoro ma-burëro ju'ebiromo va'ajëhi ëhi gavë'i jijihorëjo. O ugo ma-maehu hesi iemu iromo ma-taemo hijajëhi ëhi taemo raromobe va'orëjo.

Matthew 12:46

Ëhi jövamu evare hesi vëmohu'o ö ömo'ömohu'o jaburo Iesu'o jöe ato'i nëgamu rueromo amonö riravareje.

Matthew 3:15

Ëhi uavamu hegorovo Iesuro uavadeje: Bogajo. Avevejö'e naehu uavajëhi ëhi ë'ëjo. Ëhi ë'ë'oho ëhuro God-hu nimaje muoho vae'ejarëjo. God-hu nimaje mu noehu vae barëjë'oho iae mae höjo. Iae mae höjamu hegorovo John-ro ejahadeje.

Mark 3:21

Bogo eni jëvamu hesi aganohuro ëho heromo uvareje: Nani Iesuare simanoho sisërëjahë'e höromo hu guduamoromo hu'irae bava'i rovareje.

John 11:54

Ëhi'amu Iesuro Judea sa'are va'orahore juvadoho vuonugo'i va'adeje. Va'oromo a rumo'e sa'a hesi bëhire amo ihe Ephraim ë va'oromo hesi ijorajo ömo'ömohu'o gemu mae hijadeje.

John 7:3

Ësörö majaho dunovamu Iesuare ö maho jaburo ri'öromo Iesu uavareje: Ave amoho nugo'i Judea sa'ahuro va'oromo jasi mu masijoho röjëhijego jasi ijore ijore jijiharue aribövioho jaburo garuomo'irajo.

John 7:5

Ëhi uavare hesi bëhoho jabumë Iesuare ö ömo'öme jëvadeje röhu hesi öriroho bogo ma uehorovë'ëro ëhuni ëhi uavareje.

John 7:9

Ëhi uënugoromo Galilee sa'are ëhi hijadeje.

Galatians 4:4

Ëhi'obe rovaroho röhu majae eni jiamu gagorovo God-ro hesi Harihoho nugö'öjamu sa'are rovadeje. Rovamu ma-magonahëro hu rahadeje. Rahamu hu Jew rajo nosi jögoru aharire jiobe rovadeje