John 4:39 - Ömie: God-are Jögoru Iꞌoho

³⁹ Ëhi'amu Samaria sa'a rajo aribövie ë amore raromaruohuro hejare magonahoho uëvamu: Naehu bövi bise'o ömode jöho majehijamu hejë'e jevajë uëvamu hegorovo ae aho'obëhe Iesu mae uehorovareje.

John 4:39 ပူးပေါင်းရင်းမြစ်များ

Matthew 10:5

Ëaribövie 12-ho jaburo mue vaebe jijihoröhego Iesuro rëmö'öromo uëvadeje: Va'irarijoho sa'a ioro'ioro rajo jabesiriroho Samaria sa'a rajo jabesi amoroho nadi va'orëjo.

John 1:37

Ëhi uëvamu hegorovo rueho jaburo John nugo'i Iesuare ijore va'areje.

John 11:45

Ëhi'amu Jew raje ae aho'obëhe Mary ga'i rovarohuro gavare Iesuro Lazarus ëhi ajami'ego i'ovoromo ri'öjamu gagorovo hesi örire mae uehorovareje.

John 4:29

Rueromo ae gemu gahëjo. Naehu bövi bise'o ömode jöho huro majehijamu hejë'e jevajëjo. Na ë aho böröme namiromo ajamui'iröhe aho höjo o rahuo höjo.

John 4:30

Ëhi uëvamu amoho vuonugo'i Iesu ga'i örire rueruomadeje.

John 4:38

Naro jemë rëmö'öjode höjo i'u'e mu bogo vaejarijire ë va'oromo ma-gagovo'irarijego. Hesi a ioro'iorohuro i'u'e muoho ë vaejamu jemëro jabesi mu vituoho baejë'ëro ae ma-gagovëvo'ië'arujëjo nasinö jëvojöro.

John 4:40

Mae uehorovoromo rueromo Iesu uavareje: Ro nosi amoro no'o hijëjo. Hijëjamu Iesuro va'oromo majae niö'i jabu'o hijadeje.

John 4:42

Mae uehorovoromo magonahoho uavareje: Urimoho jasi jöho heromo Iesu mae uehorovare höjo. Jaruvoho bogo ëhunioho mae uehorovo'i a'i nosi hia'ëro hejare Iesuro jöe majahuijamu hejë'ëro ëhu'ëro noro mae garomo uvarue höjo: Iae mae-ëjo. Ëaho sa'ae dinö'e dinö'e raromarue aribövioho manö babamavuaje aho höjo.

John 4:5

Va'oromo Samaria sa'are ajiomoromo amo ihe Sychar ë rovadeje. Röhu Sychar amo bëhire jiaje sa'aho urimë'i a mami ae Jacob-ro hesi harihoho Joseph bojamijadeje. Ësa'anö Iesu rovadeje.