John 2:2 - Ömie: God-are Jögoru Iꞌoho

² Iesu'o hesi ijorajoho jabu'o söröre ruejöro uëvë'ëro ë ro raromareje.

John 2:2 ပူးပေါင်းရင်းမြစ်များ

Matthew 12:19

Hu bogo giagiavoromo darugo'oho uvo'a'ajëjo. Aho hesi huëho amo ririroho bogo he'a'aruëjo.

Matthew 25:40

Ëhi ue'iramu a börömoho naro uë'ejöjo: Aveho na jö mae uëvajëjo. Nasi öe iho ma-bise'o jië'oho mae avoharijohuro ëhuro na'o mae avohevarije höjo.

Matthew 25:45

Ma-nunëremu gavare hö'iramu naro uë'ejöjo: Nasi öe iho ma-bise'o jië'oho bogo ma avoharijohuro ëhuro na'o bogo ma avohevarije höjo.

John 2:12

Ëhi'amu Iesu o hesi vëmoho o ö ömo'ömoho o ijorajo ömo'ömoho ëho jaburo Capernaum amore abuejareje. Abueromo ë raromaroho majae gemu niö'i rabu'e barëjadeje.

John 2:17

Bogo bövi bise'o imarue amoho höjamu hegorovo Iesuare ijorajoho jaburo uehorovoromo uvareje: Huhu ë mu vaejaje hesi bëhoho God-are surire jajivoromo uvë'e höjo: Vavuoho jasi osa hesi mu nimajohuro ëhuro vëninö'e nasi dë vövöbajo'ere ravevajëjo.

John 2:22

Ëhu'ëro jië'ëro ijonö Iesuhu guomoromo ri'öjadevare evare hesi ijorajoho jaburo uehorovoromo uvareje: Iesuro mami'e uönövade höjo: God-are amoho naro avoho vae'iramu nami'a'ajëromo evare Iesu ri'ö'iröhe jö God-are surire jajivare Iesuhu majëhijadoho ëho mae uehorovareje.

John 2:3

Raromoromo sörö'e ariböviohuro wine jovoho ue'aho barënugoromo vëmohuro Iesu uavadeje: Wine jovoho barëjë'e höjo.

John 3:22

Ëhi'amu Iesu'o hesi ijorajo ömo'ömohu'o ëho jaburo Judea sa'are va'areje. Va'oromo huro jabu'o hiromo ae bapataeto vaejëvonövadeje.

John 4:2

Ëhi hejareje röhu Iesu bogo hesi övoho bapataeto vaejëvo'i a'i hesi ijorajoho jaburo ë'areje.

John 4:33

Bogo gavarujëjamu rueho jaburo uarovareje: Na aëro ioho ba ro bojamijare höjo. O dinö'e baejade höjo.

John 6:12

Ue'ahoromo da'uëgamu gagorovo Iesuro hesi ijorajo ömo'ömoho uëvadeje: I vitu vituoho gagovorego bogo mae bogo mu'u'irajo.

John 6:16

Majae beva'ia'amu Iesuare ijorajo ömo'ömohuro e'u riröre abuejareje.

John 6:60

Ëhi majëhijamu hegorovo Iesuare ijore ijore jijiharue a ioro'ioroho ae aho'obëhe uarovareje: Ëhi jië'e jöho i'u ma'e höjo. Nomë diehi'oromo bae'ejarëjo.

John 6:66

Ëhi uëvamu hegorovo Iesuare ijore ijore jijiharue aribövi ioro'ioroho ae aho'obëhe hu nugo va'oruomadeje ijonöho hu'oho bogo gemuoroho jijihoruomoröhëni.

John 6:67

Va'amu gëgorovo Iesuro gëvade hesi ijoraje 12-ho ëhi raromamu gëgorovo uëvadeje: Röhu jemëjo. Na jemë'o na remo va'orëjo.

John 6:70

Ja javajëjamu Iesuro uëvadeje: Jemë'o uehorovohëjo. Naro jemë ae aho'obëhe 12 baejëvode höjo. Röhu jemesirire ae gemu hu Satan höjo.

John 6:71

Ëhi uëvadeje. Röhu Satan hö uëvade hesi bëhoho Judas Simon Iscariot-are harihu hesi jöho uëromo ë'adeje. Iesuare ijoraje aho'obëhe 12 jio'amajoho Judas hu'o ë ae gemuoho jiadeje. Röhu huro ijonö ae hiruëmiromo Iesu jabesi övore bojëmadeje. Iae ëhuni Iesuro Satan hö uëvadeje.

John 6:8

Ëhi uavamu Iesuare ijoraje ae gö hesi ihoho Andrew Simon Peter-are öhuro uavadeje:

John 7:3

Ësörö majaho dunovamu Iesuare ö maho jaburo ri'öromo Iesu uavareje: Ave amoho nugo'i Judea sa'ahuro va'oromo jasi mu masijoho röjëhijego jasi ijore ijore jijiharue aribövioho jaburo garuomo'irajo.

Acts 11:26

Nahoromo birohonugoromo hu'irae baeromo sionëro Antioch rovadeje. Rueromo Barnabas'o Saul'o jaburo niö'iro Antioch ekaresiahu'o gemu mae ariromo ae aho'obëhe röjëhibe va'aroho vadune gemu barëjadeje. Ëhi'amu Antioch amore ë dirö'ore aëro Keriso-are aribövioho gëromo aevoromo uvareje: Jabumë Christian aribövioho jëvajëjo. Urimoho ëhi jië'e ihoho bogojëvadeje.

Acts 11:29

Amo Agabus-ro ë jöho majëhijamu hegoro Antioch amore raromarue Keriso-are ariböviohuro uvareje: No ae gemuëro gemuëro ga'iröhe no ijo bajo bövie baejë'e javuamu gavë'oho bövie tarioromo bise'e baejë'e javuamu gavë'oho bisemu tarioromo baro gemuoro bamoromo Christian agane Judea sa'are raromaruohuni nugö'öjëho'ejarëjo.

1 Corinthians 10:31

Iae ëhi jie röhu ie jove ue'ahë'oho o mue bövie bise'e vaejë'oho God uehorovoromo vaenövore hesi ihoho döro jioröhe.

1 Corinthians 7:39

Röhu masuvë'e magonahoho baru hijë'iroho baru'o gemu mae hi'ë'e. God-are jöho ëhije. O baru guomë'iroho magonahohuro di a nimë'oho ëho bae'ë'e. Röhu Bada mae uehorovaje ahuremu masu'ë'e ae gö bogo.

Colossians 3:17

Jemë jö atë'oho mu vaejë'oho o rabe rabe ë'ë'oho God Vavuoho Bada Iesuare ihore huë mae uavë'i mue aho'o Bada Iesuare ihoro vaenövore.

Hebrews 13:4

Röhu masurovarue muoho ae aho'obëhe mae uehorovore. Baruohu'o vaborohu'o jemesi arijo'ëremu garorovore. Önö'e jijihë'oho o goho'amë'oho ëhuro God-ro i'ue mana bojëmi'ë'e.

Revelation 3:20

Hehëjo. Naro osare ö'irögoro amonö namiromo jemesi ojore ano'anovajëjo. Ae rahu nasi huë heromo ojo jiovehë'oho naro rumo ö'oromo ja'o hiromo gemuoro ioho i'ejarëjo.