John 16:20 - Ömie: God-are Jögoru Iꞌoho

²⁰ Ave jöho na jö mae uë'ië'ajëjo. Jemë sisë maro nierusuburu'e bamo'arujëjo. A'i ave sa'arohemu uehorovarue ariböviohuro nimoroho avoho'aruëjo. Jemë huë vavaene bae'a'arujëjo röhu huë vavaeni bae'irarijoho barëromo dë mae jëvo'iramu nimoroho'arujëjo.

John 16:20 ပူးပေါင်းရင်းမြစ်များ

Matthew 21:38

Va'o höröjamu garomo uarovare höjo: Arue rovaje ahuro hesi vavu hesi sionoho bae hesi höjo. Ëhuni ë'ego ano bamoromo hesi sa'aho nosi baejarëjo.

Matthew 5:4

Huë vavaeni baejarue aribövioho huë mae jioruomaje höjo God-ro huë sanue bojëmi'ië'ego.

Mark 14:72

Bogo gavaje höjamu gavë'i kököröko urimo vae gemu uvadoho röhu maho uvadeje. Uvamu hegoro Peter-ro uehorovoromo uvadeje: O mami'e Iesuro uevade höjo: Kökörökoho bogo urimoho vae niö'i uvë'e jero urimo vae niö'i gemu ae uë'a'anuëjo: Na Iesu bogo gavaje höjo. Ëhi uehorovoromo sisë maro nivadeje.

Mark 16:10

Ëmagonaho hesi nunire rovamu gagorovo ë magonahohuro va'oromo gavade Iesuare aribövioho huë vavaene baeromo nivoruomamu gëgorovo uëvadeje: Iesu ri'öjë'ëro hijamu gavode höjo.

Luke 22:45

Parie vaenugoromo döro ri'öjadeje. Ri'öromo vuonorö'ö va'oromo gavadeje ijorajoho jabumë huë vavaene böröme baejë'ëro momorö'öjamu.

Luke 22:62

Ëhi uevade hö uvoromo Peter-ro amonö hörö va'oromo sisë maro nivadeje.

Luke 23:27

Bava'amu iae ae aho'obëhe Iesu rihiromareje. Rihiromoromo magonaho ioro'iorohuro muo'amorovë'i nierusuburu'e bamobe rovareje.

Luke 24:17

Bogo avoho gavamu Iesuro uëvadeje: Jemë diehi jië'e jöho jörovobe jireharujëjo. Jireharujëjamu rueho jaburo jireharoho vuonugo'i nu ano'e sisë'irërovoromo rirarovareje.

Luke 24:21

Röhu noro uehorovoromo uvare höjo: Ëaho nani God-ro nugö'öjade höjo rueromo no ajamuiromo Israel rajo nosi i'u'e muoho ahavuo'i hesi sasohë'e muoho röjahuiröhego. No ëhi uehorovare höjo. Röhu jöe gö'o ë mu sisë vaeruomadoho majae niö'i barëjamu röhu aveho majae göho rovë'e höjo.

Luke 6:21

Avevejö'e hömëvaje aribövioho jemë huë mae jëvajëjo maja ijonöho eni da'uëgo'ië'ëro. Avevejö'e nierusuburu'e bamaruje aribövioho jemë huë mae jëvajëjo maja ijonöho nimoroho'ië'ëro.

John 16:33

Ëjöho na majëhijajëjo ëhuro jemë heromo nasi ae gemuohuro jëvë'ëro juhuonoho bogojëvo'i huë mae jëvo'iröhego. Sa'are jiaje mu sisëro jië'ëro ëhuro sa'are raromoromo huë vavaene bae'a'arujëjo. Ëhi höjo röhu naro mu sisëho ruahö'öjë'e jevaje ëhuni biririvorëjo.

John 16:6

Röhu na va'i uëvodohuni ëhuni jemë sisë maro vavaenimarujëjo.

John 20:20

Huë mae raromohë'i hesi övohu'o ionohu'o röjëhijadeje. Röjëhijamu gagorovo uvareje: Iae Bada hö uvoromo nimorohareje.

Acts 5:41

Rëmö'öjamu uvareje: God-ro no mae uehorovavuë'ëro ëhuni hu uvajëjo: Noehu Iesuare jöëni i'u baejaruoho iae eni javuajëromo nimorohobe Jew rajo a masijehu jiaruire jioromo va'areje.

Romans 5:11

Iae u'emu mae javuo'ë'e röhu avevejö'ohu'o no God rajahiromo nimoroharueje nosi Bada Iesu Keriso-are jöëni ë hesi bëhoho huro mami'e vöröho tugohahuoromo God-arinö ramuë'ëro.

2 Corinthians 6:10

Aëro uvarueje: Huë vavaene baejarue höjo röhu majae ëhi nimoroharueje. Aëro uvarueje: Bövi bise'o rumo'e jëvajëjo röhu noro ae aho'o ajëmijego Keriso-are bövi bise'o maho baejarueje. Aëro uvarueje: Rabe rabe bogojëvajëjo röhu bövie bise'e aho'o nosi örire eni jië'eje.

Galatians 5:22

A'i God-are Aru'ahehu dë vövöbajo'o ri'öjëhë'ohuro ëhuro ae gö uehorovëvarueje. Nimoroharueje. Huë mae raromarueje. Ma-taemorovoromo sisëho uehorovoromo vuonugarueje. Huë baeromo ajëmijarueje. Mu mae vaejarueje. Biririvarueje.

1 Thessalonians 1:6

Röhu no'o Bada'o noehu raromo jijiharëhi jemë'o ëhi gemuoho raromo jijihonövarijeje. O noehu Keriso-are jö majëhijarevare jemë gavarijeje huë vavaene jemesi örire rovamu. Röhu God-are Aru'ahohuro jemesi dë vövöbajo'oho avohëhamu jemëro nimorohoromo jöho biririvoromo ejahuarijeje.

James 1:2

Nasi ö mueno'e huë vavaenehu böviehu bise'ehu burunö'e rueromo anëgë'oho uvore: Ma-nimoroho'iröhe muoho rovë'e höjo.

Jude 1:24

Iae God eni jië'e aego mabëhe ua'ejo. Jemë guare bejëvo va'ojöëni ma'enëgoromo söjëvo va'oromo huhu hijaje aji mare rëmego nimoroho avohë'i ma-maemu riravo'irarijoho hu eni jie.

Revelation 11:10

Ëhi uarovoromo sa'are raromarue ariböviohuro uvoruomo'ë'e: Ëae niö'iohuro huë vavaene aho'obëhe nosi örire bojamuinövare höjo. Röhu vejö'oho vuovëvë'e höromo nimoronimorohoromo suvuoramirovo'ë'ö. Ëhi'ojuvo majae niö'i gemu röhu ma-bisemu hesi ijore barë'ë'e.

Revelation 18:7

Urimo amo rajehu nimoronimorohë'i jijihoromo mahunö'e raromarëhi i'uoho mana ëhi bojëmego hara'uoromo huë vavaene baeruomo'irajo. Magonahehu sarerivoromo uvajëhi: Na magonaho börömëro jevë'ëro dö maro hijaje höjo. Na bogo doruoho hijaje höjo. Bogo mae bogo huë vavaenoho bae hesi jevajë uvajëhi ë amo rajohuro ëhi gemuoho sarerivoromo uehorovoromo uvoruomaje höjo: No masije javuajëjo.