James 5:6 - Ömie: God-are Jögoru Iꞌoho

⁶ Mu sisë rumo'e aribövioho jemëro sarerisareriëmiromo court vaejëvoromo uëvarijeje: Sisë'e jëvaje öri sisëro va'ohëjo. Ëhi'oromo muo'amëvarijeje. Röhu jabumë vörö rumo'ëro jëvë'ëro jemë bogo ahëvarueje.

James 5:6 ပူးပေါင်းရင်းမြစ်များ

Matthew 21:38

Va'o höröjamu garomo uarovare höjo: Arue rovaje ahuro hesi vavu hesi sionoho bae hesi höjo. Ëhuni ë'ego ano bamoromo hesi sa'aho nosi baejarëjo.

Matthew 27:20

Jöho ëhi rovamu gavë'i Jew rajo priest masijohu'o a duvahohu'o ëho jaburo ae aho'obëhe biririvoromo dinëmiromo uëvareje: Jemëro uvohëjo: Barabbas jiovo nugö'ö'i Iesu anohëjo.

Matthew 5:39

Röhu naro uëvajëjo: Aehu sisë vaejavë'oho nadi nijio'iraerovonëjo. A'iro aehu a'isabi övo manörire anagë'iroho huotorovego a'isabi gönöhu'o anago'irajo.

Acts 22:14

Gavamu uevade höjo: God nosi hijo miono'e muebejëvobe rovade ahuro ja baejavade höjo jero huhu nimaje muoho baeromo hesi A Maho nunëro garomo A Ma hesi huëho he'iranego.

Acts 7:52

God-are jö majëhijarue aribövioho jemesi hijo miono'oho rabu'e aribövioho bogo sisë vaejëvare höjo. Mami gö'e God-ro ae rëmö'öjamu jaburo ae majëhiromo uëbe rovare höjo: God-are mu ma vaejaje aho rue'a'ajë uëvare höjo röhu jemesi hijo miono'ohuro muo'amare höjo. O avevejö'e jemëro God-are mu ma vaejaje aho a sisë jabesi övore bojëmamu anare höjo. Ëho jemesi sisë höjo.

Acts 8:32

Ëhi uavamu hegorovo Philip-ro ajio hu'o hijadeje. Hiromo gavadeje Ethiopia rajohuro ave jöho adahamu. Vaevë'oho sheep ano'i hu'irae va'aruëhi ëhi bava'are höjo. Sheep harihu u tarivahego bogo uë'uëvë'e namijajëhi ëhi jörume namijade höjo.

Hebrews 10:38

Röhu God nasi aribövi mahuro na mae uehorovevoromo ëhuro biririvoromo raromoruomo'ajëjo. A'i ae rahu juhuonivo'i nasi öri vuonugë'oho na jabesi jöënioho bogo nimoroho vadë'ejöjo.

James 2:6

God-ro inömo rumo'e aribövioho ëhi ajëmijajeje röhu jemëro jabesi ihoho ijumëharujeje. Ëhi ë'arujoho röhu rahumëro jemë iosirëmiromo i'u'e muoho bojëmiruomajeje. Inömo ma'e ariböviohuro ë'arueje inömo rumo'oho bogo. O rahumëro guduamëvoromo court-roho va'o bahijëvoruomajeje. Inömo ma'e ariböviohuro ëhi ë'arueje inömo rumo'oho bogo.

James 4:2

Ëhesi bëhoho jemë bövie bise'e bae'i nimoromo röhu bogo baejarujeje. Bogo baeromo ae muo'amo'irögoro ë'arujeje. Muo'amo'irögoro röhu ganiganimoromo bae'irarije öroho bogo birohogoro iro muorovo'e vaejarujeje. God bogo ua gavarujohuro ëhuro bogo baejarujeje.

1 Peter 4:18

God-are surire jöho ëhi gemuoho jajivoromo uvë'eje: Mu mae vaejarue aribövioho bogo ëma maroho va'i huë vavaenëro anojamuijuvo ë hesi ijonö evare maroho va'o hesi javuajëjo. Ëhuni God dejo bojamiromo mu sisëmu vaejarue aribövioho diehi jëvo'ajëjo.