Hebrews 3:13 - Ömie: God-are Jögoru Iꞌoho

¹³ A'i göëro göho jögore mamirovore. God-are surire mami'e adahare jöho uövuë'eje: Ave jaruvore majaroho nadi hia'oho biriri'övorëjo. Ëuövuade jaruvore majaho bogo barëjë'e jiaje evaro majae ëhi göëro göho jögore mamirovore ëhuro jemë a ioro'iorohuro sisëho garomo bogo simane huotorovoromo ëhioho hia'oho biriri'övo'irarije.

Hebrews 3:13 ပူးပေါင်းရင်းမြစ်များ

Acts 11:23

Va'oromo gavade God-ro mae ajëmijë'e jiamu gëgorovo nimorohoromo uëvadeje: Ae aho'obëhe jemëro biririvoromo jemesi dë vövöbajo'e aho'o Bada gemu uehorovorëjo.

Romans 7:11

Guomo örire jevade hesi bëhoho surire jajivë'e jögoroho na hejë'ëro ëhu'ëro ë mu sisëhuro sareremiromo dë iehamu naro jögoroho ahamu ëhuro guomo örire jevadeje.

Ephesians 4:22

Aviëhi jië'e jöho hejarijeje. Mami'e öri sisëre jijiharije ë hesi uehoro mamioho boremi'öre. Ëuehoro mamioho ejahoromo ëhuro mu sisë naguego sareramirovoromo ë muoho vaejego sisërëjavuobe va'ajeje.

1 Thessalonians 2:11

Vavuehu hesi aboji harihu'o mu öri röjëhijajëhi noehu jemë ae gemu gemu ëhi röjëhijaroho ëhu'o gavarujeje.

1 Thessalonians 4:18

Ëhi javuo'ië'e jiaje ëhuni ë jöho majahirovorego jemesi dë vövöbajo'oho mae jëvo'iro.

1 Thessalonians 5:11

Ëhuni ajamirovoromo jö mae majahirovarujëhi ëhi ë'orego ëhuro avoho biririvëvoromo mae jëvobe va'iro.

2 Timothy 4:2

God-are jöho darugo'o majëhine. Ae nimë'oho o bogo nimë'oho biririvoromo majëhine. Jöe majëhijego avoho uehorovoruomo'iro. Mu sisë vaejë'oho ahëvone. Darugo'e jö maho majëhijego heromo biririvoromo mu ma-maemu vaeruomo'iro. Nadi u'uho'i biririvoromo jöho röjëhinövone.

Hebrews 13:22

Aganomë naro ave jö harihoho jajivoromo bamëhe jemëro adahoromo dë vövöbajo'oho biririvo'irarijego. Jemëro nadi u'uvo'i ma-here. Jöho bogo ëgehuje.

James 1:14

Bogo ëhioho jie. A'i ae gemu gemu dëre bijahuaje hesi bëhoho nosi sinohuro mu sisëho nimoromo jagu barovego ëhuro sisëhuro ro bijahuajeje.