Colossians 3:16 - Ömie: God-are Jögoru Iꞌoho

¹⁶ Röhu Keriso-are jöho mabëhe jiaje ë jöhuremu uehorovore. Ëjöho uehorovoromo simano mae bae avohoromo öroho röjahirovoromo jögore mamirovore. Ëhi'oromo uvore: God-ro mae vaejavuajë uvë'i Psalms surire jajivare jöho God rajahi'iröhe jöho Aru'ahehu bojëmaje jöe gö gö iore.

Colossians 3:16 ပူးပေါင်းရင်းမြစ်များ

Matthew 26:30

Ëhi uënugoromo God rajahijarue jöho ionugoromo suorovo va'oromo Olives Dahorure iojiomareje.

Luke 2:51

Dadivëvamu Iesuro vëmu vavu'ohu'o sionëro vuonorö'ö rovadoho jabesi amore Nazareth ë hiromo jabesi jöho ejëhë'e hinövadeje. Hijamu vëmohuro gavade hejade jöho hesi simanore bamoromo uehorovemu uehorovonövadeje.

John 15:7

Röhu jemë na'o gemuore bimuvoromo raromë'oho o nasi jö jemesi dë vövöbajo'ere jië'oho ëhuro jemë rabe rabe God ua ga'i nëgë'oho uarëjo. Ua gavë'oho iae bae'a'arujëjo.

Romans 10:17

Ëhu'ëro jië'ëro Keriso-are jöho majahuijego ëhuro no hejarueje. Heromo ëhuro no mae uehorovarueje.

Romans 15:14

Aganomë iae na mae garomo uve: Jemesi muoho iae ma-maemu jiajëjo. Uehoro maho jemesi simanëro eni baejë'e jëvajëjo. Nuehu uehorovoromo röjahirovarujoho eni jëvajëjo. Iae na ëhi uve

1 Corinthians 14:15

Ëhi jië'oho na diehi ë'ejo. Nasi aru'ahohuro parie vaeromo röhu nasi simanohu'o uehorovoromo parie vae'ejo. Nasi aru'ahohuro ëhuro jöho io'ejo. Röhu nasi simanohu'o uehorovoromo jöho io'ejo.

1 Corinthians 14:26

Nasi ö mueno'e naehu jajivaje jö hesi bëhoho uehorovore. Ekaresia gagovë'iroho ae göëro uë'ë'e: Ë'ego no ave jöho iarëjo. Ae göëro Keriso-are öroho röjëhi'ë'e. Ae göëro gurihijë'e jöho huruoho majëhi'ë'e. Ae göëro bogo hejarue huë göëro jövo'ë'e. Ae göëro ë jö hesi bëhoho huotovoromo majëhi'ë'e. Röhu ë muoho aho'obëhe avoho vaerego ëhuro ekaresiae aho'o birire baeruomo'i.

Ephesians 1:17

Vavuoho ma-aje gemu hijë'ego nosi Bada Iesu Kerisoro uvajeje: Hu nasi Börömoho höjo. Vavuoho ëhi jië'e ae jië'ego naro hesi örire ëninamijajeje huro jemë ajëmi'iröhego. Ajëmiromo uehoro mae bojëmiromo hesi arijo'arije röjahirovego jemëro hu mae ga'irarijego.

Ephesians 5:17

Ëhuni nadi sisë'ioho uehorovo'i a'i jemëhu diehi mu vaejöro Badahu nimajoho ëho avoho garomo baere.

Ephesians 5:19

Psalms surire jajivare jöho God rajahi'iröhe jöho Aru'ahehu bojëmaje jöe gö gö iaruoho majahirovore. Dë vövöbajo'e aho'o God rajahiromo ëhi jië'e jöho ionövore.

Ephesians 5:26

ëhuro ekaresiaho jovëro u'ovahuoromo hesi jöho majahuiromo ma-maemu avohavuoröhëni.

Colossians 1:28

Ëhu'ëro jië'ëro Keriso-are jöho ae aho'o majëhijarueje. Majëhiromo simane ma-mae uehorovoromo ae aho'obëhe röjëhibe jijiharueje jö bëhoho heromo avo'avoho uehorovoruomoröhego. Avo'avoho uehorovobe va'oromo ëhuro ae gemu gemu aho'obëhe Keriso-are ae gemuoho jioromo a duvahonö'e God-are nunire riravoröhego.

Colossians 1:9

Iae ëhuni jemesi jö hejarevare evare no aevoromo jemëni God-are örire uehorovobe rovaroho jaruvoho ëhi gemuoho ë'obe va'arueje. Ëhi ë'obe va'oromo noro God uavarueje huro jemë avohëvego hesi Aru'ahehu simano ma bojamuijaje ëhi jië'e simanoho jemë'o mabëhe baeromo mue aho'obëhe avoho garomo ëhuro ga barë'irarijego God-hu diehi nimajoho.

Colossians 4:6

Röhu jemëhu jabu'o jö atë'oho jemëro vuëvo'e jö mahemu atore. Ëhi jië'e jö atë'oho ëhuro he'irarije aëro Keriso-are jö bëhoho he'i uë gëvamu hejë'oho ae gemu gemu avoho majëhibe va'a'aruje.

1 Thessalonians 1:8

Ëhesi bëhoho jemëro mu mae vaejë'ëro ëhu'ëro Badare jöho jemesirire jioromo jemesi sa'ae Macedonia rumorovoromo sa'a göho Achaia rumorovobe va'ë'eje. Röhu gö'o jemëhu God mae uehorovaruje jöho sa'ae dinö'e dinö'e rumorovobe va'ë'eje. Rumorovobe va'amu ae he barëjë'ego no bogo röhu maho aho majëhiromo uë'ejo: Thessalonica amo rajohuro God mae uehorovoruomaje höjo. No bogo ëhioho uë'ejo.

1 Thessalonians 4:18

Ëhi javuo'ië'e jiaje ëhuni ë jöho majahirovorego jemesi dë vövöbajo'oho mae jëvo'iro.

2 Thessalonians 3:15

Röhu nadi uvore: Hu no'o muorovaje ae höromo nue huodivo'i a'i uvore: Nosi öe höromo jögore majahijego avoho hi'iro.

1 Timothy 6:17

Röhu ave sa'a hesi bövi bise'o marohë'e mae jëvë'e aribövioho uëne: Nadi jemesi inömoho bövioho bise'oho uehorovoromo döroho bamorovorëne. Nadi uvorëne: Na inömo marohë'e jevajohuro ëhuro mae jevo'ajëjo ë hesi bëhoho inömoho ma-jahuri jiaje inöme jiaje. A'i uvorëne: Hesi God-ro ajemi'iramu mae jevo'ajëjo. Ëhesi bëhoho huro bövie bise'e suvuoramui avohajeje huë mae javuoröhego.

2 Timothy 3:15

Iae ja'o gavanue ja bise'o javade majare jero aevoromo God-are surire jöho hebe rovaneje. Ësurire jö gavë'ohuro ëhuro jasi simanoho ajivavo'iramu garomo uvo'a'anue: Naro ëhi'oromo Iesu Keriso mae uehorovoromo ëhuro bogo sisëroho va'i maro va'ejöjo.

Titus 3:6

ËAru'ahoho God-ro jovonö'e otehodaguadeje Iesu Keriso no mare bamavuaje a hesi ihore.

James 1:5

Röhu ja rahuaro uehoro bogojavë'oho God uavego uehoro mae bojami'iro. Ua gavë'oho God-ro iae ejaho'ë'e hu bogo nijio'irae'i ma-huë mae bojamuijaje aëro jië'ëro.

James 3:17

Sa'a hesi uehoroho ëhije. A'i ö'idöre jioromo ruvebijaje uehoroho göje. Ëhi jië'e uehoro ma baejë'oho mu ma-mae uehorovarueje. Mu mae uehorovoromo gemuoro mae raromoromo muoho ma-u'emu vaeromo ma-sanuovoromo jöho ejahorovarueje. Jöho ejahorovoromo huë baerovoromo muoho avoho vaejarueje. No bogo ruëroho numëroho uehorovo'i ma-jöe gemu uehorovarueje. Bogo ma-döemuoho mu maho vae'i a'i avoho uehorovoromo dë vövöbajo'o uhohu'o vaejarueje.

James 5:13

Röhu jemë ae gö huë vavaeni baejë'oho ë ahuro God-are örire ëninami'iro. Ae gö dë sasohë'oho huro jöe ioromo God-are örire rajahi'iro.

1 John 2:14

Nasi aboji harihu'e jemë Vavuoho gavë'e jëvo'ego ëhuni na jemesi örire jajive. A duvahohumë jemë aevo'i jiobe rovade aho gavë'e jëvo'ego ëhuni na jemesi örire jajive. A i'ohumë jemë biririvoromo God-are jöhuremu jemesi dë vövöbajo'ere uehorovoromo A Sisëho ruahö'öjë'e jëvo'ego ëhuni na jemesi örire jajive.

1 John 2:24

Keriso-are jö aevo'i hebe rovarije jöho uehorovoromo ma'eno titimore. Ëhi ë'ë'oho Harihu'o Vavu'o jabesi gemuore raromo'aruje.

1 John 2:27

A'i jemë Kerisoro hesi Aru'ahoho bojëmamu jemesi dë vövöbajo'ere abuejë'ëro jemë'o hijajeje. Hijë'oho a göho rabëni jemë öroho röjëhi'ë'ö. Bëhe bogoje. God-are Aru'ahohuro hesi muoho bövioho bise'oho jemë röjëhijajeje. Röjëhiromo bogo sareri'e jöho röjëhi'i jö mae röjëhijajeje. Ëhu'e jiaje jemëro hesi Aru'aho hesi jöho ejahoromo Keriso'o gemuoro raromore.

Revelation 14:3

Ëhi uvoromo God-hu hijaje röho ma hesi nuninö hu rajahijarue maje 4 jabesi nuninö a duvaho jabesi nuninö riravoromo jabesinö nu ano'oho nugoromo jö i'oho ioruomohijo. Ae aho'obëhe sa'are sisë'i raromaruoho röhu ae 144,000 ëmino'e God-hu baejëvadoho ë ariböviohuremu ë jö i'o io'iröhoho eni jëvadeje. A ioro'ioroho bogo.

Revelation 15:3

Gitaho ujuohë'e riravoromo God-are mu vaejahaje ae Moses-are jöho ioromo God-are Sheep Harihu hesi jöhu'o ioromo uvoruomohijo: Bada God ja daruge aho'o baejë'e ae javajëjo. Jasi muoho masije ma-mabëhe höjo. Ja böröme namiromo sa'ae aho'o muebejavuanue ae javajëjo. Jasi muoho bogo sareri'ehu jio'i ma-maemu jio'amajëjo.

Revelation 19:10

Anerahuro ëhi uevamu hejë'i naro hu uvene aho röjahi'irögoro hesi höru'ere ague aho hijodeje. Hiromo rajahi'irögoro ë'amu gegorovo uehijo: Bogave ëhioho ë'iranëjo. Jaehu God-are mu vaejanue ëhi jië'e mu vaejaje ae jevajëjo. O jasi ö mueno'ohu'o Iesuare jö mae uehorovoromo majëhijaruoho jabuhu Badare mu vaejaruëhi na'o ëhi ë'aje ae jevajëjo. Ëhuni nadi na rajehi'i God gemu rajahijëjo. Ëhesi bëhoho Aru'aho gemuohuro jöe bojëmë'ego aëro ijonö jioröhe jöho majëhinövare höjo o avevejö'oho Iesuare jöho majëhijarue höjo.

Revelation 5:9

jö i'oho ioromo uaruomohijo: Ja maëremu javë'ëro ëhuni suri baeromo siva goho'amë'oho eni javajëjo. Aëro anagamu jasi köho otehoromo guomane höjo. Guomoromo ëhuro ae ajëmijane höjo. Agane gö gö huë gö gö sine gö gö sa'ae dinö'e dinö'e sisë'i raromaroho jero guomoromo ëhuro imëvoromo baejëvoromo God-arinö rëmane höjo.