Acts 7:36 - Ömie: God-are Jögoru Iꞌoho

³⁶ Ëae gemuoho Moses-ro Egypt sa'are hiromo bogo gavarue vörö'e muoho vae'amoromo Israel rajoho Egypt sa'are jioromo söjëvo va'adoho va'o jovo e'ure jovo ihe Kavuë'e Jovore darugo'e muoho vaeromo söjëvo va'adoho va'o a rumo'e sa'are darugo'e muoho vae'amobe va'ojuvo vadune aho'obëhe 40 barëjade höjo.

Acts 7:36 ပူးပေါင်းရင်းမြစ်များ

John 4:48

Mae jio'irajamu Iesuro uavadeje: Na jemë nasi darugo'e mu masijoho garomo mae uehorovevo'i ëhuni na bogo maho uehorovevaruje höjo.

Acts 13:18

Söjëvo ujuoho rovamu vadune aho'obëhe 40 a rumo'e sa'are mu sisë vaebe juvo'ego ma-nunëremu gë taemoromo ajëminövade höjo.

Acts 7:42

Ëhi'amu gagorovo God-ro jabesinö dejoho bu'öromo uëvade höjo: Jemëro jije mujöre ëho rajëhibe va'orëjo. Jemëhu nëgajëhi ëhi ë'orëjo. Ëhesi jöho jö God-aro baeromo majëhinövare aribövi jabesi surire jajivoromo uvë'e höjo: God-ro uëvajëjo: Israel rajomë mie muo'amoromo vëniro mueromo bahibe a rumo'e sa'are vadune aho'o 40 jijiharije höjo. Na jemë na rajehi'i ë'arije höjo. Bogajo.

Hebrews 3:8

nadi hia'oho biriri'övorëjo. Jemesi hijo miono'ehu hia'i biriri'övoromo God na'o muorovarëhioho nadi ëhioho ë'orëjo. Jabuhu a rumo'e sa'are raromoromo God nasi dë bijioho gavarëhioho nadi ëhioho ömorëjo.

Hebrews 3:9

Jemesi hijo miono'ohuro nasi mu masijo gabe rovaroho ëho bogo uehorovo'i nasi dë bijioho gebe rovaroho vadune 40 barëjade höjo.

Hebrews 8:9

Mami'e jabesi hijo miono'o muebejëvo'irode jögoru mëmodëhioho bogo ëhi jië'e jögoroho mëmi'ejöjo. Jabesi hijo miono'e Egypt sa'are jëvamu naehu söjëgo rovodevare evare majare jögoroho mëmode höjo. Mëmamu jaburo jögoroho bogo biririvoromo ejeho'i vuonugare höjo. Ëhuni naro jabumë bogo gëvanovode höjo. Badaro ëhi uvajëjo.