Acts 5:38 - Ömie: God-are Jögoru Iꞌoho

³⁸ Va'o barëjë'ego ëhuni naro ave jöho majëhiromo uëvajëjo: ËIesuare aribövioho ma-nunëremu gëromo vuororëmirëjo. Ëhesi bëhoho rabëni jabuhu vae'i nimoruomaje muoho ma-a jabesi mu jiajoho Theudas'o Judas'o jabesi muehu sisërëjadëhi Iesuare aribövi jabesi muohu'o ëhi sisërë'ajëjo.

Acts 5:38 ပူးပေါင်းရင်းမြစ်များ

Matthew 15:13

Na ja uehorovanuëjamu Iesuro uëvadeje: Nasi Vavue ö'idöre hijaje a hesi aribövioho mure i maehu rijajoho va'ëne jioruomajëjo. Ëmure hesi ëma ri'amaje resu resuoho nasi Vavuohuro jaho'amoromo ruruhö'ö'ajëjo.

Mark 11:30

John-hu bapataeto vaejavuonövadoho na God-ro o ma-aëro darugoho bojamijë'ëro ëhioho ë'onövade höjo. Uehego na hejöjo.

John 11:48

Ëhi jië'e mu masijoho vaemu vaejamu noehu bogo tugohë'oho ae aho'obëhe hesi örire mae uehorovoruomo'ajëjo. Mae uehorovo'iramu gagorovo Rome ariböviohuro rueromo nosi amo börömohu'o sa'ahu'o ijumavuo barë'ajëjo.

Acts 5:35

Sö ruerëjamu sö ujuoho va'amu evare uëvadeje: Israel rajomë rue Iesuare aribövi muo'amo'i uvarujoho o jabesi örire rabe rabe vae'i uehorovë'oho nadi nuni rumo'oho ma-vae'i uehorovo avohoromo vaerëjo.

1 Corinthians 3:19

Ëhesi bëhoho ave sa'arohemu uehorovarue simano ma'e jöho ëho God-hu gavajoho simano rumo'e jöeje. Ëhesi jöho God-are surire jajivoromo uvë'eje: Ave sa'arohemu uehorovarue ariböviohuro sareri sarerie ë'oromo uvoruomaje höjo: No simano mae baeromo jijiharuëjego evare aevenëro mie jiomëvanovaje höjo.