Acts 2:30 - Ömie: God-are Jögoru Iꞌoho

³⁰ Ëhesi bëhoho David-ro jö God-aro baeromo juvaje aëro jië'ëro ijonö jioröhe jöho gavade höjo. Ëhu'ëro hu garomo uvade höjo: God-ro na jöe darugo ma'e majehiromo uevë'e höjo: God naro jasi uje gemu baeromo böröme bamo'ejöjo David jaehu öri ari'e muebejanuëhi ëhi ë'iröhego.

Acts 2:30 ပူးပေါင်းရင်းမြစ်များ

Matthew 22:43

David-are ujoho höjamu uëvadeje: Ëhi jië'oho God-are Aru'ahoho rabëni uavamu David-ro böröme namiromo ajëmi'iröhe aho Bada uavade höjo.

Matthew 27:35

Juahëmamu korosire ano taemareje. Ano taemoromo hesi niögoho adovoromo ajajovoromo ujuohareje.

Mark 12:36

God-are Aru'ahohuro jöho David-are simanore bojamamu jajivoromo uvë'e höjo: Bada God-ro nasi Bada uavade höjo: Nasi övo manö rojo hijego ja'o muorovarue aribövioho naro ruahö'öjëvego hörëro vijuvo taemo'amo'irane höjo.

Luke 24:44

Iromo uëvadeje: Urimo naehu jemë'o hiromo majëhijamu hejarije jöho iae avevejö'e röhu maho majëhi'irögoro ë'ajëjo. Na uëvode höjo: Nasi jöho aho'obëhe Moses-hu jajivadoho jö God-aro baeromo majëhinövare a ioro'iorehu jajivaroho Psalms jö jajivaroho nasi jöe aho'obëhe God-are surire jajivarëhi iae ëhi jio'a'ajëjo. Öre gö bogohöjo. Ëhi uëvamu hejarije höjo.

Acts 1:16

Ö mueno'ohumë Judas-hu ë'ade jöho God-are surire jajivarëhi öre gö bogojië'ëro iae ëhi jiade höjo. Urimë'i God-are Aru'ahohuro David uavamu Judas-hu majae ijonö vaeröhe jöho jajivade höjo. Judas hu aehu Iesu guduamojöro öri röjëhijade ae jiade höjo.

Romans 1:3

Röhu ë jö maho iae God-are Harihu hesi jöhoje. Hu araeromo a daje baejadire hu David-are uje jiadeje.

Romans 15:12

O Isaiah-ro Keriso-are mu diehi jioröhe öroho jajivoromo uvë'eje: A mami ae Jesse bëhoho jiade höjo. Röhu sahorijadoho hujeji bunohuro sirinohiromo ri'ö sionore nami'a'ajëjo. Ëhi'oromo böröme namiromo sa'a ioro'ioroho muebejëvo'ajëjo. Muebejëvo'iramu jaburo uvo'a'aruëjo: Iae ë ahuro ijonöho no ajamuinövo'ajëjo. Ëhi uvë'eje.

2 Timothy 2:8

Röhu Iesu Keriso uehorovonövone. Keriso hu Israel sa'a muebenövade ae David-are ujeje. Huro guomoromo i'ovoromo ri'öjë'eje. Ëhi jië'e jö maho naro majëhibe juvajeje.

Hebrews 1:1

Urimoho God-ro mue gö gö majae göro göro vaebe rueromo ëhuro hesi jöho röjëhi'ego jö hesirire baeromo majëhinövare ariböviohuro baeromo nosi hijo miono'oho majëhinövareje.

Hebrews 3:7

Ëhuni God-are Aru'aho hesi jöho avoho ejahore. Hesi surire jöho ëhi uvë'eje: Ave jaruvore majaroho God-hu majëhijaje jö hejë'iroho

Hebrews 4:7

Ëhuni God-ro majae gö bamoromo uvë'eje: Ave jaruvore majahajo. Ëhesi bëhoho urimë'i hia'i biriri'övare aribövioho vuovëvadoho va'ojuvo majae ëgo'o barëjamu evare God-ro uavamu David-ro noehu adahare jöho jajivoromo uvadeje: Ave jaruvore majaroho God-hu majëhijaje jö hejë'iroho nadi hia'oho biriri'övorëjo.

Hebrews 6:17

O God-ro nimadeje hu ajamui'i uövuade aribövioho röjahuijego noro garomo uvoröhego: Iae mae-ëjo. God-ro ajamui'i nimadoho bogo vuonugo'ajë uvoröhego. God-ro ëhi nimoromo hesi iho uvadohuro ëhuro darugo'e jöho Abraham majahijadeje.

Hebrews 7:21

A'i Iesuro priest muoho bae'ia'amu God-ro darugo'e jöho uvoromo bamadeje. Ëjöho God-are surire jajivoromo uvë'eje: God Badaro ave jöho darugo'o uvë'ëro bogo vuonugo hesi höjo: Ja priest jianuoho ëhi jiemu javo'ajëjo.

2 Peter 1:21

Rabëni hesi bëhoho bogo aho jabesi ëma nimoromo jöho God-aro baeromo majëhiromo jajivo'i a'i God-are Aru'ahëro jabesi simanoho huotovëho'ego God-hu bojëmaje jöho majëhinövareje.

Revelation 17:14

Mi sisëho ajamiromo ri'öromo God-are Sheep Harihohu'o muorovo'aruëjo. Muorovo'iramu Sheep Harihohuro mana muorovëmiromo jabumë ruahö'öjëvo'ajëjo ë hesi bëhoho huro masijo vaeruomaje ae aho'o iosirëmiromo hu gemu döroho jië'ëro. O huhu baejëvo'i uehorovëvoromo hesi baejëvade ariböviehu hu gemu biririvoromo uehorovarue ë aribövioho jaburo Sheep Harihohu'o gemuoro bimuvoromo muorovoromo sisëho ruahö'öjëvoruomo'ajëjo.

Revelation 19:16

Röhu hesi ahihonö niögu döre ihoho jajivoromo uvë'e jiohijo: Masijo vaeruomaje ae aho'o iosirëmiromo hu gemu döroho höjo. Ëhi jajivë'e jiohijo.