2 John 1:8 - Ömie: God-are Jögoru Iꞌoho

⁸ Ëhuni avo'avoho mueberovore. Sareri'e jö bogo ejëhë'oho ëhuro mu vaebe rovarije suvuoroho bogo boremi'ö'i bae barë'aruje.

2 John 1:8 ပူးပေါင်းရင်းမြစ်များ

Matthew 24:4

Barë'ië'ajëjamu hegorovo Iesuro uëvadeje: Gavë'iajo. Aëro sarerëmi'iramu guaro rireromëvo va'a'ajëjo.

Mark 13:23

Röhu jemëro avoho mueberovorëjo. Ijonö jioröhe jöho na urimo majëhijë'e jevajëjo. Ëhuni sareri'e jöho nadi maho uehorovorëjo.

Mark 13:9

Röhu gavë'i raromorëjo. Aëro guduamo ujuohëvo va'oromo jögoru muebejarue aribövi jabesi övore bojëmi'aruëjo. God rajahijarue osa göro göro ë hisuebijëvo'aruëjo. Gavana o sa'are a masijo gö gö jabesi nunire rëmo'iramu nasi jöëni ë riravo'arujëjo nasi jöho huruoho majëhi'i.

Luke 19:19

Baejahë'e jevajëjamu ruehuro uavade höjo: Jero ame 5 muebenëjo.

Luke 21:8

Rue'ië'ajëjamu Iesuro uëvadeje: Gavë'iajo. Aëro sarerëmi'iramu jemë rireromëvo va'a'ajëjo. Ae aho'obëhe rueromo sarerëmiromo uë'a'aruëjo: Nöruare ihoro rovajëjo. God-hu uevë'ëro böröme namiromo ajëmi'irode aho na jevajëjo. O uë'a'aruëjo: Jemëhu muebejaruje majaho iae aviae rovajëjo. Ëhi jië'e jö uëvamu hejë'oho jabesi ijore ijoroho nadi jijihorëjo.

John 4:36

Röhu uhu jö hesi vituoho majëhiromo uëvadeje: Gagovarue ariböviohuro aviavejö'e jabesi suvuoroho ujuohoromo aribövioho iruno'o va'ëne gagovëvaruëjo jaburo ma-ioro'ioremu maro raromoröhego. Ëhu'ëro iruno'e bamarue ariböviohu'o gagovarue ariböviohu'o ma-gemuoro nimorohoruomo'ajëjo.

1 Corinthians 15:8

Rueromo ijo tugoho'i nasi örire rovamu na'o nasi nunëro gavodeje. Apostle ioro'iorehu Keriso aevoromo uehorovarëhioho na bogo ëhioho aevoromo hu mae uehorovo'i a'i mu sisë bëhe vaeromo ma-majioho mae uehorovodeje. Ëhu'ëro jië'ëro vëmehu sisë'i rahego harihehu ma-majioho rovajëhi na ëhi jevanove. Na urimo ramoramo'ere hiromo ma-majioho Keriso-are ajire rovodeje.

1 Corinthians 3:14

Mami'e vaejare muoho vënehu ravamu biririvoromo namijë'oho ë javu vaejare aribövioho suvuore mana baeruomo'ë'e.

1 Corinthians 3:8

O ujonö'e bivëvaje ahu'o jovehu sanuovëvaje ahu'o no bogo göho böröme göho bise'e javuo'i ma-gemuoho javue. No diehi jië'e mu vaejë'oho God-ro manaho ëhi bojamui'ë'e.

Galatians 3:4

Asë'e jemë Keriso-are mu öri bae avohobe rovarijoho na ë muoho ëma sisërë'ë'e. Bogo.

Galatians 4:11

Na jemesi jöëni juhuoninegavave naehu jemëni vaebe rovode muoho sisërëjöëni.

Philippians 3:16

Ëhi jië'ego Keriso-are jö ejahobe rovaroho ëhi ejahobe va'ejo. Ëhi jië'oho iae maeje.

Hebrews 10:32

Röhu urimore majare jemëhu diehi ë'arijoho uehorovore. Keriso-are ajehu jemë aevoromo ajivëvadevare evare jemë huë vavaene böröme baeromo sivohojuvo biririvarijeje.

Hebrews 10:35

Ëhuni Iesuare jö biririvoromo mae uehorovarujoho nadi vuonugore. Biririvë'ohuro ëhuro manaho ma-mabëhe bae'a'aruje.

Hebrews 12:15

Avoho mueberovore. Aëro God-hu huë baejëvaje öroho vuonugojöëni uëve. O aëro oso sisë bojëmego ae gö gö jemesi dë vövöbajo'oho ijumëvego ae aho'obëhe sisërojëvojöëni uëve.

Revelation 3:11

Naehu rue'irode majaho dunovajëjo. Ëhuni jemëhu baejarije mu maho nadi vuonugo'i ma-avoho mueberëjo ëhuro aho bogo iosirëmiromo jemesi suvuoroho baejëho'iröhe höjo.