2 Corinthians 2:12 - Ömie: God-are Jögoru Iꞌoho

¹² Röhu naro Troas amore va'odeje Keriso-are jö maho majëhi'irodëni. Va'oromo gavodeje Badaro nasi mu öroho mabëhe jiovehë'e jiamu.

2 Corinthians 2:12 ပူးပေါင်းရင်းမြစ်များ

Acts 14:27

Rueromo ekaresiaho uëvareje: Gagovohego jöe majëhijarëjo. Majëhijarë uënugoromo gagovamu uëvareje: God-ro ajamuijamu ëhi jië'e muoho vaeromo rovare höjo. Huro öroho sa'a ioro'ioro rajohuni jiovëhamu jaburo Iesu mae uehorovare höjo. Ëhi'ade höjo.

Acts 16:11

Ëhi'onugoromo Troas jioromo boat-re iojiomoromo ma-ahorirëro jovo döre va'aroho va'o Samothrace sa'are suorovë'ëro nëröho jovo döre va'aroho Neapolis amore suorovareje.

Acts 16:8

Ëhi uëvamu Bithynia sa'aroho bogo va'i Mysia sa'aremu rova'oromo abuejaroho abo Troas amore höröjareje.

Acts 20:8

Röhu ë javu döre osare noehu gagovarire ire aho'obëhe bue'amë'e jiadeje.

Romans 1:1

Paul naro ave jöho jajivo'irögoro ë'e. Na Iesu Keriso-are mu vaemu vaejahaje ae jeve. Na apostle jeve ë hesi bëhoho God-ro uevë'ëro. Huro na baejevoromo bamevadeje huhu bojamuade jö mahuremu naro ae majëhinövo'irodego.

1 Corinthians 16:9

Ëhesi bëhoho nasi öroho jiovehë'eje naro aviae hiromo i'o mu'e vae'irodego. Röhu ae aho'obëhe nasi muoho aho'ië'ö. Ëhuni hiromo muebe'ejo.

1 Corinthians 9:12

Jemesi ekaresia muebejëvarue a ioro'iorehu jemesi örire mana bae'i uehorovë'oho maeje jabumëro jemë bisemu ajëmijë'ego. Röhu no jemë böröme ajëmijë'e javuë'ëro ëhuni no biririvoromo uvo'ejo: No mana baejë'oho iae mae höjo. Röhu nosi nimoromo manaho bogo bae'i a'i no biririvoromo huë vavaene bövie bise'e baejë'e javue aëro uvojöëni: Paul-mëro nosi monioho bae'i nimoromo ekaresiaho muebejavuaje höromo Keriso-are jö maho bogo eruomojöëni.

1 Corinthians 9:14

O Keriso-are mu vaejarue aribövioho ëhi gemuoho ë'arueje. Badaro uövuë'eje hesi jö majëhijarue aribövioho noro mana baeromo raromo jijihonövoröhego.

1 Corinthians 9:16

Naehu Keriso-are jö ma a majëhijë'oho nimorohë'i jövo'irode bëhoho bogoje God-ro ë muoho bojemijë'ego. Hesi jö bogo majëhijë'oho na i'ue bae'ejo.

2 Corinthians 10:14

No jemë bogo baejëvë'e javuo'ibejo noehu jemë ajëmijaruohuni nimoroharuoho God-hu bamahuade ënoho iosirami'ibejo. Röhu bogo iosiramijë'e javue. Ëhesi bëhoho Keriso-are jöho noro aevo'ioho ö'oromo majëhijareje. Ëhuni no nimoroharuoho iae maeje.

2 Corinthians 11:4

Naehu ëhi juhuonivaje hesi bëhoho ae göehu ö'oromo Iesuare jö noehu majëhijaroho huotohuotovoromo majëhijego jemë bogo bijönimo'i ëho mabëhe ë'oromo ejarujeje. O God-are Aru'aho baejarijëhioho bogo ëhioho rue'i hesi aru'aho göëro ö'ego bogo bijönimarujeje. O jemë jö mae hejarijëhioho ae göëro bogo ëhioho majëhi'i hesi jöe gö majëhijego jemë ëhu'o bogo bijönimo'i ëho mabëhe ë'oromo ejarujeje. Jabesi sareri'e jö ejëharujohuni ëhuni nasi jöhu'o nadi bijönimo'i a'i ma-taemorovoromo here.

2 Corinthians 11:7

O nani aveho uvarujeje sisë höjo. Naro manaho bogo baejë'e God-are jö maho jemesi örire ëma majëhiromo ëhuro nasi ihoho ba'obuejë'e jeve ëhuro jemesi ihoho nigemë'e jioröhego.

2 Corinthians 4:3

Keriso-are jö maho noro iae sama'e majëhijarueje röhu ë jö hesi bëhi tugohëhë'oho sisëre va'iröhe aribövi jabesi örohemu tugohëhë'eje.

2 Corinthians 4:4

Ëhesi bëhoho Keriso bogo ma uehorovarue aribövioho ave sa'a hesi börömohuro jabesi uehoroho tugohëhë'eje jö ma hesi ajohuro ajivëvego Keriso-are ajoho garuomojöëni Keriso hu God jiajëhi ëhi jië'ego.

2 Corinthians 8:18

Röhu Titus'o gemu mae va'iröhego nosi ö göho nugö'öjö. Ëahuro God-are jö maho ma-mae majëhibe juvajeje. Ëhuni ekaresiae dinö'e dinö'e jio'amajohuro hesi örire rajahiruomajeje.

2 Corinthians 9:13

Jemëro ëhi ajëmi'iramu jaburo jemesi suvuoroho ujuohoromo ga'ë'ö jemë uhohu'o mae jëvo'iramu. Ëhi gëromo uvoruomo'ë'e: O Corinth amo rajohuro Keriso-are jö maho bogo ma-jö'ëremuoho ejaho'i dë vövöbajo'o uhohu'o ejaharue höjo. Ejahoromo huë baeromo öve sasohoromo suvuoroho nosi örire i'imamuiromo ae aho'o jabesi örire i'imëmijarue höjo. Jemesi jöho ëhi uvoromo God-are ihoho döro bamoruomo'ë'e.

Colossians 4:3

God-are öroro jöho atoromo röhu nosi jöëni ëninamirego huro nosi öroho jiovahuo'iro no Keriso-are jö subivahuadoho ae huruoho majëhi'iröhe. Ëjö majëhijajohuni ëhuni aëro savoji gagore ba'amevë'ëro hijajeje.

1 Thessalonians 3:2

Timothy nugö'öjego huro va'oromo Thessalonica amo rajoho gëromo jöho heromo ro majahuego heröhe höjo. Timothy hu nosi Christian öëro jië'ëro no'o bimuvoromo God-are muoho vaeromo Keriso-are jö maho majëhibe juvaje jië'ego ëhuni noro Timothy nugö'öjareje ö'oromo jemë ajëmego jemëro biririvoromo Keriso avo'avoho uehorovo'irarijego.