1 Peter 3:10 - Ömie: God-are Jögoru Iꞌoho

¹⁰ Jemëhu ëhi ömo'irarijoho God-are surire uvë'eje: Ae rahu mae hi'ië'iroho sine sasohoromo juvo'ië'iroho bitare taemoromo jö sisëho nadi bu'önëjo. Jö'e tugohoromo nadi jöho ruëroho numëroho ma-jövonëjo.

1 Peter 3:10 ပူးပေါင်းရင်းမြစ်များ

Matthew 19:17

Maroho hi'ejöjamu uavadeje: Mu ma vae'irane jöho ja rabëni nasi öriroho ue gevanuëjo. God gemu a maho höjo. Röhu mare hi'i nagë'oho hesi jögoroho ejahonövonëjo.

Mark 8:35

Ja jasi sinohuni uehorovoromo biririvoromo ave sa'are hi'i ëhemu uehorovë'oho ijonöho guomo öriro va'a'anuëjo. O ja nasi jöëni o nasi jö ma hesi jöëni guomë'oho ijonöho maro hi'a'anuëjo.

John 1:47

Ëhi'amu Iesuro gavade Nathanael rovamu gagorovo ae uëvadeje: Arueho gahëjo. Israel rajo a ma-maëro rovajëjo. Hesi uhuroho sareri'e jöho bogohöjo.

John 12:25

Ae rahu jabesi sinohemu uehorovë'oho ijumorovarue höjo. O ave sa'are raromoromo sinehu nimaje mu bogo uehorovë'oho ëhuro ioro'iore gemu raromo'aruëjo.

James 1:26

Röhu ae göëro göëro uvarueje: No God mae uehorovoromo hesi muoho ma'enarue hö uvo'i röhu bitaroho bogo taemë'e atarueje. Ëhi ë'aruoho jabumë ma-sareramirovoromo uvarueje: No mu mae vaejarue hö uvoromo ma-döhemu God uehorovoromo hesi muoho vaejarueje.

1 Peter 2:1

Jemë i'e rahëvanovë'e aribövie jëvë'e jiaje ëhuni mu sisëho aho'obëhe vuonugore. Sareri sareri'e muoho döëremu mae vaejaruje muoho vuonugore. A jabesi mu mahuni dë vörönëgajoho vuonugore. Jö sisëho vuonugore.

1 Peter 2:22

Hu mu sisëho bogo vaejadeje. Sareri'e jöho bogo jövadeje.

Revelation 14:5

Jabumë bogo sareri jöho atamu aho he'irögoro jabumë ma-maemu jëve.