1 John 2:14 - Ömie: God-are Jögoru Iꞌoho

¹⁴ Nasi aboji harihu'e jemë Vavuoho gavë'e jëvo'ego ëhuni na jemesi örire jajive. A duvahohumë jemë aevo'i jiobe rovade aho gavë'e jëvo'ego ëhuni na jemesi örire jajive. A i'ohumë jemë biririvoromo God-are jöhuremu jemesi dë vövöbajo'ere uehorovoromo A Sisëho ruahö'öjë'e jëvo'ego ëhuni na jemesi örire jajive.

1 John 2:14 ပူးပေါင်းရင်းမြစ်များ

John 15:7

Röhu jemë na'o gemuore bimuvoromo raromë'oho o nasi jö jemesi dë vövöbajo'ere jië'oho ëhuro jemë rabe rabe God ua ga'i nëgë'oho uarëjo. Ua gavë'oho iae bae'a'arujëjo.

John 5:38

Hesi jöho jemesi dë vövöbajo'eroho bogo'e höjo rabëni huhu remö'öjamu rovode aho na bogo ma uehorovevarujëro jëvë'ëro.

John 8:31

Jew rajo ioro'iorohuro Iesuare jöho mae uehorovamu gagorovo uëvadeje: Jemë nasi jö ejehonövë'oho nasi ijorajo mae jëvo'ajëjo.

John 8:37

Iae na garomo uvajëjo: Jemë Abraham-are a uje jëvajëjo. Röhu nasi jöho bijönëgo'ego ëhuni anego'ië'arujëjo.

Ephesians 6:10

Röhu aveho ijo tugoho'i jöho majëhi'ië'e. Bada'o gemu mae jioromo hesi darugo maho baeromo biririvore.

Philippians 4:13

Keriso biriri bojemaje ahuro ajemijë'ëro ëhuro mae o sisë rovë'oho na biririvoromo nami'irodoho eni jeve.

Colossians 1:11

Röhu God-hu aji mare hiromo bojamuijaje biriroho ëho jemëro bövi mae bae avohoromo ëhuro huë mae huë sisë rabe rovego nimorohë'i biririvoromo mae riravo'irarijego.

Colossians 3:16

Röhu Keriso-are jöho mabëhe jiaje ë jöhuremu uehorovore. Ëjöho uehorovoromo simano mae bae avohoromo öroho röjahirovoromo jögore mamirovore. Ëhi'oromo uvore: God-ro mae vaejavuajë uvë'i Psalms surire jajivare jöho God rajahi'iröhe jöho Aru'ahehu bojëmaje jöe gö gö iore.

2 Timothy 2:1

Röhu nasi harihe no Iesu Keriso'o gemuoro bimuvavuë'ego God-ro hesi nimoromo huë baejavuoromo biriroho bojamuijë'e jiaje jero ë biriroho baeromo muoho vaenövone.

Hebrews 8:10

Röhu Badaro uvajëjo: Ëmajaho barë'iramu aviëhi jië'e jögoroho Israel rajoho mëmi'ejöjo. Naehu nimaje ëhi ëhi ë'onövo'iröhe jöho jabesi simanore ba'amëho'iramu uehorovoruomo'ajëjo. Jabesi dë vövöbajo'ere jajivëho'iramu ejehoruomo'ajëjo. Ëhi'o'iramu jabumë muebejëvo'irode börömoho jevo'ajëjo. Jabumë nasi aribövi mae jioruomo'ajëjo.

1 John 1:1

Ni'i'ivadiroho ae gemu jië'e jiadeje. Jiadoho iae ëhi ma-jiemu jiobe rovë'eje. Noro ë a hesi jöho heromo hu nosi nunëro garomo muebe'i ariromo hesi dajoho nosi övëro rëhë'ëro javuë'ëro ë a hesi jöho jajivo'ië'ö. Hu God-are Jö jumuvë'e i'ovavuaje daruge bojamuijaje aeje.

1 John 1:10

O no uvë'oho: No bogo sisëho vaejë'e javuajë uvë'oho ëho noro uvoromo ë'arueje: God-hu uövuajoho: Jemë mu sisë vaejaruje hö uövuajoho hu ma-sareramuiromo ë jöho jövaje höjo. No ëhi uvë'oho God-are jöho nosi dë vövöbajo'eroho bogojiajeje.

1 John 2:13

A duvahohumë jemë aevo'i jiobe rovade aho gavë'e jëvo'ego ëhuni na jemesi örire jajive. A i'ohumë jemëro A Sisëho ruahö'öjë'e jëvo'ego ëhuni na jemesi örire jajive.

3 John 1:3

Ëhesi bëhoho Christian ö mueno'ëro rueromo uevareje: Gaius hu God-are jö mahemu ejahaje hö uevamu heromo nimoroho avohodeje. Ëho iae maeje. Majae ëhi ja God-are jö maho ejahë'e raromanueje.

Revelation 2:3

U'urume vaejë'e jëvajëjo. Nasi jöëni vavaeni böröme baejë'e jëvajëjo röhu bogo u'uvëvë'e höjo.

Revelation 2:7

Ae rahu ja God-are jö hejanue ae javë'oho nasi Aru'ahehu ekaresia majëhibe rovaje jöho heromo avoho uehorovonëjo. Ae rahu biririvoromo mu sisë ruahö'öjamu gavë'oho Iesu naro ja ua'ejöjo a i'ovëvo'iröhe ije God-are mure namijaje hesi bajoho i'iranego. Ahia mino'ëjo.