1 Corinthians 16:12 - Ömie: God-are Jögoru Iꞌoho

¹² Röhu nosi öe Apollos-are jöho gare. Na Apollos dinamiromo uavodeje: Christian ö ömo'ömo ioro'iorehu Corinth amore va'ë'iroho ja'o va'onëjo. Ëhi uavodeje röhu avevejö'e jemesirire ö'iröhoho hu bogo mae bogo nimadeje. Röhu garöhe majaho eni jio'iramu gagorovo evare ö'ë'e.

1 Corinthians 16:12 ပူးပေါင်းရင်းမြစ်များ

Mark 6:21

Ëhi'oromo John anojöëni magonahoho ahobe ruejuvo Herod rahade majaho rovamu evare magonahehu vae'i nimade majaho rovadeje. Ëhesi bëhoho Herod-ro söröe baeromo hu ajamiromo ë sa'a muebejarue aribövioho muorovo mu muebejarue aribövioho a masijo ioro'iore Galilee sa'are raromaruoho ë a masijoho uëvadeje: Ruehego na söröe bojëmi'iröjo. Bojëmi'iröjamu rueruomadeje.

Acts 15:34

[A'i Silas-ro ëhi hi'i uvadeje.]

Acts 18:24

Ëhi'amu iae Jew raje ae gemu hesi ihoho Apollos-ro Ephesus amore rovadeje. Hu Alexandria amore rahade ae jö'e sasohoromo jöe jövaje ae God-are surire jöho ga avohë'e ae jiadeje.

Acts 19:1

Apollos-ro Corinth amore hijamu evare majae gemuore Paul-ro sa'a ririre va'adoho va'o Ephesus amore höröromo ë hijadeje. Hiromo Keriso-are aribövi ioro'ioroho birohëvadeje.

Acts 24:25

Hejamu Paul-ro mu maemu vaeröhe jöho ma-taemo raromo'iröhe jöho u'emu God-are nunire riravoröhe jöho ëhi jië'e jöho jövobe va'amu Felix-ro heromo juhuonivadeje. Juhuonivoromo Paul uavadeje: Va'ëjo. Majae eni jevo'iramu jöe nugö'ö'ejöjo jero sionëro ruejöro.

1 Corinthians 1:12

Ëhi ë'arujoho na uë'ië'e. Jemë ae göëro göëro jöe gö gö atarujeje. Ae göëro uvanueje: Paul börömego na hesi ijore ijore juvaje ae jevajëjo. Ae göëro uvanueje: Paul bogajo. A'i Apollos börömego na hesi ijore ijore juvaje ae jevajëjo. Ae göëro uvanueje: Apollos bogajo. A'i Peter börömego na hesi ijore ijore juvaje ae jevajëjo. Ae göëro uvanueje: Keriso börömego na hesi ijore ijore juvaje ae jevajëjo. Jemë bogo ëhioho ë'aruje höjo. Jemëro ëhi atarujeje.

1 Corinthians 3:22

Paul na Apollos Peter ëho no jemë ajëmi'iröhe aho javue. Sa'ae bövie bise'e ëhu'o jemë ajëmi'iröhoho jio'ame. Jemë biririvoromo raromë'oho o vuovëvë'oho ë bövioho bise'oho ëhu'o jemë ajëmi'iröhoho jio'ame. Rabe rabe avevejö'e jio'amajoho ijonö jio'amo'iröhoho ëhu'o jemë ajëmi'iröhoho jio'ame.

1 Corinthians 3:5

Röhu Apollos-are muoho diehi jio'i Paul nasi muoho diehije. No bogo a masijehu javuo'i no God-hu bojamuade muohemu vaejarue ae javue. Hesi muoho vaeromo jöho majëhijamu jemëro aevoromo Keriso mae uehorovarijeje. No ëhi jië'e ae javue. Badahu ae gö gö mue gö gö bojamuibe rovadoho ëho no vaejarueje.

Titus 3:13

Zenas jögoru gavaje ahu'o Apollos'o avoho gëromo ie bövie bise'e ajëmijego huë mae va'iro.

Titus 3:4

A'i avevejö'oho God manö bamavuaje ahuro huë baeromo ajamuijamu no gavë'e javue.