1 Corinthians 1:22 - Ömie: God-are Jögoru Iꞌoho

²² Jew rajo ariböviohuro uvoruomajeje: Darugo'e muoho röjahuijego garomo uvo'irarëjo: God-are muoho rovë'e höjo. O Greece rajo ariböviohuro uvoruomajeje: Ave sa'a hesi simano ma'e jöhuremu he'i naguajëjo.

1 Corinthians 1:22 ပူးပေါင်းရင်းမြစ်များ

Mark 8:11

Ëhi'amu iae Pharisee ariböviohuro rueromo Iesu jö aho'ahamijareje. Jö aho'ahamiromo Iesu bijioho ga'i nimareje ga'i hu guaro beva'ego. Ëhi nimoromo Iesu uavareje: God-are darugoho baeromo bogo gavarue muoho röjahuijego no gavarëjo huro ja ajamego muoho vaejanue javego o bogo.

Luke 11:16

A ioro'iorohuro nimareje Iesuare darugoho ga'i diehi jië'e jiego. Ëhi nimoromo uavareje: Bogo gavarue darugo'e muoho röjahuijego no gavarëjo God-ro ja ajamego o bogo ajamego.

Luke 11:20

A'i naro God-are darugoho baeromo rarovo'amaje höjo. Ëhuni uvorëjo: God-ro aevoromo böröme namiromo nosi örire muebejavuajëro jië'ëro ëhu'ëro ë'ajëjo.

John 2:18

Röhu Jew rajo a masijohuro gavare Iesu ëhi'amu uavareje: Rabëni ëhioho ë'anuëjo. Bogo gavarue darugo'e muoho röjahuijego no garomo uvarëjo: God-ro uavë'ëro ë'anuëjo.

John 4:28

Ëhi'amu magonahohuro ri'öromo jovo'e hevöho ë nugo'i amëro va'adeje. Va'oromo ae uëvadeje:

John 4:48

Mae jio'irajamu Iesuro uavadeje: Na jemë nasi darugo'e mu masijoho garomo mae uehorovevo'i ëhuni na bogo maho uehorovevaruje höjo.