1 Corinthians 1:19 - Ömie: God-are Jögoru Iꞌoho19 God-are surire jajivoromo ëhi uvë'eje: Aëro ave sa'a hesi uehorohemu baeromo ëho simano ma'e jöe hö uvoruomaje höjo. Röhu God naro ë jöho mu'u'ejöjo. Noro nuni aji'e jöho baejë'e javuajë uvoruomaje höjo. Röhu naro ëho rori'o babu'ö'ejöjo. အခန်းကိုကြည့်ပါ။ |
Nosi ihoho sa'aro jië'ëro aëro nosi jöho uehorovoromo ëma uvoruomajeje: Paul-mëro Keriso mae uehorovo'ego ëhuro simano rumo'e aribövie jëvajëjo. Röhu jemëro jemesi jöho ëma uvarujeje: Keriso'o gemuore javuë'ëro Corinth rajoho nomë simano mabëhe javuajëjo. Aëro apostle nosi jöho ëma uvoruomajeje: Paul-mesi muoho darugo rumo'e höjo. Röhu jemëro jemesi jöho ëma uvarujeje: Corinth rajo nosi muoho darugo ma'e höjo. Jemëro uvarujeje: Nosi ihoho dö mare höjo. Röhu apostle nosi ihoho sa'aroje.
Nasi ö mueno'e ë jöho naro jemë majëhiromo ae gö jabesi jöhu'o majëhiromo Apollos-mu nosi ihore jajivodeje röjëhijego jemëro garomo ave jögoru hesi bëhoho avoho uehorovo'irarijego. Jögoroho ëhi uvë'eje: Nadi aruëroho anumëroho jijiho'i God-are surire jöhuremu ëhuremu uehorovobe jijihorëjo. Ëjögoru hesi bëhoho avoho uehorovoromo nadi jemesi sivuoho uehorovoromo döroho bamorovoromo nimorohë'ioho uvore: Ëa masijoho ëho nego'i ëho bijönegajëjo.