Taitus 3:8 - Aria New Testament

⁸ Pelengon ane lokono lokono. Ngawaiki amwai pelengon dagar ke osep ka pula keniye ka aitno lisak dagar ke Ida Tapolngon. Amwai ke isak ma aling aling tidue elio itau vala. Tidue elio isuk isuk ka itau ma tilua osep pula ine.

Taitus 3:8 ပူးပေါင်းရင်းမြစ်များ

Matyu 20:4

E iye wai ke isak langane. ‘Umu blang umala umoboko ke lou yage e ma ngakli umu ke klingen itau.’

Jon 12:44

Deka Yesus daiku langane. “Langka gute aitno dagar ke ngong deka aitno dagar ke ngong vala kovok. Aurou. Aitno dagar ke Ida Tapolngon ka pagei ngong ngame blang.

Jon 5:24

“Ngawai lokono ke umu langane. Gute sei ka klingen lou pelengon e aitno la dagar ke Ida Tapolngon ka pagei ngong ngame iye due mosongon ka dong vala dong e Ida Tapolngon ma wade iye kovok. Aurou. Iye mole metengen kodong e due mosongon ka dong vala dong.

Aposel 12:15

Osep tonari tikoli tiwai ke iye langane. “Ai wom kaka lokono.” Deka Roda dau dagar iye ke ila pelengon deka osep tikoli tiwai ke iye langane. “Aurou. Wan ka amvati iye Pita ila ensel vala.”

Pas ka Pol sogoe uti la ke osep Rom ina 4:5

E langka aitno lite dagar ke Ida Tapolngon vala ma iye due ite itopolou itau e osuk ke bitna. Iye lua ite langane lama oglou udo elio soulu lokono.

2 Korin 4:13

Oglou gute napaprangan ina sogo Ida Tapolngon ila pelengon ka wai langane. “Aitno lungong dagar ke Ida Tapolngon ila pelengon e ke batne langane nganapapra ine.” E imi blang aitno limi dagar ke Yesus deka imanapapra ine.

Efesus 4:28

Umu ka oglou umapanako wan bitna bitna umodue elio langane sakam. Umoboko vala ma lumu wan bitna bitna tipolou e tidong. Kesua gute ka boko deka ila wan polou ma karanga tuk ila wan ma leklou la ke osep ka urok wan isuk boto vala.

1 Timoti 1:15

Pelengon ane lokono. Krais Yesus me ke taklak ma iye lua osep epmes ina. E ma iteklingen ine e ma aitno lite la dagar ine. Deka aitno lungong kro lokono kesua ngong tona ngadue elio epmes ina pula e ngadong langka gute ka mgo ke osep epmes ina.

1 Timoti 2:8

Deka ngawaiki ma Ida Tapolngon ila osep ka tidong ke armok ka pula keniye ma tikar aitno lisak ke Ida Tapolngon lokono. E tidong itau lokono e ma tiwai itau ke Ida Tapolngon. E ngawaiki tisongon elio ka aitno lisak nevlik e amnga ke osep.

1 Timoti 5:10

E isak langka apmang ka osep tile isak tidue elio itau vala. Ngawai ke elio itau langka tiplau titorok itau e tikar ngangon ke osep kaulei e tidong moli e tilua osep Kristen leklou. E tilua osep ka agegeng polou ke isak e tidue bokongon bitna bitna blang ka itau. Ma omsogo apmang ka langane angainsak.

2 Timoti 1:12

Ngadue bokongon tonari deka ke batne langane osep tidue agegeng ke ngong. E ngong mnak ngong ke bokongon tonari kovok. Kesua ngaile omur ke Ida Luangan ka aitno lungong dagar ke iye. Ngaile omur iye ma plau ila pelengon ka iye kare ke ngong itau lokono la lama iding ke oklou ka wan ka pula keniye yagos.

Taitus 1:9

Iye kis Ida Tapolngon ila pelengon ka lokono ka oglou osep tiparere iye ine dagar. Iye due langane deka iye karanga parere osep ke pelengon lokono ma osep aitno lisak dagar ine. E iye karanga wai dagar ke osep ka tiwaiki tituk pelengon tonari ma tile omur urok pelengon yakngan vala.

Taitus 2:14

Yesus Krais mete e kasip amunte. Iye kli udo elio epmes ina e klok udo elio epmes ina la kesua iye waiki itopolou ila osep ka itau lokono. Deka itodong itau lokono sep ila sorip. E aitno lite itau lokono ma itodue elio itau vala.

Taitus 2:7

Deka Taitus ke wan ka pula keniye ka omdue ma omdue elio itau ine vala ma osep tivati lem elio isuk isuk itau e tikanae. Alo ka amparere osep amwai osuk vala e omdue anit ke Ida Tapolngon ila pelengon.

Taitus 3:1

Omsruk osep aitno lisak ma tidong moli ke osep ka tivri mgo ke omur omur e ke osep gavman ina e tididi urok pelengon. E tidong redi ma tidue bokongon bitna bitna ka itau.

Taitus 3:14

Nga-waiki aling aling Ida Tapolngon ila osep tidue elio itau. Elio langka tilua osep ka urok wan isuk boto vala. Ma tidong adai e tidue wan ulik ulik kovok.

Filemon 1:11

Ke oglou ila bokongon lua wom kovok kesua iye boko ulik ulik e boko itau kovok. E oku ane iye boko itau e ila bokongon lua ngong e iye karanga lua wom blang.

Hibru 10:24

E ma aitno lite mter ke elio ka ma itakaranga itosruk aitno lite ma ite lana ite pulu e itodue elio itau pulu.

1 Pita 1:21

Deka aitno lumu dagar ke Ida Tapolngon batne ke Krais. Oglou alo ka Krais mete Ida Tapolngon due poga tito ke ina denga deka iye kakai Krais tito la egim. Iye due langane deka aitno lumu dagar ke Krais e umapara ma iye didi ila pelengon ka iye wai ine kodong.