Taitus 3:7 - Aria New Testament

⁷ Ida Tapolngon makai ite e due ite itopolou itau lokono ke bitna. Ke elio langane iye rere ite ma itodong ke udo mosongon ka oku ina aling aling. E itodong itapara ke udo mosongon ka dong vala dong.

Taitus 3:7 ပူးပေါင်းရင်းမြစ်များ

Matyu 25:34

Deka ma gute ka vri mgo ke omur are wai ke osep ka tidong ke galna odung langane. ‘Umu osep ka Livou due aitno lumu itau itau umomo e umodue omur ka Ida Tapolngon rere ke umu alo ka iye tapol wan ka pula keniye.

Mak 10:17

Alo ka Yesus nogrum la ke ila langan gute gesa suong me polou ke iye e grum kamla ke bitna deka wai langane. “Wom gute parerengen ina ka itau ma ngadue sua deka ngadue mosongon ka dong vala dong?”

Pas ka Pol sogoe uti la ke osep Rom ina 11:6

Iye makai isak e rere isak ila osep. E aitno la ke bokongon ka tidue deka iye rere isak ila osep kovok. Aurou. Langka tidue bokongon gesa deka Ida Tapolngon rere isak ila osep elio langane didi osep aitno lisak e didi Ida Tapolngon ila makaingan kovok.

Pas ka Pol sogoe uti la ke osep Rom ina 3:24

Lama osep ka pula keniye tidong itau kovok Ida Tapolngon dau didi aitno e makai itosep ke Yesus Krais ka kli udo elio epmes ina. Iye kli udo elio epmes ina ma itopolou itau e osuk ke bitna. Ida Tapolngon soro ila makaingan ke itosep langka presen.

Pas ka Pol sogoe uti la ke osep Rom ina 3:28

Eknikane iteile omur osep ka tididi Moses ila sogongon vala ma tipolou itau e osuk ke Ida Tapolngon bitna kovok. E osep ka aitno lisak dagar ke Yesus vala ma Ida Tapolngon due isak tipolou itau e osuk ke bitna.

Pas ka Pol sogoe uti la ke osep Rom ina 4:16

Lama tididi pelengon dagar kovok Ida Tapolngon dau due elio itau ke isak kesua aitno lisak dagar ke iye. Ma iye vati isak eriar langka isak Abraham ila napakngan leklou. Kesua aitno lisak dagar ke iye eriar langka oglou Abraham aitno dagar ke iye. E osep ka pula keniye ka aitno lisak dagar ke Ida Tapolngon pmarak Abraham. Kesua aitno lisak dagar ke Ida Tapolngon vala.

Pas ka Pol sogoe uti la ke osep Rom ina 4:4

E silang langane. Langka itosep itoboko ke gute gesa ila bokongon ma iye kli ite ine. Iye kli ite ine kesua udo bokongon ina klingen munu pes iye. E klingen tonari ka iye kli ite ine mani adai kovok. Aurou. Klingen tonari udo wan kesua itoboko ke gute tonari ila bokongon.

Pas ka Pol sogoe uti la ke osep Rom ina 8:17

E ma Ida Tapolngon kere ite ka titno langka iye kere Krais. Ila kerengen ka la ke Krais kodong ma me ke ite ka titno blang. E silang blang langane. Langka oglou agegeng polou ke Krais agegeng ma polou ke ite blang. E silang blang langane. Eriar langka Ida Tapolngon kakai Yesus ma iye kakai ite kap iye blang.

1 Korin 6:11

Ke oglou umu leklou umodong langka osep tonari. E Ida Tapolngon ris umu kodong e rere umu ila osep lokono. Deka ke Ida Puda Yesus Krais angaine e ke Ida Tapolngon Ano Itau iye due umu umopolou itau e osuk ke bitna.

Galesia 2:16

Iteile Ida Tapolngon aitno mter ke gute ka didi Moses ila sogongon e ke batne langane iye sir iye gute itau kovok. Aurou. Gute ka aitno dagar ke Krais Yesus vala Ida Tapolngon sir iye gute itau. Ite blang aitno lite dagar ke Krais Yesus kesua iteile ekreng ane ekreng kene vala ma Ida Tapolngon sir ite osep itau. E ke ekreng ka itedidi Moses ila sogongon kovok. Kesua gute gesa karanga didi Moses ila sogongon e Ida Tapolngon sir iye gute itau kovok. Aurou.

Galesia 3:29

E langka umodong ke Krais ila osua umodong langka Abraham titno blang. E ma umodue wan ka oglou Ida Tapolngon wai dagar ine ke Abraham deka iye kare ke Abraham.

Galesia 4:7

E eknikane itodong langka wokboi nating kovok. Aurou. Ida Tapolngon due ite itopolou titno. Itodong Ida Tapolngon titno deka iteile ma itodue Pmada ila wan ka pula keniye.

2 Tesalonaika 2:16

Ida Puda Yesus Krais iye tona kap Ida Tapolngon ka Pmada isak lana isak ke ite e timakai ite. E tisruk aitno lite ma itodong dagar e itodong itapara ke alo ka Ida Tapolngon ma due ite itodong itau kap iye.

Taitus 1:2

Ngaboko ma ngalua aitno lisak ila dagar ma aitno lisak mter ke urok mosongon ka dong vala dong alo ka itodong kap Ida Tapolngon. Oglou oglou ari alo ka Ida Tapolngon dau tapol wan gesa kovok iye wai dagar ma iye kar mosongon tonari ke ite. E iteile iye yakyak kovok.

Taitus 2:11

Iteile Ida Tapolngon due ila makaingan polou malak kodong. Ke ila makaingan iye karanga lua ite ka pula keniye ke udo elio epmes ina.

Taitus 2:13

E aitno lite dagar ke Ida Tapolngon e itapara ke oklou ka ite ma itavati iye e itapara ke Ida Luangan Krais Yesus ka iye itau lokono. Ma iye polou malak lokono deka itavati iye kap ila bublongon e ila arit.

Hibru 1:14

E langane. Ida Tapolngon ila ensel isak ansak ka tidue ila bokongon. Iye pagei isak ma tilua osep ka Ida Tapolngon waiki lua isak ke urok elio epmes ina.

Hibru 11:7

Noa aitno dagar ke Ida Tapol-ngon e Ida Tapolngon palongo iye ke wan ka mase ma polou ka iye ile ine kovok. Ida Tapolngon wai deka Noa due anit ke iye e uri sip ombatno ma iye kap ila osua tidong itau ine. Noa aitno dagar deka ila elio tonari nis osep ka tidong ke taklak urok elio soulu. E Noa polou itau e osuk ke Ida Tapolngon bitna langka osep leklou ka aitno lisak dagar ke iye.

Hibru 11:9

Aitno dagar ke Ida Tapolngon deka iye la dong ke omur ka Ida Tapolngon wai ine. E iye dong ke omur tonari langka gute kaulei e dong ke ninu molo ina. E otno Aisak e bumno Jekop ka Ida Tapolngon wai dagar ma iye kar isak eklu omur tonari tidong kap iye.

Hibru 6:17

Ida Tapolngon waiki ma Abraham ila napakngan tile omur ila pelengon dagar a segesege kovok. Deka iye wai promis e sir iye tona angaine.

Jems 2:5

Sipmi. Umoklingen lou pele-ngon ane. Ida Tapolngon rere osep ka urok wan isuk boto vala ke taklak ane ma aitno lisak ila dagar dong dagar lokono ke iye. E iye rere isak ma mase tidong ke omur ka iye plaue ka iye wai promis ine ke osep ka isak lana isak ke iye.

1 Pita 3:7

E umu arang aitno lumu mter itau ke lumu sasap. Umodong kap isak e aitno lumu mter urok arit eriar langka lumu arit kovok. Deka umodue anit ke isak kesua Ida Tapolngon kar umorwo mosongon ka itau. Umodue langane deka alo ka umawai itau ke Ida Tapolngon ma iye klingen lumu pelengon.