Taitus 3:6 - Aria New Testament

⁶ Ida Tapolngon tuktuk Ano Itau karanga ke ite kente kente kesua batne ke Ida Luangan Yesus Krais.

Taitus 3:6 ပူးပေါင်းရင်းမြစ်များ

Jon 1:16

Makaingan pula lokono dong ke iye e aling aling iye due elio itau lokono ke ite ka pula keniye.

Jon 16:7

E ngawai lokono ke umu langane. Ngala e are itau ke umu kesua langka ngala kovok ma Luangan silang me ke umu kovok. E oku ane alo ka ngala ma ngapagei iye ke umu.

Jon 4:10

E Yesus koli wai langane. “Langka emile presen ka Ida Tapolngon waiki kare ke wom e langka emile gute sei iye wai ke wom ma amkar iye aki deka amkaranga empmi iye e ma iye kar aki ka mosongon ina ke wom.”

Jon 7:37

Oklou ka rogo omba yagos ine iye oklou omba ke rogo tonari. E Yesus vri e wai omba langane. “Langka aki vel gute ma iye me ke ngong e inim.

Aposel 10:45

Osep Yuda ina ka aitno lisak dagar ke Yesus ka time kap Pita tivati Ano Itau sep ke osep tonari aitno lisak deka tidigrik ine e tiwai langane. “Ida Tapolngon kar Ano Itau ke osep ane ka isak osep Yuda ina kovok blang.”

Aposel 2:33

Mase Ida Tapolngon due bauluk tito la ke omur heven deka iye dong ke limla odung. Deka iye didi ila promis ka oglou iye wai e kar Ano Itau ke Yesus. E eknikane elio ka umoklingen ine e umavati ina poloungon batne ke Yesus.”

Pas ka Pol sogoe uti la ke osep Rom ina 2:4

Ida Tapolngon dong para ke umu e iye waiki due mada ke umu. Dau tauni kodong iye dong e makai umu e lokono koli lumu elio soulu kovok. Aurou. Iye dong para ke umu vala. Kesua iye waiki aitno lumu mter ila makaingan ma umabauluk aitno lumu ke lumu elio epmes ina. Lama dau tauni iye makai umu kodong aitno lumu mter ila makaingan langka wan adai vala e umodue elio soulu vala.

Pas ka Pol sogoe uti la ke osep Rom ina 5:5

Deka elio ka itapara ke alo ka itodong kap iye ma la adai kovok. Aurou. Ma elio tonari polou lokono vala deka ma itodong itau kap iye. Kesua iye nis ite kodong iye lana iye ke ite alo ka iye tuktuk Ano Itau karanga ke ite kente kente.

Pas ka Pol sogoe uti la ke osep Rom ina 8:2

Eknikane Ida Tapolngon Ano Itau plau ite kesua iteneklep ke Krais Yesus kodong. Iye plau ite e elio epmes ina e metengen karanga kis ite ma tiplau ite blang kovok.

Efesus 3:8

E angain ngong omba kovok. Aurou. Ida Tapolngon ila osep keniye angainsak timole angain ngong. Lama langane Ida Tapolngon kere ngong ke ila makaingan. E ngapaur Ida Tapolngon ila omon itau ke umu ka osep Yuda ina kovok. Omon tonari palongo udo ke wan keniye ka itau lokono ka Krais kare ke ite e itakaranga iteile aikovoli ine kovok.

Efesus 4:2

E umakakai angainmu kovok. Umodue elio molil molil e aitno lumu epen. Langka osep leklou tidue elio soulu ka sruk aitno lumu io aitno lumu nevlik ine kovok. Aitno lumu tidong epen vala ma lumu elio itau nis osep langane. Umu lana umu ke isak.

1 Timoti 6:17

Ma amwai dagar ke osep ka urok mani pula ke taklak ane ma tikaranga tikakai angainsak kovok. Ma aitno lisak la ke wan ka paide okus langka mani kovok. E ma aitno lisak dagar lokono ke Ida Tapolngon. Kesua iye kar ite wan bitna bitna pula ka due aitno lite neser.

Taitus 1:4

E Taitus ngasogo pas ane uti ke wom. Aitno lite ila dagar eriar e ompolou langka erigu gesa. Nga-waiki Ida Tapolngon ka Pmada kap Ida Luangan Krais Yesus timakai wom e tidue aitno lugom dong epen.