Taitus 3:5 - Aria New Testament

⁵ Deka iye lua ite ke udo elio epmes ina. E aitno mter ke elio itau ka itodue e iye lua ite ke udo elio epmes ina kovok. Aurou. Iye tona aitno due ite deka iye lua ite ke udo elio epmes ina. Iye langka ris ite deka itopolou langka mimi edimor. Deka Ano Itau kar ite udo mosongon ka oku ina.

Taitus 3:5 ပူးပေါင်းရင်းမြစ်များ

Matyu 3:11

“E ngapaunim umu ke aki ka nisngen ke elio ka umabauluk aitno lumu ke lumu elio epmes ina. E mase gute ka ila arit mole lou arit ma me e lou elio itau ma ngakaranga ngakalke ila su kovok. Ma iye paunim umu ke Ano Itau e ke eiou.

Luk 1:50

E aitno due osep ka tidue anit ke iye e elio ka aitno due osep pakes duru ke osep ka pula keniye.

Luk 1:54

Bitna sisir osep Israel ina ka isak ila osep bokongon ina e aitno due isak.

Luk 1:72

Aitno due udo seia e bitna sisir kontrak ka iye wai ine e ma iye tona didie.

Luk 1:78

ye due langane kesua aitno due ite omba. E ma bublongon langka alo ka oklou tito me ke ite ke omur heven.

Pas ka Pol sogoe uti la ke osep Rom ina 11:14

Ngawaiki lou bokongon sruk lou osua leklou ka isak osep Israel ina aitno lisak ma tingale elio ka Ida Tapolngon due ke umu. Ke elio langane ngawaiki ngadue osep Israel ina leklou tibauluk aitno lisak.

Pas ka Pol sogoe uti la ke osep Rom ina 11:6

Iye makai isak e rere isak ila osep. E aitno la ke bokongon ka tidue deka iye rere isak ila osep kovok. Aurou. Langka tidue bokongon gesa deka Ida Tapolngon rere isak ila osep elio langane didi osep aitno lisak e didi Ida Tapolngon ila makaingan kovok.

Pas ka Pol sogoe uti la ke osep Rom ina 12:2

E umakana elio bitna bitna ka osep taklak ina tidue sakam. Umosongon Ida Tapolngon ma iye due aitno lumu tilumus tipolou oku. Alo ka aitno lumu tilumus tipolou oku ma umeile lokono ke Ida Tapolngon aitno. E ma umeile ke elio ka itau ka Ida Tapolngon aitno itau ine e ka wan gesa mole kovok.

Pas ka Pol sogoe uti la ke osep Rom ina 3:20

Umoklingen. Moses ila sogongon karanga due ite itopolou itau e osuk ke Ida Tapolngon bitna kovok. Aurou. Iye nis ite ke udo elio epmes ina vala.

Pas ka Pol sogoe uti la ke osep Rom ina 3:28

Eknikane iteile omur osep ka tididi Moses ila sogongon vala ma tipolou itau e osuk ke Ida Tapolngon bitna kovok. E osep ka aitno lisak dagar ke Yesus vala ma Ida Tapolngon due isak tipolou itau e osuk ke bitna.

Pas ka Pol sogoe uti la ke osep Rom ina 4:5

E langka aitno lite dagar ke Ida Tapolngon vala ma iye due ite itopolou itau e osuk ke bitna. Iye lua ite langane lama oglou udo elio soulu lokono.

Pas ka Pol sogoe uti la ke osep Rom ina 9:11

Alo ka Rebeka dau divir padanga kovok Ida Tapolngon palongo Rebeka ila ke elio kene kene ka ma polou ke titno arang orwo. Iye wai mimi ka sisu bitna ma mgo e plau mimi ka sirngen. Ida Tapolngon wai langane alo ka mimi orwo tonari dau tipolou kovok. Iye wai langane alo ka isak dau tidue elio soulu koke elio itau kovok. Iye wai langane kesua batne iye didi aitno e rere osep ka iye waiki rere isak. Iye didi itosep udo elio gesa ine kovok. Aurou. Iye rere osep ka iye waiki rere isak.

Pas ka Pol sogoe uti la ke osep Rom ina 9:16

E langane. Itosep udo elio gesa dong ka mter Ida Tapolngon aitno ma aitno due ite kovok. Aurou. Iye didi aitno e aitno due osep ka iye waiki aitno due isak.

Pas ka Pol sogoe uti la ke osep Rom ina 9:30

E aitno lite lange ke elio tonari? Kesua oglou ari osep ka isak osep Yuda ina kovok tikrim ekreng ma tipolou itau e osuk ke Ida Tapolngon bitna kovok. Lama langane Ida Tapolngon due isak tipolou itau e osuk ke bitna kesua aitno lisak dagar ke iye.

1 Korin 6:11

Ke oglou umu leklou umodong langka osep tonari. E Ida Tapolngon ris umu kodong e rere umu ila osep lokono. Deka ke Ida Puda Yesus Krais angaine e ke Ida Tapolngon Ano Itau iye due umu umopolou itau e osuk ke bitna.

Galesia 2:16

Iteile Ida Tapolngon aitno mter ke gute ka didi Moses ila sogongon e ke batne langane iye sir iye gute itau kovok. Aurou. Gute ka aitno dagar ke Krais Yesus vala Ida Tapolngon sir iye gute itau. Ite blang aitno lite dagar ke Krais Yesus kesua iteile ekreng ane ekreng kene vala ma Ida Tapolngon sir ite osep itau. E ke ekreng ka itedidi Moses ila sogongon kovok. Kesua gute gesa karanga didi Moses ila sogongon e Ida Tapolngon sir iye gute itau kovok. Aurou.

Efesus 2:4

Lama itodong soulu langane Ida Tapolngon ka aitno due ite lana iye omba ke ite.

Efesus 4:23

E umosongon elio oglou ina ka oglou aitno lumu mter ine e eknikane aitno lumu mter ke elio oku ina vala.

Efesus 5:26

Krais pli tarna e kasip amunte. Deka eriar langka iteris pampamu lite ma tipolou eip Krais waiki ris aitno lite ke ila pelengon ma aitno lite tipolou itau lokono. Krais ris ite ka ila osep ke ila pelengon kesua iye waiki due ite itopolou itau lokono ke iye tona bitna.

Kolosi 3:10

E umodue lumu mosongon oku ina kodong. Ida Tapolngon due lumu mosongon tonari polou oku aling aling e aling aling lua umu ma umeile omur ke ila elio keniye. Iye waiki lumu elio isuk isuk polou langka iye tona ila elio.

2 Timoti 1:9

Ida Tapolngon lua ite ke udo elio epmes ina kodong e rere ite itodong ila osep ka itau lokono. Iye due langane batne ke elio gesa ka itakaranga itodue kovok. Aurou. Oglou alo ka iye dau tapol wan gesa kovok iye didi aitno e didi ila makaingan e rere ite ma aitno lite la dagar ke Krais Yesus.

Taitus 3:4

Itodong langane deka Ida Tapolngon ka iye Ida Luangan blang lana iye omba ke ite. Iye makai ite e nis ite ke wan ka iye due ke ite kodong.

Hibru 10:22

E iye ris aitno lite ke ina marau ma elio soulu vri ke ite kovok. Ane langka iye ris pampamu lite ke aki ka wan sasi dong ine kovok. Deka aitno lite kene ke Ida Tapolngon e aitno lite ila dagar dong dagar e itopolou olwo boto ke Ida Tapolngon.

Hibru 4:16

Deka ma itopolou olwo boto ke Ida Tapolngon ka makai ite e itoulou ke iye kovok. Ma aitno due ite e ila makaingan polou ke ite e lua ite alo ka elio bitna bitna polou ka opru ite.

Hibru 6:6

Langka tipul dogur ke iye deka tikaranga tibauluk aitno lisak kovok kesua ane langka tinilim Ida Tapolngon Otno Arang mana ke ina akai ke osep pula amtarsak blang.

1 Pita 1:3

Ma itakakai Ida Tapolngon ka iye Ida Puda Yesus Krais timla angaine tito la egim. Ida Tapolngon aitno due ite omba lokono. Deka iye due Yesus Krais poga tito ke ina denga e due ite itopolou oku langka mimi edimor. Elio ane due aitno lite dagar ma Ida Tapolngon kar ite ke wan ka iye wai ine kodong.

1 Pita 2:10

Oglou umodong Ida Tapolngon ila osep kovok e eknikane umu ila osep. Oglou Ida Tapolngon aitno due umu kovok e eknikane aitno due umu kodong.

1 Pita 3:21

Aki tonari nisngen ke aki ke elio paunimngen ina. E elio paunimngen ina nisngen ke elio ka Ida Tapolngon lua umu ke lumu elio epmes ina. E aki ke elio paunimngen ina langka ris tarna lumu kovok. Aurou. Ane langka pelengon ka umawai ke Ida Tapolngon ma umedidi iye ma umodong itau ke bitna. Ida Tapolngon due Yesus Krais poga tito ke ina denga e ke batne langane umodong itau ke bitna.