Taitus 3:3 - Aria New Testament

³ Emile oglou ite blang iteile omur ke Ida Tapolngon kovok e itotuk ila pelengon. Alo ari Satan pagolgol aitno lite deka itedidi Ida Tapolngon ila pelengon kovok. Deka itodong langka elio epmes ina plau ite e itedidi elio soulu. E aitno lite itau ke elio soulu e itedidi pampamu lite. Itedidi elio ka aitno lite amnga e aitno lite soulu ke osep leklou e itangale urok wan bitna bitna. Aitno lite engil ke osep e aitno lisak engil ke ite blang.

Taitus 3:3 ပူးပေါင်းရင်းမြစ်များ

Matyu 21:29

E iye koli wai ma iye due kovok e dau mase iye bauluk aitno e la boko ine.

Luk 21:8

E Yesus koli wai ke isak langane. “Umaplau umu itau lama osep tiyak umu. Kesua osep pula ma time e tisir angain ngong e tiwai langane. ‘Ngong tona gute Krais.’ E osep leklou ma tiwai langane. ‘Alo ka Krais iding me isuk boto polou.’ E umedidi urok pelengon sakam.

Jon 8:34

E Yesus koli wai ke isak langane. “Ngawai lokono ke umu langane. Osep ka pula keniye ka tidue elio epmes ina tidong langka wokboi nating ke elio epmes ina.

Pas ka Pol sogoe uti la ke osep Rom ina 11:30

Eriar langka oglou umedidi Ida Tapolngon ila pelengon kovok eknikane osep Israel ina tididi ila pelengon kovok. E ke urok elio tonari Ida Tapolngon aitno due umu.

Pas ka Pol sogoe uti la ke osep Rom ina 6:12

Eknikane aitno lumu itau ke elio epmes ina bitna bitna kovok lama iye plau pampamu lumu. Umadangdang ine vala lama umawaiki umodue elio epmes ina bitna bitna blang.

Pas ka Pol sogoe uti la ke osep Rom ina 6:17

Oglou elio epmes ina plau umu e umodue elio epmes ina bitna bitna vala. Mase osep tiparere umu ke Ida Tapolngon ila pelengon deka aitno lumu la dagar ine. Aitno lumu dong dagar ine e ngakakai Ida Tapolngon angaine tito ine.

Pas ka Pol sogoe uti la ke osep Rom ina 6:22

E eknikane elio epmes ina plau umu kovok. Aurou. Ida Tapolngon klok lumu elio epmes ina kodong deka iye plau umu. Deka umodue elio itau vala. E elio itau ka umodue lua umu ma umopolou osep ka tidong itau e osuk ke Ida Tapolngon bitna. Ma umodong kap Ida Tapolngon e umodue lumu mosongon ka dong vala dong.

Pas ka Pol sogoe uti la ke osep Rom ina 6:6

E silang blang langane. Eriar langka Yesus mana ke ina akai e mete ine ite blang udo elio oglou ina mana e mete kap iye kodong. Udo elio oglou ina mete kap iye. Ma elio tonari ila arit yagos e ma plau ite aling silang blang kovok.

2 Korin 12:20

Ma ngapolou ke umu e dau aitno lungong nesik lama lumu elio langka elio ka ngawaiki umodue kovok. E silang blang ngawaiki aitno lumu itau ke lou elio blang. Aitno lungong kro lama ngavati elio soulu ke umu ka langane. Opmu mluk pulu e aitno lumu rim ke osep leklou e aitno lumu nevlik amnga. E aitno lumu mter ke umu kenmu kenmu vala e umawai soulu ke osep e umodue adis. E aitno lumu mter langka umomole osep leklou e umodue elio ulik ulik vala.

Galesia 6:3

Langka gute gesa aitno mter langka angaine omba e dau angaine omba kovok deka gute tonari yak iye tona vala.

Kolosi 1:21

Oglou umodong mawa ke Ida Tapolngon e aitno lumu mter ke wan ka due umu ina oul. E umu ina oul kesua umodue elio soulu bitna bitna e aitno lumu mter ke elio soulu vala.

Kolosi 3:7

Ke oglou elio bitna bitna tonari plau umu blang e umodue elio epmes ina bitna bitna.

2 Timoti 3:13

E osep soulu bitna e osep yakngan ina ma urok elio soulu res polou omba. E tiyak osep leklou e Satan yak isak.

2 Timoti 3:6

Osep tonari leklou tikrim ke apmang ka aitno lisak ila dagar dau dagar kovok kesua tiwaiki tiplau isak. Tikrim e tipado isak deka tisep ke urok ninu. Apmang tonari tidue elio epmes ina pula e urok elio epmes ina dau pes isak deka elio epmes ina plau isak.

Taitus 1:16

Tiwai langane. “Imeile Ida Tapolngon.” E dau urok elio ka tidue iye nisngen langane. Tipul dogur ke Ida Tapolngon kodong. Tididi Ida Tapolngon ila pelengon kovok e tikaranga tididi elio itau gesa kovok. Deka Ida Tapolngon aitno engil lokono ke isak.

Taitus 2:12

Ida Tapolngon ila makaingan nis ite ke elio ka itopul dogur ke elio ka Ida Tapolngon aitno soulu ine. E nis ite ma itepli elio soulu bitna bitna ka taklak ane ina. E nis ite ma itaplau ite itau e itodue elio itau vala ka Ida Tapolngon aitno itau ine alo ka itodong ke taklak ane.

Jems 1:26

Osep leklou tiwai langane. “Ngadidi Ida Tapolngon aitno itau lokono e ngadue elio isuk isuk ka itau.” E dau langka iye plau ila pelengon ka iye wai ine kovok iye yak iye tona ke elio ka iye wai iye didi Ida Tapolngon. Deka elio ka iye wai iye didi Ida Tapolngon aitno iye elio adai vala.

1 Pita 1:14

Umu Ida Tapolngon titno deka ma umeini ila pelengon vala. Oglou aitno lumu kaka e umedidi elio bitna bitna ka taklak ane ina e eknikane umedidi elio tonari sakam.

Pelengon kukwopngon 12:9

Deka Maikel isak tisapir mota isak ke omur heven. E mota ina sirngen orwo. Sirngen kene Satan e sirngen silang Gute Ka Sin Elio Vri Ke Osep. Iye yak osep ka pula keniye e due isak tidue elio epmes ina. Maikel kap ila ensel tiuri mota kap ila angelo soulu tiduru ke taklak.

Pelengon kukwopngon 13:14

Ida Tapolngon songon iye ma iye due elio arit ina bitna bitna ke ongwa kevena kene ina bitna. Ke elio langane iye yak osep ka pula keniye ka tidong ke taklak. E iye wai ke osep langane. “Umodue sapingen ke ongwa kevena kene ina ka oglou timter iye ke elil omba e eknikane iye dong. Ma umodue anit ke iye.”

Pelengon kukwopngon 18:2

Deka iye gi omba langane. “Armok omba Babilon dardar duru yagos e osep tidong ine kovok. Oku ane iye polou omur ka angelo soulu tidong ine. Angelo soulu tidong ine kap monuk ka isak soulu lokono blang.