Taitus 3:15 - Aria New Testament

¹⁵ Osep ka pula keniye ka tidong kap ngong tiwai “oklou itau” ke wom. E ngawaiki wom Taitus amwai “oklou itau” ke osep ka aitno lisak dagar ke Yesus e aitno lisak itau ke imi blang. Ida Tapolngon ila makaingan dong kap umu ka pula keniye.

Taitus 3:15 ပူးပေါင်းရင်းမြစ်များ

Matyu 5:47

E langka umawai ‘oklou itau’ ke lumu saten vala umodue elio langka osep leklou tidue vala. Osep ka isak osep Yuda ina kovok tidue langane blang.

Aposel 20:34

Umeile omur oglou ngaboko ma lou mani polou dong. E mase ngakli lou wan bitna bitna e ngalua lou saten ka tidong kap ngong ke urok wan bitna bitna blang.

1 Korin 16:23

Ngawaiki ma Ida Puda Yesus ila makaingan dong kap umu.

Galesia 5:6

Langka gute dong ke Krais Yesus deka elio ulangngan ina iye wan adai vala e elio ka gute due elio ulangngan ina kovok iye wan adai blang. E elio ka aitno lite ila dagar sruk ite ma ite lana ite ke osep leklou elio langane iye wan lokono.

Kolosi 4:18

Ngong Pol ngasogo pas ane e ngawai “oklou itau” ke umu. Aitno lumu mter ke elio ka ngadong ke kalabus ane. Ngawaiki Ida Tapolngon ila makaingan dong kap umu.

1 Timoti 1:2

Ngasogo pas ane uti ke wom Timoti. Ngaparere wom ke Ida Tapolngon ila pelengon e ompolou langka erigu ke aitno lite ila dagar. Ma Ida Tapolngon ka Pmada orwo Ida Puda Krais Yesus aitno lisak tidue wom e timakai wom e tidue aitno lugom dong epen.

1 Timoti 1:5

E bokongon ka Ida Tapolngon wai ke ite ma itaparere osep ine ma due aitno lisak dagar lokono ke Yesus e tidong itau lokono ke Ida Tapolngon bitna. E ma tile langka urok elio ka itau e elio ka soulu e tidue elio itau vala. E elio ka langane ma sruk aitno lisak ma isak lana isak ke osep leklou.

2 Timoti 4:22

Ngawaiki ma Ida Puda dong kap anwom e ngawaiki ila makai-ngan dong kap wom.

Filemon 1:5

Aitno lungong itau kesua ngaklingen omon langane. Aitno lugom la dagar ke Ida Puda Yesus e wom lana wom ke Ida Tapolngon ila osep keniye.

Hibru 13:25

Sipmi. Ngawaiki Ida Tapolngon ila makaingan dong kap umu ka pula keniye.

3 Jon 1:1

Ngong gute kene ka ngaplau Ida Tapolngon ila osep e ngasogo pas ane uti ke wom Gaius. Wom lou aten e silang blang wom langka erigu e ngong lana ngong ke wom lokono.