Taitus 3:10 - Aria New Testament

¹⁰ Langka gute gesa wai pele-ngon ka due Ida Tapolngon ila osep tidardar deka amwai pelengon dagar ke iye ma ommosi aitno. Ma iye wai langane blang kovok. Langka omdue langane aling orwo ina e iye dau klingen pelengon kovok deka umopul dogur ine e umodong kap iye kovok.

Taitus 3:10 ပူးပေါင်းရင်းမြစ်များ

Pas ka Pol sogoe uti la ke osep Rom ina 16:17

Sipmi. Ngawaiki ngawai dagar ke umu langane. Umeile umu itau lama supmu leklou tipagolgol aitno lumu ila dagar ke pelengon yakngan. Kesua tiwaiki urok pelengon yakngan pono aitno lumu ke pelengon ka lokono ka aitno lumu la dagar ine kodong. E umu ma umodong mawa ke osep ka tidue elio langane. Lama urok pelengon ka soulu due aitno lumu ma aitno lumu kene pulu kovok.

1 Korin 11:19

Deka aitno lungong mter langka lumu duningen bitna langka dar boto ma umeile itau ke osep ka aitno lisak dagar ke Ida Tapolngon ila elio itau.

2 Korin 13:2

Alo ka ngadong kap umu aling orwo ina ngawai dagar kodong ke osep ka oglou tidue elio epmes ina e ke osep leklou blang ma tidue langare kovok. Eknikane ngadong mawa ke umu e ngawai ke umu blang langane. Alo ka ngapolou aling silang blang ngasongon umu ma umodue elio epmes ina kovok.

Galesia 5:12

Osep ka tipagolgol aitno lumu isak dau arit isak ke elio ka tiulang osep otne lisak. Deka itau langka ma isak tona tiulang otne lisak e tisok lesna lisak blang.

Galesia 5:20

E osep tilotuim sapingen e tidue muso e tidue burwa e aitno lisak engil e tidue amnga e aitno lisak soulu. E tingale gute silang ila wan e aitno lisak vri ke isak tona e orsak mluk pulu e tidardar ke osua osua.

2 Tesalonaika 3:14

Langka gute gesa pul dogur ke pelengon ka imosogo ke pas ane deka umavati iye e umeile itau ke iye e umodong mawa ke iye. Umodue langane ma iye mnak iye ke ila elio ka iye due.

2 Tesalonaika 3:6

Sipmi. Imedidi Ida Puda Yesus Krais aitno e imawai dagar ke umu langane. Langka sudo gesa tiwaiki tiboko kovok e tidong adai vala e tididi pelengon ka imakare ke isak kovok deka umodong kap isak kovok.

2 Timoti 3:5

Ma tiwai aitno lisak dagar ke Ida Tapolngon e tiyakyak vala. E urok mosongon ma nis ite Ida Tapolngon ila arit dong ke isak kovok. E Timoti ngawaiki omdong mawa ke osep ka tidue elio langare.

2 Pita 2:1

E oglou osep napaprangan yakngan ina tidong kap osep Israel ina. E eriar langane osep parerengen yakngan ina ma tipolou ke umu blang e tibisi urok pelengon yakngan e tiwaiki tinak umu ma umedidi urok pelengon. Tiwaiki urok pelengon yakngan due pogle ke aitno lumu ila dagar. E tipul dogur ke Ida Puda ka kli urok elio epmes ina deka suong ma Ida Tapolngon koli urok elio soulu e due agegeng ke isak.

2 Jon 1:10

Langka gute gesa me ke umu e parere umu eriar langka ngaparere umu kovok deka umodue sep ke lumu ninu kovok. E umawai “oklou itau” ke iye kovok.