Taitus 2:8 - Aria New Testament

⁸ Amwai pelengon lokono vala deka osep tikaranga tiwai soulu ke lem pelengon kovok. E tikaranga tituk orsak pulu kap wom kovok. Deka ma isak mnak isak ke urok elio soulu e tikaranga tiwai blang kovok.

Taitus 2:8 ပူးပေါင်းရင်းမြစ်များ

Mak 12:17

Deka Yesus wai ke isak langane. “Langka wan ka Sisar ila wan deka umakare ke iye. E langane blang wan ka Ida Tapolngon ila wan deka umakare ke iye.” Yesus wai langane deka osep tonari aitno lisak mter pula ine.

Mak 12:28

Alo ari gute gesa ka ile itau ke Moses ila sogongon me polou ke Yesus e klingen osep Sadyusi ina tigosok Yesus timter pelengon pulu. Deka iye klingen Yesus ila kolingen e ile omur Yesus koli osep tonari urok pelengon itau. Deka iye pmi Yesus langane. “Pelengon dagar gesa lange ka oglou Moses sogoe mole pelengon dagar keniye ka iye sogoe?”

Mak 12:32

Deka gute tonari wai ke Yesus langane. “Gute parerengen ina lem pelengon lokono. Amwai Ida Tapolngon iye kene vala e tapolngon silang blang ka lokono langka iye dong kovok deka lem pelengon lokono.

Mak 12:34

Gute wai langane deka Yesus ile iye koli ila pmingen itau deka wai ke iye langane. “Omdong olwo boto ke omur ka Ida Tapolngon plaue.” Ari osep keniye ka tiklingen Yesus ila pelengon tiulou tarna lisak ke iye deka tiwaiki tipmi iye ke pmingen silang blang kovok.

Luk 13:17

Yesus wai langane deka osep keniye ka tipara pulu pelengon kap iye isak mnak isak e osep pula aitno lisak neser ke elio itau lokono ka iye due.

2 Tesalonaika 3:14

Langka gute gesa pul dogur ke pelengon ka imosogo ke pas ane deka umavati iye e umeile itau ke iye e umodong mawa ke iye. Umodue langane ma iye mnak iye ke ila elio ka iye due.

1 Timoti 5:14

Deka aitno lungong mter langka apmang sasap batne ka isak dau belbela boto ma tigi blang deka ma tidivir titorok e tikere urok osua itau. Langka tidue langane ma osep epmes ina tikaranga tiwai soulu ke isak kovok.

1 Timoti 6:3

Ida Puda ila pelengon parere ite ke Ida Tapolngon ila elio. Langka gute gesa songon pelengon ane e parere osep ke pelengon silang blang ka eriar langka Ida Puda Yesus Krais ila pelengon kovok deka emile langane. Gute tonari aitno itau ke iye tona e tala klingen kovok. E iye ile omur gesa kovok. Aitno soulu e iye waiki tuk pelengon e mole osep leklou urok pelengon. Elio langane ma due osep aitno lisak rim e aitno lisak soulu ke osep leklou. E tiblou osep leklou dogursak e aitno lisak mter osep leklou tidue elio soulu.

Taitus 3:14

Nga-waiki aling aling Ida Tapolngon ila osep tidue elio itau. Elio langka tilua osep ka urok wan isuk boto vala. Ma tidong adai e tidue wan ulik ulik kovok.

1 Pita 2:12

Umodong airavu ke osep epmes ina e ngawaiki umodue elio isuk isuk ka itau vala. Umodue elio itau vala e langka tisin elio soulu vri ke umu ma tivati lumu elio itau e ma tikakai Ida Tapolngon angaine tito la egim ke oklou ka iye ma me e wade osep ine.

1 Pita 2:15

Ida Tapolngon waiki umodue elio ka itau e osuk. Umodue langane deka osep ka kaka tikaranga tiwai ulik ulik ke lumu elio kovok.

1 Pita 3:16

E ngawaiki umodue elio itau vala ma elio gesa pes umu kovok. Deka langka osep tisin elio soulu vri ke umu e tiwai soulu ke lumu elio itau ka umodue batne ke Krais ma isak mnak isak ke urok pelengon.