Taitus 2:5 - Aria New Testament

⁵ E apmang pasinga oku ina tiplau isak itau e tididi elio itau vala. E tile elio ka tidue urok bokongon bitna bitna itau e tidue elio itau ke osep. E tidong moli ke urok soboget e tini urok pelengon. Tidue elio itau langane ma osep tikaranga tiwai soulu ke Ida Tapol-ngon ila pelengon kovok.

Taitus 2:5 ပူးပေါင်းရင်းမြစ်များ

Aposel 9:36

Alo ari ke armok Jopa apmang kene dong ka aitno dagar ke Yesus ka angaine Tabita. E langka osep tiwai pelengon Grik deka tisir apmang tonari angaine Dorkas. Apmang tonari ila elio itau lokono. Oklou pula iye due elio itau e kar wan adai ke osep e tidue batne kovok.

Aposel 9:39

Pita klingen urok pelengon deka iye tito e la kap isak. Tididi ekreng e tipolou ke Dorkas ila ninu deka tipaur Pita tito ke ninu ina eliang ka dong egim. Apmang ka sasap batne tivri olwo boto ke Pita e tikngis ke Dorkas deka tinis iye ke klos e molo ka oglou Dorkas due.

Pas ka Pol sogoe uti la ke osep Rom ina 14:16

E langane. Langka umeile elio gesa ka aitno lumu itau ine ma due lumu aten gesa aitno soulu ma umodue kovok.

Pas ka Pol sogoe uti la ke osep Rom ina 2:24

Oglou osep ka tisogo Ida Tapolngon ila pelengon tisogo langane. “Osep ka isak osep Yuda ina kovok tiwai soulu lokono ke Ida Tapolngon. Tiwai soulu ine e tipes angaine kesua batne tivati umu osep Israel ina lumu elio soulu.”

1 Korin 11:3

E ngawaiki ma umeile omur ke pelengon langane. Ida Tapolngon plau Krais e Krais plau osep arang e osep arang tiplau sasarak.

Efesus 5:33

E pelengon tonari ina pelengon silang blang langane. Osep arang ka pasinga ma isak lana isak ke sasarak eriar langka isak lana isak ke isak kensak kensak. E umu apmang ka pasinga umodue anit ke lumu soboget.

Kolosi 3:18

Umu apmang umeini lumu soboget urok pelengon. Kesua alo ka umodue elio langane Ida Puda aitno itau ine.

1 Timoti 5:10

E isak langka apmang ka osep tile isak tidue elio itau vala. Ngawai ke elio itau langka tiplau titorok itau e tikar ngangon ke osep kaulei e tidong moli e tilua osep Kristen leklou. E tilua osep ka agegeng polou ke isak e tidue bokongon bitna bitna blang ka itau. Ma omsogo apmang ka langane angainsak.

1 Timoti 6:1

Osep Kristen ka isak wokboi nating ma tidue anit ke inarak plaungan lama urok elio due Ida Tapolngon angaine duru e osep tiwai soulu ke aitno lite ila dagar.

Taitus 2:4

Tiparere apmang pasinga oku ina ma aitno lisak la ke sasarak e titorok blang.