Taitus 2:4 - Aria New Testament

⁴ Tiparere apmang pasinga oku ina ma aitno lisak la ke sasarak e titorok blang.

Taitus 2:4 ပူးပေါင်းရင်းမြစ်များ

1 Timoti 5:11

Ma omsogo apmang sasap batne ka dau belbela boto angainsak kovok. Kesua isak ma tidue Krais ila bokongon isuk boto deka alo ka aitno lisak itau ma tigi blang ma tipul dogur ke Krais.

1 Timoti 5:14

Deka aitno lungong mter langka apmang sasap batne ka isak dau belbela boto ma tigi blang deka ma tidivir titorok e tikere urok osua itau. Langka tidue langane ma osep epmes ina tikaranga tiwai soulu ke isak kovok.

1 Timoti 5:2

E omdue elio itau blang ke apmang ka namor langka omdue ke ngap aiya. E omdue elio itau blang ke apmang belbela langka omdue ke sulup. Aitno lugom mter ke elio silang blang kovok.

Taitus 2:3

E amparere apmang ka namormor blang ma tidue elio ka Ida Tapolngon aitno itau ine vala. Ma tidue adis ke osep leklou kovok. Aling aling tinim aki dagar ma amtarsak balilu kovok. E tiparere apmang pasinga oku ina ke elio itau vala.

Taitus 2:5

E apmang pasinga oku ina tiplau isak itau e tididi elio itau vala. E tile elio ka tidue urok bokongon bitna bitna itau e tidue elio itau ke osep. E tidong moli ke urok soboget e tini urok pelengon. Tidue elio itau langane ma osep tikaranga tiwai soulu ke Ida Tapol-ngon ila pelengon kovok.