Taitus 2:15 - Aria New Testament

¹⁵ Deka Taitus. Aling aling amparere osep ke pelengon ane e omsruk aitno lisak ma tididie. E amwai dagar ke osep ka tididie itau kovok. Omdue langane ma osep tidue anit ke wom.

Taitus 2:15 ပူးပေါင်းရင်းမြစ်များ

Matyu 7:29

Kesua iye parere isak langka urok osep ka tiparere isak ke Moses ila sogongon kovok. Aurou. Iye parere isak langka gute ka arit dong ke ila parerengen.

Mak 1:22

Osep tiklingen ila parerengen deka ansak nesik omba ine. Kesua iye didi ila arit e parere osep ke pelengon tonari. E iye wai adai eriar langka osep ka isak urok parerengen ina tidue kovok.

Mak 1:27

Osep tivati elio tonari deka aitno lisak mter pula ine e tiwai pulu langane. “Ua. Elio ane lange? Gute ane parere ite ke pelengon oku ina ka ila arit dong ine. Iye wai vala deka angelo soulu tini ila pelengon.”

Luk 4:36

E osep ke ninu tonari tidigrik e tiwai pulu langane. “Lange iye karanga wai langare? Kesua arit dong ke ila pelengon deka iye wai dagar ma angelo soulu tisongon osep e tididi ila pelengon.”

1 Korin 16:11

E ngawaiki supmu leklou tipul dogur ke iye kovok. E aitno lumu itau ke iye ma umolua iye ke ila langan ma iye bauluk me ke ngong blang. Ma ngapara ke alo ka iye me kap sudo leklou.

1 Timoti 5:20

E langka osep plaungan ina tidue elio epmes ina deka ma ommosi isak ke osep amtarsak. Omdue langane ma osep plaungan ina leklou tivati elio ane e tilim ma tidue elio soulu kovok.

2 Timoti 4:2

Aling aling amnapapra Ida Tapolngon ila pelengon ke osep. Langka tiwaiki amnapapra ke isak koke tiwaiki amnapapra ke isak kovok io amnapapra ine vala. Ommosi aitno lisak ma aitno lisak mter itau e amwai dagar ke isak ma tibauluk aitno lisak ke urok elio soulu. E amwai pelengon itau ke isak ma due aitno lisak itau. Amwai molil molil ke isak e aling aling amparere isak.

Taitus 1:13

Gute tonari ila pelengon lokono. Deka ngawaiki amwai dagar ke isak e ommosi urok elio ma aitno lisak dagar ke Ida Tapolngon vala.

1 Pita 4:11

Langka gute due kerengen ma iye napapra ke osep deka iye napapra Ida Tapolngon ila pelengon vala. E langka gute due kerengen ma iye lua osep leklou ke bokongon bitna bitna deka ma iye didi Ida Tapolngon ila arit ine. Umodue langane ma wan ka pula keniye ka umodue kakai Ida Tapolngon angaine tito la egim batne Yesus Krais dong. Krais angaine omba lokono e ila arit dong vala dong. Lokono.