Taitus 2:14 - Aria New Testament

¹⁴ Yesus Krais mete e kasip amunte. Iye kli udo elio epmes ina e klok udo elio epmes ina la kesua iye waiki itopolou ila osep ka itau lokono. Deka itodong itau lokono sep ila sorip. E aitno lite itau lokono ma itodue elio itau vala.

Taitus 2:14 ပူးပေါင်းရင်းမြစ်များ

Matyu 1:21

Ma iye divir mimi arang e ma ambaski angaine Yesus. Kesua ma iye polou gute ka lua osep ke urok elio epmes ina.”

Matyu 20:28

Kesua Gute Ka Polou Langka Osep me ma osep tidue wan ka lua iye tona kovok. Aurou. Iye me ma iye lua osep e mete ma iye kli osep urok elio epmes ina.”

Matyu 3:12

E iye kis wan ka iye wade wit erine ine e iye ma gir omur ka timluk wit erine ine. Iye ma tagom wit otna ke ina yage ila ninu e iye ma uri wit tokonkon ke eiou ka ila yagosngon kovok.”

Jon 10:15

Ane eriar langka Livou ile ngong e ngaile Livou. E ngapli tarna lungong e ngamete ma ngaplau lou sipsip itau.

Jon 6:51

Ngong bret ka duru ke omur heven ka kar mosongon ka dong vala dong ke osep. Langka gute ngen bret ane ma iye dong vala dong. Bret ane pampamu lungong ka ngakare ke osep taklak ina ma tikaranga tidue mosongon ka dong vala dong.”

Aposel 15:14

Saimon wai ke ite ine kodong. Iye wai ke elio ka Ida Tapolngon aitno kro mgongen ke osep ka isak osep Yuda ina kovok deka iye rere isak leklou ma isak ila osep.

Aposel 15:9

Elio tonari nis ite Ida Tapolngon aitno kene ke osep ka pula keniye ka aitno lisak dagar ke Yesus. Ari aitno lisak la dagar ke Yesus deka Ida Tapolngon sak urok elio epmes ina.

Aposel 20:28

Eknikane umu ka Ano Itau rere umu Ida Tapolngon ila osep inarak plaungan umaplau umu itau. Umekere Ida Tapolngon ila osep itau lokono. Kesua Otno Arang ina marau kli inarak elio epmes ina.

Aposel 9:36

Alo ari ke armok Jopa apmang kene dong ka aitno dagar ke Yesus ka angaine Tabita. E langka osep tiwai pelengon Grik deka tisir apmang tonari angaine Dorkas. Apmang tonari ila elio itau lokono. Oklou pula iye due elio itau e kar wan adai ke osep e tidue batne kovok.

Galesia 1:4

Krais didi Ida Tapolngon ka Pmada aitno e soro pampamu ine ma lua ite ke udo elio epmes ina. Iye due langane ma lua ite ke elio soulu ka dong ke taklak ane.

Galesia 2:20

E ke elio ka eknikane ngadong itau kap Ida Tapolngon ngamana kap Ida Puda Yesus Krais ke ina akai kodong e ngamete kap iye. Deka ngadue mosongon oku. E mosongon tonari lou mosongon kovok. Aurou. Krais dong ke aitno lungong deka lou elio isuk isuk e lou bokongon ka ngadue ke taklak ngadue ke aitno lungong ila dagar vala. Aitno lungong dagar ke Ida Tapolngon Otno Arang e aitno itau lokono ke ngong e iye soro pampamu ine ma lua ngong.

Galesia 3:13

Moses ila sogongon wai langane. “Ite ka pula keniye itedidi Moses ila sogongon keniye kovok e ma iteimina.” E Krais lua ite alo ka iye mana ke ina akai e mete e kasip amunte. Ida Tapolngon ila pelengon wai langane. “Ida Tapolngon vati osep ka timana ke akai langka osep ka agegeng polou lisak.”

Efesus 1:11

Ida Tapolngon didi aitno ke elio bitna bitna keniye ka iye waiki tipolou. Deka iye due isak keniye tipolou. Oglou iye tona didi aitno e rere imi osep Yuda ina ka imeneklep ke Krais ma imi ila osep imi.

Efesus 2:10

Ida Tapolngon due ite itopolou itau e due ite iteneklep ke Krais Yesus. Iye due langane kesua iye waiki ma itodue elio isuk isuk ka itau vala. Oglou iye rere elio ka itau vala ka iye waiki itodue.

Efesus 5:2

Krais lana iye ke ite omba deka iye mana ke ina akai e mete ine. Iye pli tarna e polou langka sipsip gesa ka osep tidue elio opmu ina ine deka iye mete. Deka ina metengen e ina marau bakop Ida Tapolngon aitno e aitno itau ine. Deka umu lana umu ke osep eriar langka Krais lana iye ke umu. Ma lumu elio tonari langka amnangan itau lokono ka Ida Tapolngon aitno itau ine.

1 Timoti 1:15

Pelengon ane lokono. Krais Yesus me ke taklak ma iye lua osep epmes ina. E ma iteklingen ine e ma aitno lite la dagar ine. Deka aitno lungong kro lokono kesua ngong tona ngadue elio epmes ina pula e ngadong langka gute ka mgo ke osep epmes ina.

1 Timoti 2:10

E ma apmang tidue elio bitna bitna ka itau langka apmang ka aitno lisak dagar ke Ida Tapolngon tidue. Elio ane langka urok baresngen ka itau.

1 Timoti 2:6

Alo ka Ida Tapolngon rere io Krais soro pampamu ine ma iye lua ite ma itodong itau ke Ida Tapolngon bitna. E ke elio tonari Ida Tapolngon nis ite langka iye waiki lua osep ka pula keniye.

1 Timoti 6:18

Amwai dagar ke isak ma tidue elio bitna bitna ka itau ka lua osep leklou. Aling aling ma tidue tovro ke osep ka urok wan isuk boto vala.

Taitus 2:7

Deka Taitus ke wan ka pula keniye ka omdue ma omdue elio itau ine vala ma osep tivati lem elio isuk isuk itau e tikanae. Alo ka amparere osep amwai osuk vala e omdue anit ke Ida Tapolngon ila pelengon.

Taitus 3:8

Pelengon ane lokono lokono. Ngawaiki amwai pelengon dagar ke osep ka pula keniye ka aitno lisak dagar ke Ida Tapolngon. Amwai ke isak ma aling aling tidue elio itau vala. Tidue elio isuk isuk ka itau ma tilua osep pula ine.

Hibru 1:3

E Otno Arang nis ite ke Ida Tapolngon ila elio ka itau lokono e iye eriar langka Ida Tapolngon. E ila arit due wan ka pula keniye tiboko itau e tidong itau. Iye duru ke taklak e mete kodong deka ina marau kli osep urok elio epmes ina. Iye due langane yagos deka iye bauluk tito ke omur heven e dong ke Ida Tapolngon ka ila arit ombatno lokono limla odung.

Hibru 10:24

E ma aitno lite mter ke elio ka ma itakaranga itosruk aitno lite ma ite lana ite pulu e itodue elio itau pulu.

Hibru 9:14

Lama elio tonari dong Krais ina marau mole wan keniye inarak marau. Elio kene gesa vri ke Krais kovok deka ke Ano Itau ka dong vala dong iye pli tarna e mete langka osep tidue elio opmu ina ke iye. E iye due aitno lite polou itau lokono deka aitno lite mter kovok ke elio bitna bitna ka karanga lua ite kovok. E itodue Ida Tapolngon ka dong vala dong ila bokongon.

Jems 4:8

Umala olwo boto ke Ida Tapolngon e ma iye polou olwo boto ke umu. Umu ka umodue elio epmes ina umosongon lumu elio epmes ina langka gute ka grong limla. E umu ka aitno lumu orwo ke Ida Tapolngon aitno lumu mter ke elio itau vala.

1 Pita 1:18

Umeile kodong oglou umedidi elio ka adai vala ka lumu seia tidue blang. E Ida Tapolngon kli umu ke elio tonari. Iye kli umu ke wan langka silva e gol ka karanga polou yagos kovok.

1 Pita 1:22

Umedidi pelengon ka lokono e Ida Tapolngon due lumu elio epmes ina noklok la deka umodong itau lokono. E aitno lumu omba e umu lana umu lokono ke Ida Tapolngon ila osua. E ngawaiki umu lana umu omba ke isak.

1 Pita 2:12

Umodong airavu ke osep epmes ina e ngawaiki umodue elio isuk isuk ka itau vala. Umodue elio itau vala e langka tisin elio soulu vri ke umu ma tivati lumu elio itau e ma tikakai Ida Tapolngon angaine tito la egim ke oklou ka iye ma me e wade osep ine.

1 Pita 2:9

E Ida Tapolngon rere umu ma umodong ila osep. E Ida Tapolngon ka vri mgo ke ite e plau ite rere umu ila osep loulou ina. E iye rere umu ila osua ka itau itau lokono. Iye rere umu ila osep kesua iye waiki umanapapra osep pula ke ila elio itau ka iye due. Iye gi umu ma umosongon lumu elio epmes ina e umesep ke ila bublongon ka itau lokono. Ila bublongon tonari itau itau lokono.

1 Pita 3:18

Aitno lumu mter ke Krais. Oglou iye mete aling kene batne ke udo elio epmes ina. Ite osep epmes ina e iye dong itau lokono. E iye mete ma iye paur ite ke Ida Tapolngon. Osep timluk Krais pampamu ine e iye mete deka Ida Tapolngon due poga tito ke ina denga e iye dong ano ke omur heven.

1 Jon 1:7

E langka itodue elio itau vala deka itodong ke bublongon langka iye dong ke bublongon. Itodong ke bublongon deka aitno lite kene pulu e Otno Arang Yesus ina marau ris udo elio epmes ina la.

1 Jon 1:9

E langka itapalongo malak ke udo elio epmes ina deka Ida Tapolngon ma sak isak kla. Ida Tapolngon ila elio langane. Iye didi ila pelengon ka iye wai ine kodong e due elio itau vala. Ma itopolou itau e osuk ke bitna.

1 Jon 3:2

Lou saten. Ngong lana ngong ke umu e ngawai ke umu langane. Oku ane ite Ida Tapolngon titno. E iteile mase ma itodong langka wansua kovok e dau iteile langane. Alo ka Krais me polou ma itodong eriar langka iye kesua ma itavati iye malak deka ma iteile omur ke iye.

Pelengon kukwopngon 1:5

E makaingan blang me ke Yesus Krais ka iye palongo udo malak ke ila pelengon ka lokono lokono. Iye mgo ke osep ka pula keniye ka timole inarak denga e tipoga titito blang. E iye gute ka mgo ke osep ka tivri mgo ke omur omur ke taklak ane. Iye lana iye ke ite e ina marau klok udo elio epmes ina la.

Pelengon kukwopngon 5:9

E tidue sakul oku gesa langane. “Amkaranga omdue buk e amkaranga emkles pou-ngon lumorwo ke buk tonari. Kesua osep timluk wom emmete e ngap marau baser e emkli osep urok elio epmes ina e tipolou Ipem Tapolngon ila osep ine. Emkli osep ke osua ka pula keniye e osep ka tiwai tokples bitna bitna e osep ka tarna lisak bitna bitna e osep ke omur ka pula keniye ke taklak.